 Կֆինանսավորվի Սիսիանի և Քաջարանի միջև նոր ճանապարհային հանգույցի ընդհանուր ծրագրի մի մասը 27 մայիսի 2025 - 18:57 AMT PanARMENIAN.Net - ԱԺ-ն քննարկում է Հայաստանի Հանրապետության ու Եվրոպական ներդրումային բանկի միջև «Հայաստան. Սիսիան-Քաջարան ճանապարհահատվածի ծրագիր» Կայուն զարգացման եվրոպական հիմնադրամ + Հատուկ ներդրումային պատուհան 1 ֆինանսական պայմանագիրը վավերացնելու մասին օրենքի նախագիծը: Հիմնական զեկուցող, տարածքային կառավարման և ենթակառուցվածքների նախարարի տեղակալ Քրիստինե Ղալեչյանը հայտնել է, որ այս համաձայնագիրը ստորագրվել է 2024 թվականի նոյեմբերի 12-ին՝ 236 միլիոն եվրոյի չափով ֆինանսավորման համար, հայտնում է 1lurer.am-ը։ Նշված գումարը կուղղվի Սյունիքի մարզում Սիսիան-Քաջարան ճանապարհի նոր՝ 60 կիլոմետր երկարությամբ մեկ երթևեկելի գոտի ունեցող ճանապարհային հանգույցի կառուցման ծրագրի մի մասի իրականացմանը։ Ծրագիրը կազմված է երեք հիմնական ենթաբաժիններից․
«Ճանապարհը կունենա ասֆալտբետոնե պատվածքով 3 երթևեկելի գոտիներ, հյուսիսային հատվածում կկառուցվեն նաև 3 թունել, 16 կամուրջ, 83 հեղեղատար, 28 բետոնե հենապատեր: Համանման աշխատանքներ են նախատեսվում հարավային հատվածում: Ունենք 5 թունել, 11 կամուրջ, 68 հեհեղատար, 43 բետոնե հենապատեր, անվտանգ երթևեկությունն ապահովող այլ աշխատանքների իրականացում: Ծրագիրը թույլ կտա կրճատել ճանապարհահատվածի ընդհանուր երկարությունը 58 կմ-ով, կնվազի նաև երթևեկության տևողությունը, կբարձրանա երթևեկության հարմարավետությունը»,–նշել է նա։ Ղալեչյանը հավելել է, որ կառուցվող ենթակառուցվածքը նախատեսվում է, որ կսպասարկի օրական մինչև 10 հազար տրանսպորտային միջոց։ Պայմանագրով հատկացված միջոցներն ուղղվելու են Հյուսիսային և Հարավային ենթահատվածների կառուցման աշխատանքների ֆինանսավորմանը։ Ծրագիրը կունենա նաև համաֆինանսավորում Վերակառուցման և զարգացման եվրոպական բանկի ու Ասիական զարգացման բանկի կողմից՝ յուրաքանչյուրը՝ 236 միլիոն եվրոյի չափով ներդրումով։ Բացի ֆինանսական պայմաններից, պայմանագրում ամրագրված են նաև բնապահպանական, սոցիալական և կլիմայի փոփոխության դեմ պայքարի պահանջներ, ինչպես նաև ԵՄ ստանդարտներին համապատասխան ճանապարհային անվտանգության միջոցառումների իրականացում։ Ծրագիրը նախատեսված է ավարտել մինչև 2033 թվականի դեկտեմբերը։ Շինարարական փուլը նախատեսվում է ավարտել 2031 թվականի դեկտեմբերին, որից հետո գործելու է երկամյա որակի երաշխիքային ժամկետ։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
