  Ռուբեն Վարդանյան․ Ես գիտակցել եմ ինչի եմ գնում 7 մարտի 2025 - 12:23 AMT PanARMENIAN.Net - Արցախի նախկին պետնախարար Ռուբեն Վարդանյանը, ով շինծու գործով ներկայումս պահվում է Բաքվի բանտում, ընտանիքի միջոցով աուդիոուղերձ է հղել՝ շեշտելով, որ շարունակում է մնալ ուժեղ, հավատքով լցված ու պատրաստ դիմակայելու ցանկացած դժվարության։ «Ես գիտակցել եմ ինչի եմ գնում, պատրաստ եմ եղել և պատրաստ եմ ավելի վատ պայմանների: Ես զոհ չեմ, ինձ պետք չէ խղճալ, քանի որ սա գիտակցված որոշում է»,–ասել է նա։ Նա հատուկ շեշտել է, որ իր պահանջները մնում են անփոփոխ՝ կոչ անելով ապահովել բաց ու թափանցիկ դատական գործընթաց՝ Ադրբեջանի օրենքներին համապատասխան և միջազգային լրատվամիջոցների ու դիտորդների ներկայությամբ։ Վարդանյանը նաև ընդգծել է, որ իր գործը արհեստականորեն առանձնացնելու փորձերը անարդար են։ Ուղերձում նա անդրադարձել է նաև անձնական թեմաներին՝ ներողություն խնդրելով իր ընտանիքից, ընկերներից և բոլոր նրանցից, ում երբևէ ցավ է պատճառել։ Նա նշել է, որ իր որոշումները եղել են գիտակցված, և ինքը պատրաստ է կրել դրանց հետևանքները՝ պահպանելով հավատարմությունը իր արժեքներին։ Վարդանյանը խոսել է նաև ավելի լայն խնդիրների մասին՝ ընդգծելով, որ դատվում են ոչ միայն ինքը և իր ընկերները, այլ ամբողջ հայ ժողովուրդը։ Նա ընդգծել է, որ հակամարտությունն այս փուլով չի ավարտվում և կոչ արել դուրս գալ անտարբերության վիճակից։ Նա շեշտել է, որ իր կյանքում արել է այն, ինչ համարել է բարոյապես ճիշտ, և որ ամենադժվար պահերին էլ չի դավաճանել իր սկզբունքներին։ Ուղերձում նա նաև հիշեցրել է, որ չարը չի կարելի հաղթել չարությամբ և որ իրական խաղաղությունը պետք է լինի երկարաժամկետ ու ամուր, այլ ոչ թե պարզապես թղթի վրա ստորագրված պայմանագիր։ Վերջում Վարդանյանը կրկին հավաստիացրել է, որ պատրաստ է մինչև վերջ կանգնել իր համոզմունքների կողքին և չի տրվելու հուսալքությանը՝ վստահ լինելով, որ ապագան կախված է բոլորի միասնական ջանքերից։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
