  Մամեդյարով․ ՀՀ–ում Ադրբեջանի ապագա դեսպանը պետք է տիրապետի լեզվին և հասկանա հայերի առանձնահատկությունները 13 օգոստոսի 2025 - 18:01 AMT PanARMENIAN.Net - Ադրբեջանի ԱԳ նախկին նախարար Էլմար Մամեդյարովn իր տեսակետն է հայտնել այն պահանջների մասին, որոնց պետք է բավարարի ապագայում Հայաստանում նշանակվելիք Ադրբեջանի դեսպանը։ Նա նշել է, որ դեսպանը պետք է տիրապետի հայերենին և հասկանա հայերի առանձնահատկությունները: Նա հիշեցրել է, որ համաձայն երկու երկրների միջև նախաստորագրված պայմանագրի հինգերորդ կետի՝ սահմանազատման վավերացման փաստաթղթերի փոխանակումից որոշ ժամանակ անց կձևավորվեն դիվանագիտական հարաբերություններ՝ ըստ Վիեննայի 1961 և 1963 թվականների դիվանագիտական և հյուպատոսական հարաբերությունների կոնվենցիաների։ Մամեդյարովը ենթադրել է, որ տեսանելի ապագայում Ադրբեջանը կարող է դեսպանատուն բացել Երևանում, գրում է Caucasus chronicle-ը։ «Պարտադիր չէ, որ նա գործող դիվանագետ լինի, հնարավոր է կողմնակի ինչ-որ մեկին նշանակել։ Ամենակարևորը՝ նա պետք է հասկանա և իմանա հայ ժողովրդի առանձնահատկությունները»,–ասել է նա։ Մամեդյարովը պարզաբանել է, որ դեսպան նշանակելու հնարավորությունը կարող է քննարկվել միայն այն բանից հետո, երբ ստորագրվի դիվանագիտական հարաբերությունների հաստատման մասին հատուկ փաստաթուղթ, որը պետք է հաջորդի խաղաղության պայմանագրին։ «Առանց այս փաստաթղթի ստորագրման՝ դեսպան նշանակելը հնարավոր չէ։ Դրանից հետո արդեն կարելի է քննարկել՝ ով պետք է լինի դեսպանը և որքան աշխատակիցներ պետք է ունենա դեսպանատունը։ Մնացածը տեխնիկական հարցեր են»,–հավելել է նա։ Լրագրողի հարցին՝ արդյոք ինքը պատրաստ է աշխատել Երևանում որպես դեսպան, Մամեդյարովը պատասխանել է․ «Պատասխանը մեկն է՝ ինչպես կհամարվի նպատակահարմար»։ Օգոստոսի 8–ին Սպիտակ տանը կայացած ՀՀ վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպմանը ստորագրվել է համատեղ Հռչակագիր` Վաշինգտոնում տեղի ունեցած հանդիպման արդյունքների մասին: Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
