«Ամերիաբանկը» եւ IFC-ն վերականգնվող էներգետիկայի ֆինանսավորման համար ստորագրել են 15 մլն դոլարի վարկային պայմանագիր

22 դեկտեմբերի 2009 - 14:31 AMT

PanARMENIAN.Net - Դեկտեմբերի 22-ն, Երեւանում տեղի ունեցավ «Ամերիաբանկի» եւ Համաշխարհային բանկի խմբի անդամ` Միջազգային ֆինանսական կորպորացիան (IFC) վերականգնվող էներգետիկայի ֆինանսավորման համար ստորագրել են 15 մլն դոլարի վարկային պայմանագիր: Պայմանագիրը ստորագրել են «Ամերիաբանկի»տնօրինության նախագահ`գլխավոր տնօրեն Արտակ Հանեսյանը եւ IFC-ի Կովկասի տարածաշրջանային տնօրեն Թոմաս Լյուբեքը:

«Այս տարի դա արդեն երկրորդ պայմանագիրն է, որը բանկը ստորագրել է IFC-ի հետ եւ ես հույս ունեմ, որ մեր համագործակցությունը հետագայում ավելի կամրապնդվի եւ կշարունակվի նոր ծրագրերի միջոցով», - ասել է Արտակ Հանեսյանը: Նա նշել է, որ վարկային միջոցները կտրամադրվեն վերականգնվող էներգետիկայի ոլորտում աշխատող փոքր ձեռնարկություններին, մինչեւ 8 տարի ժամկետով` 3 տարվա արտոնյալ ժամանակահատվածով: Տարեկան վարկային տոկոսադրույքը կկազմի 10-12%:

Իր հերթին, Թոմաս Լյուբեքը ավելացրել է, որ տրամադրված գումարը կուղղվի Հայաստանի վերականգնվող էներգետիկայի ոլորտի զարգացման համար: Նա նաեւ ավելացրել է, որ այդ պայմանագիրը IFC ծրագրի մասն է, որի ընդհանուր արժեքն է 1 մլրդ դոլար:

IFC-ի տարածաշրջանային տնօրենը հայտնել է, որ այդ պայմանագրի շրջանակներում նախատեսվում է մինչեւ 20 ՄգՎատ հզորության փոքր հիդրոէլեկտրոկայանների կառուցումը, ինչը թույլ կտա կրճատել CO2-ի արտանետումները տարեկան մինչեւ 30.000 տոննայով:

Առաջին պայմանագիրը «Ամերիաբանկի» եւ IFC-ի միջեւ ստորագրվել է 2009 թ-ի հուլիսի 3-ն, համաձայն որին IFC-ն տրամադրել է բանկին 5 մլն դոլարի առեւտրի ֆինանսավորման երաշխիք, ինչը բանկին թույլ տվեց ընդլայնել իր հաճախորդների արտաքին առեւտրային գործարքների ֆինանսավորումն ամբողջ երկրում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով