  Չեխական պարբերականը՝ Վարդանյանին Հավելի մրցանակին առաջադրելու մասին․ Պարզ չէ՝ ինչ արդյունք կլինի 1 հունիսի 2026 - 16:19 AMT PanARMENIAN.Net - Չեխական Lidové noviny պարբերականն անդրադարձել է Բաքվի բանտում պահվող գործարար և բարերար, Արցախի նախկին պետնախարար Ռուբեն Վարդանյանի առաջադրմանը Վացլավ Հավելի անվան մարդու իրավունքների 2026 թվականի մրցանակին: Պարբերականը գրել է, որ նրան առաջադրել է Հայաստանից և արտերկրից մարդու իրավունքների պաշտպանների մի խումբ: «Նրանք նշում են, որ թողնելով հարստությունն ու անձնական հարմարավետությունը՝ Վարդանյանը բառի բուն իմաստով անձնազոհություն է կատարել՝ փոխելով փրկել Լեռնային Ղարաբաղի ժողովրդին, երբ արդեն պարզ էր, որ Ադրբեջանը կգրավի տարածքը, իսկ ռուսները թույլ կտաբ, որ իրադարձությունները ծավալվեն անվերահսկելի կերպով: Նա վտանգի ենթարկեց անձնական անվտանգությունն ու հարմարավետ ապագան՝ աշխարհի ամենադժվար ու զգայուն հակամարտության գոտիներից մեկում երկխոսելու հնարավորություն ու փոխըմբռնում փնտրելու համար»,-ասվում է Թոմաշ Վլաչի հոդվածում: Անդրադառնալով այն հարցին, թե հաջողություն կունենա արդյոք առաջադրումը՝ նա նշել է, որ դեռ պարզ չէ՝ ինչ արդյունք կլինի: «Ադրբեջանական բանտերում պահվող Լեռնային Ղարաբաղի մոտ երկու տասնյակ հայ բանտարկյալների ճակատագիրը դուրս է միջազգային հանրության ուշադրությունից, «մինչդեռ մարդու իրավունքների պաշտպաններն այդ գործերը քաղաքական դրդապատճառ ունեցող են համարում»,-ասվում է հոդվածում: Հոդվածում ներկայացված է նաև միջազգային իրավապաշտպան Amnesty International կազմակերպության դիրքորոշումը, որը Բաքվում ընթացող դատավարությունները բնութագրել է որպես «արդարադատության նկատմամբ ծաղր»։ Բաքվի դատարանը Ռուբեն Վարդանյանին դատապարտել է 20 տարվա ազատազրկման: ԼՂՀ նախկին նախագահ Արայիկ Հարությունյանը դատապարտվել է ցմահ ազատազրկման: Ցմահ ազատազրկման են դատապարտվել նաև ՊԲ նախկին հրամանատար Լևոն Մնացականյանը և նախկին հրամանատարի առաջին տեղակալ Դավիթ Մանուկյանը, ինչպես նաև Արցախի Հանրապետության ԱԳ նախկին նախարար Դավիթ Բաբայանն ու ԱԺ նախագահ Դավիթ Իշխանյանը: Արցախի Հանրապետության նախկին նախագահներ Արկադի Ղուկասյանն ու Բակո Սահակյանը դատապարտվել են 20 տարվա ազատազրկման: Մադաթ Բաբայանը և Մելիքսեթ Փաշայանը դատապարտվել են 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
