 Ախթալայում կայանալիք խորովածի փառատոնի կրակարանը 20 մ երկարություն կունենա 15 սեպտեմբերի 2011 - 16:37 AMT PanARMENIAN.Net - Այս տարի «Երբ գալիս է սեպտեմբերը» խորագրով անցկացվող խորովածի փառատոնը նվիրված է լինելու անկախության 20-ամյակին և ունենալու է 20 մ երկարությամբ կրակարան։ Այսօր լրագրողների հետ հանդիպմանն այս մասին ասաց և սեպտեմբերի 18-ին Լոռու մարզի Ախթալա քաղաքում կազմակերպվող խորովածի համահայկական փառատոնի մասին պատմեց «Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանը։ Խորովածի փառատոնի առաջնային խնդիրը միջոցառումների, խոհարարի վարկանիշը բարձրացնելու միջոցով հայկական խոհանոցի հանդեպ հետաքրքրության առաջացումն է։ «Ոչ միայն մեր խոհանոցի վարկանիշը բարձրացնելն է մեր նպատակը, այլև՝ մեր երկիրն աշխարհին ևս մեկ անգամ ներկայացնելը։ Սա նաև կզարգացնի տուրիզմը»,- ասաց Մամուլյանը՝ հավելելով, որ փառատոնով արդեն իսկ հետաքրքրված են մի շարք տուրիստական կազմակերպություններ։ Այս տարվա փառատոնը աննախադեպ է մասնակիցների թվով և մասնակից երկրներով։ Լինելու են պատվիրակություններ Ռուսաստանից, Ռումինիայից, Վրաստանից և ՀՀ մարզերից։ Կազմակերպիչները հատուկ խոսեցին Վրաստանի պատվիրակության մասին, որի կազմում լինելու են 2 մարզպետեր, նախագահի խորհրդականը և շոու-բիզնեսի ներկայացուցիչներ։ Փառատոնի մոտավոր բյուջեն կազմում է 3,5 մլն դրամ՝ չհաշված նվիրատվությունները ու մսի վրա ծախսվող գումարը, որը ռեստորաններն իրենց հաշվին են տրամադրելու։ «Սիմվոլիկ գներով կվաճառվի միսը։ Իսկ հասույթը կնվիրվի եկեղեցուն տարածքի բարեկարգման նպատակով»,- ասաց Սեդրակ Մամուլյանը։ Նա նշեց, որ ակնկալում են 5000 մասնակից ունենալ։ «Խորովածի փառատոնը կշտանալու համար չէ, այլ ուտելու մշակույթ ձևավորելու խնդիր ունի»,- նշեց բանախոսը։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան  «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նաՓաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծինՓաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի«ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |
