2010թ. Առաջին կիսամյակում Հայաստանի պետական եկամուտների կոմիտեն պետբյուջե է հավաքագրել ավելի քան 285.2 մլրդ դրամի մաքս և հարկ, ինչը ծրագրված ցուցանիշը գերազանցել է ավելի քան 30.7 մլրդ դրամով: Ինչպես հաղորդում է ՀՀ ԿԱ ՊԵԿ տեղեկատվության և հասարակայնության հետ կապերի բաժինը,

2009թ. նույն ժամանակահատվածի համեմատ, այս տարվա հունվար-հունիս ամիսներին հավաքագրվել է մոտ 53 մլրդ դրամով ավելի, իսկ 2008թ. առաջին կիսամյակի համեմատ` ավելի քան 4.7մլրդ դրամով ավելի գումար` առանց սոցիալական ապահովագրության վճարների:

Սոցիալական ապահովագրության վճարների մասով ևս արձանագրվել է գերակատարում` ինչպես 2008-ի և 2009-ի առաջին կիսամյակի, այնպես էլ այս տարվա հունվար-հունիս ամիսների ծրագրային ցուցանիշների նկատմամբ: Մասնավորապես, 2010թ. առաջին կիսամյակում հավաքագրվել է մոտ 54.7 մլրդ դրամ, ինչը ծրագրված ցուցանիշը գերազանցել է մոտ 5,6 մլրդ դրամով: 2010-ի առաջին կիսամյակի ընթացքում հավաքագրված սոցվճարներն ավելի քան 6,8մլրդ-ով գերազանցել են 2009-ի, իսկ շուրջ 5,8մլրդ-ով էլ` 2008-ի նույն ժամանակահատվածի ցուցանիշը: