Փաշինյանը ՀՀ մաքսային մարմինները սահմանելու որոշում է ստորագրել

PanARMENIAN.Net - Վարչապետ Նիկոլ Փաշինյանը մաքսային մարմինները սահմանելու որոշում է ստորագրել, ըստ որի ՀՀ 6 կառույց մաքսային մարմին է համարվում։

Որոշման համար հիմք է ընդունվել «Մաքսային կարգավորման մասին» օրենքի 212-րդ հոդվածի 2-րդ մասը։

Սահմանվել է, որ ՀՀ մաքսային մարմիններ են հանդիսանում՝

1.Հայաստանի Հանրապետության պետական եկամուտների կոմիտեն.

2.Հայաստանի Հանրապետության պետական եկամուտների կոմիտեի արտաքին տնտեսական գործունեության մաքսային սպասարկման և հսկողության վարչությունը.

3.Հայաստանի Հանրապետության պետական եկամուտների կոմիտեի էլեկտրոնային առևտրի և օդային տրանսպորտով իրականացվող փոխադրումների վարչությունը.

4.Հայաստանի Հանրապետության պետական եկամուտների կոմիտեի պետական սահմանի ցամաքային անցման կետերում մաքսային սպասարկման և հսկողության վարչությունը, ինչպես նաև նույն վարչության՝ Հայաստանի Հանրապետության պետական սահմանի ցամաքային անցման կետերում (ավտոմոբիլային կամ երկաթուղային) մաքսային հսկողություն և մաքսային գործառնություններ իրականացնող բաժինները.

5.Հայաստանի Հանրապետության պետական եկամուտների կոմիտեի հետբացթողումային հսկողության և ստուգումների վարչությունը.

6.Հայաստանի Հանրապետության պետական եկամուտների կոմիտեի մաքսանենգության դեմ պայքարի վարչությունը: