Բորդյուժան մեծ սխալ է համարում ՀՀ կողմից ՀԱՊԿ-ին անդամակցության կասեցումը 16 դեկտեմբերի 2024 - 10:56 AMT PanARMENIAN.Net - ՀԱՊԿ-ի նախկին գլխավոր քարտուղար Նիկոլայ Բորդյուժան (2003-2016 թթ․) հայտարարել է, որ ՀՀ կողմից ՀԱՊԿ-ին անդամակցության կասեցումը հսկայական սխալ է։ Նա այդ մասին ասել է ՏԱՍՍ-ին տված հարցազրույցում։ Ըստ նրա՝ Երևանը միշտ շատ մեծ օգնություն է ստացել Մոսկվայից և կազմակերպության անդամներից։ «Հայաստանի ինքնիշխան իրավունքն է` մասնակցել կամ դուրս գալ Հավաքական անվտանգության պայմանագրի կազմակերպությունից։ Իրենք են որոշում, թե անվտանգության ապահովման ինչպիսի համակարգ է լինելու Հայաստանում, հենց բարձրագույն քաղաքական ղեկավարությունն է որոշում։ Եթե նրանք կարծում են, որ այդպես իրենց ավելի հարմար կլինի վարել իրենց անվտանգության քաղաքականությունը, ուրեմն դա իրենց իրավունքն է։ Կարծում եմ, որ դա հսկայակն սխալ է` հիմնված, առաջին հերթին, բացարձակապես ոչ հավաստի տվյալների վրա»,-ասել է Բորդյուժան։ Նա հավելել է, որ երբ ՀՀ բարձրագույն ղեկավարությունը խոսում է այն մասին, թե իրենք ոչ մի օգնություն չեն ստացել ՌԴ-ից, որ «Ռուսաստանը, քիչ է մնում ասեն` հեղաշրջումներ էր պատրաստում, իսկ ՀԱՊԿ-ից ոչ մի օգնություն չկար, դա բացարձակապես ճիշտ չէ»։ Բորդյուժան ասել է, որ իր աչքերի առաջ ճիշտ հակառակն է տեղի ունեցել։ «Թե Հայաստանի զինված ուժերը, թե բոլոր ուժային կառույցները հսկայական օգնություն էին ստանում Ռուսաստանի Դաշնությունից` կազմակերպչական, գիտատեխնիկական, աջակցություն սպառազինությամբ։ Պարզապես այդ տվյալները փակ են, եթե հաշվենք, թե որքան է Ռուսաստանը ներդրել Հայաստանի զինված ուժերում և ընդհանրապես Հայաստանում, ապա կարծում եմ, որ դա շատ-շատ լուրջ գումար կկազմի»,-ասել է նա։ Հայաստանի վարչապետ Նիկոլ Փաշինյանը 2024 թվականի փետրվարին հայտարարել էր, որ Հայաստանը գործնականում սառեցրել է մասնակցությունը ՀԱՊԿ-ին։ Նա նշել էր, որ ՀԱՊԿ-ը չի կատարել Հայաստանի նկատմամբ պարտավորությունները, ինչն առանց հետևանքների չէր կարող մնալ։ Հայաստանը սառեցրել է իր մասնակցությունը ՀԱՊԿ-ին, հրաժարվել է իր բաժին ֆինանսավորումը հատկացնել այդ կառույցին, տևական ժամանակ չի մասնակցում համատեղ զորավարժություններին, հանդիպումներին։ Փաշինյանը հայտարարել է, որ ՀԱՊԿ–ին անդամության հարցում, հավանաբար, անցել ենք անդառնալիության կետը: Photo. Ria Novosti   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
