Բնապահպանության երեւանյան տոնը մոտեցավ իր ավարտին29 հոկտեմբերի 2009 - 20:59 AMT PanARMENIAN.Net - Հոկտմբերի 25-29-ը մեկնարկած «Արեւորդի» արդեն միջազգային փառատոնը չորս օր շարունակ բնապահպանական ֆիլմերի ու բազմաթիվ միջոցառումների տոնակատարության էր վերածել մայրաքաղաքի առօրյան: Ինչպես ֆիլմերը, այնպես էլ միջոցառումները նախատեսված էին հասարակության բոլոր շերտերի համար` երեխաներից, երիտասարդներից սկսած մինչեւ բիզնես ոլորտ ու գործարարներ: Ամբողջ աշխարհից բազմաթիվ հյուրեր` ռեժիսորներ, արվեստագետներ, միջազգային կազմակերպությունների ներկայացուցիչներ եւ ճանաչված բնապահպաններ, մասնակցեցին փառատոնին: Փառատոնի մեկնարկը ազդարարող դիմակահանդես-քայլերթը, Էկո-Էքսպո-ն, ցուցահանդեսները, պատանիների համար նախատեսված դասընթացները, սեմինար քննարկումները (Կորպորատիվ սոցիալական պատասխանատվություն), հասարակական քննարկումները կլիմայական փոփոխությունների, թափոնների վերամշակման ու ջրի խնդիրների մասին, հյուրերի ընդունելությունները տարբեր դեսպանատներում ու քաղաքապետարանում, ինչպես նաեւ ֆիլմերի ցուցադրությունները մի շարք ցուցասրահներում հնարավորություն տվեցին տասնյակ հազարավոր մարդկանց մի քանի օրերի ընթացքում ներգրավվել բնապահապանական միջոցառումներին: Այս տարի փառատոնի մրցանակաբաշխությունը բազմազան է. նախ մրցանակներ կհանձնվեն Կանաչ սերունդ Հայաստան քարոզարշավի շրջանակում կազմակերպված համահայկական նկարչական մրցույթի հաղթող մասնակիցներին: Մրցանակներ կշնորհվեն նաեւ դիմակահանդեսի մասնակից հաղթող խմբերին: Կպարգեւատրվեն դիմակահանդեսի մասնակից խմբերը լավագույն բնապահպանական զգեստ, ամենազդեցիկ ահազանգ եւ մյուս անվանակարգերում եւ Մշակույթի նախարարությունը կշնորհի մրցանակ լավագույն երաժշտական խումբ անվանակարգում: Փառատոնի փակման արարողության ժամանակ մանկական ֆիլմերի եւ հիմնական ծրագրերի ժյուրիի նախագահները կհայտարարեն հաղթող ֆիլմերի անուններն ու կհանձնեն մրցանակները: Հիմնական մրցութային ծրագրում ժյուրին մրցանակ կհանձնի վայրի բնության մասին լավագույն ֆիլմ, բնապահպանական խնդրի լավագույն հետազոտություն անվանակարգերում: Մանկական մրցութային ծրագրի ժյուրին մրցանակ կհանձնի լավագույն բնապահպանական կրթական ֆիլմ եւ 16-ից ցածր տարիքի ռեժիսորի հեղինակած լավագույն բնապահպանական ֆիլմ անվանակարգերում: Տեղեկատվական ծրագրում կշնորհվի ԵԱՀԿ կողմից սահմանված Հանդիսատեսի մրցանակը: Այս տարի առաջին անգամ «Արեւորդի» փառատոնի շրջանակում հանդիսատեսը հնարավորություն ունենցավ որոշելու հաղթող ֆիլմը եւ ԵԱՀԿ դեսպան Սերգեյ Կապինոսը կշնորհի Հանդիսատեսի մրցանակը: Մրցանակաբաշխությունից հետո ռեժիսոր Ալի Հաբաշին կներկայացնի փակման` «Մեկ ջուր» ֆիլմը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |