  Հռոմի պապը ողջունել է ՀՀ և Ադրբեջանի միջև խաղաղության պայմանագրի նախաստորագրումը 11 օգոստոսի 2025 - 13:20 AMT PanARMENIAN.Net - Կիրակի օրվա «Հրեշտակ Տիրամոր» աղոթքի ընթացքում Հռոմի պապ Լեո XIV-ը կոչ է հղել համաշխարհային առաջնորդներին՝ ստանձնելու պատասխանատվություն հակամարտությունների լուծման համար։ Նա իր աջակցությունն է հայտնել Հայաստանի և Ադրբեջանի միջև խաղաղության համաձայնգարի նախաստորագրմանը։ Պատերազմը, ընդգծել է նա, պետք է մերժվի որպես «հակամարտությունների լուծման միջոց», հայտնում է Vatican News-ը։ Աղոթքից հետո Պապը միջազգային հանրությանը և առաջնորդներին հորդորել է ակտիվորեն աշխատել խաղաղության հաստատման ուղղությամբ՝ հավատացյալներին կոչ անելով երբեք չդադարել դրա համար աղոթել։ «Շարունակենք աղոթել բոլոր պատերազմների ավարտի համար», – ասել է Պապը։ Օգոստոսի 8-ին Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը ստորագրել են համաձայնագիր, որը Պապ Լեոն հույսի նշան է անվանել։ Նա նշել է, որ նրանց համատեղ հայտարարությունը կարևոր առաջընթաց է և «մենք բոլորս հույս ունենք, որ այն կնպաստի կայուն և երկարատև խաղաղությանը Հարավային Կովկասում»։ Օգոստոսի 8–ին Սպիտակ տանը կայացած ՀՀ վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպմանը ստորագրվել է համատեղ Հռչակագիր` Վաշինգտոնում տեղի ունեցած հանդիպման արդյունքների մասին: Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
