  Զուրաբիշվիլի. Թրամփը բանակցում է Փաշինյանի և Ալիևի հետ, շատ վատ է, որ Վրաստանը միայն ՌԴ կողմն է նայում 8 օգոստոսի 2025 - 11:47 AMT PanARMENIAN.Net - Վրաստանի նախկին նախագահ Սալոմե Զուրաբիշվիլին, 2008 թվականի օգոստոսյան ռուս-վրացական պատերազմի տարելիցի կապակցությամբ այցելել է Մուխաթգվերդիի եղբայրների գերեզմանատուն, որտեղ հարգանքի տուրք է մատուցել մարտերում զոհված զինվորականների հիշատակին։ Լրագրողների հետ զրույցում նա ասել է, որ այսօր պայքար է գնում հանուն խաղաղության՝ ԱՄՆ նախագահը բանակցում է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, իսկ Վրաստանը միայն ՌԴ կողմն է նայում, ինչը շատ վատ է, գրում է Haqqin.az-ը։ «Այդ պայքարը վարում են Ամերիկան և մեր եվրոպացի գործընկերները։ Այն, ինչ տեղի է ունենում այսօր Վաշինգտոնում օգոստոսի 7-8-ին, երբ ամերիկացի նախագահը հանդիպեցնում է Փաշինյանին և Ալիևին և նրանց հետ անցկացնում շատ կարևոր խաղաղ բանակցություններ, մեծ նշանակություն ունի այս տարածաշրջանի համար։ Շատ վատ է, որ այս պահին Վրաստանը մեկուսացված է, նայում է միայն Ռուսաստանի կողմն ու գտնվում է միայն նրա ազդեցության տակ։ Այս տարածաշրջանը պետք է լիներ աշխարհի ամենահաջողվածներից մեկը, մենք բացառված ենք այս ամենից»,–ասել է Զուրաբիշվիլին։ Զուրաբիշվիլին նշել է, որ «պատերազմը չի ավարտվել 2008 թվականին և այսօր շարունակվում է հիբրիդային պատերազմի ձևով»։ Օգոստոսի 8–ին ԱՄՆ նախագահ Դոնալդ Թրամփը Սպիտակ տանը կընդունի ՀՀ վարչապետ Նիկոլ Փաշինյանին ու Ադրբեջանի նախագահ Իլհամ Ալիևին։ Առանձին հանդիպումներին կհաջորդի եռակողմ հանդիպումը։ Թրամփը հայտարարել է, թե Փաշինյանն ու Ալիևը պաշտոնապես խաղաղություն կկնքեն։ Ստորագրվելու են նաև այլ փաստաթղթեր։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
