 Բուդապեշտում եւ Վիեննայում տեղի ունեցավ Բոլոնիայի գործընթացի 10-ամյակին նվիրված համաժողով 16 մարտի 2010 - 17:26 AMT PanARMENIAN.Net - Օրերս Բուդապեշտում եւ Վիեննայում տեղի ունեցավ համաժողով` նվիրված Բոլոնիայի գործընթացի 10-ամյակին: Համաժողովին մասնակցում էին 47 երկրների պատվիրակություններ` գիտության եւ կրթության նախարարների գլխավորությամբ: Համաժողովի նպատակն էր` հիմնել Եվրոպական բարձրագույն կրթության տարածաշրջան, որը նախատեսված էր 1999 թ. Բոլոնիայի հրամանագրով: «Համաժողովը ցույց տվեց, որ հաջողվել է ստեղծել Եվրոպական կրթության տարածաշրջան: Բոլոնիայի գործընթացը ներառում է մի քանի կարեւոր տարրեր, այդ թվում` կրթության համընդհանուր համակարգ եւ տարածաշրջան, քաղաքական եւ սոցիալական իմաստ: Քաղաքական, սոցիալական, տնտեսական առումով միասնական Եվրոպայի ձեւավորումը դժվար է պատկերացնել առանց միասնական կրթական համակարգի», - պարզաբանել է ՀՀ գիտության եւ կրթության նախարար Արմեն Աշոտյանը: Նախարարը Բոլոնիայի գործընթացում Հայաստանի համար առաջընթաց անվանեց կրթության եռաստիճան համակարգի, վարկային համակարգի եւ որակի վերահսկման ինստիտուտի ներդրումը: «Բոլոնիայի գործընթացի ներդրման ծրագրում Հայաստանը ոչ առաջին եւ ոչ էլ վերջին տեղում է», - ասել է Արմեն Աշոտյանը: Նրա խոսքերի համաձայն, եռօրյա համաժողովի ընթացքում տասը երկրների կրթության նախարարների հետ տեղի ունեցան նաեւ քննարկումներ, որոնց արդյունքում պայմանավորվածություն ձեռք բերվեց նախարարությունների միջեւ սկսել միջպետական եւ միջկառավարական ծրագրերի ստեղծման գործընթաց: «2010 թ. հուլիսի 1-ից Բոլոնիայի գործընթացը կձեւավորի համանախագահների ինստիտուտ: Հայաստանը եւ Լեհաստանը Բոլոնիայի գործընթացի համանախագահներն են լինելու 2010 թ. հուլիսի 1-ից մինչեւ տարվա վերջ», - խոսքն ավարտել է նա:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան  «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նաՓաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծինՓաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի«ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |
