Թուրքիան մերժել է Ֆրանսիային իր օդային և ծովային տարածքից օգտվելու հարցում 3 փետրվարի 2012 - 16:37 AMT PanARMENIAN.Net - Ֆրանսիայի պետական ինքնաթիռներն ու ռազմանավերն այլևս չեն օգտվում Թուրքիայի օդային և ծովային տարածքից այն բանից հետո, երբ թուրքական կառավարությունը մերժել է երեք տարբեր դեպքերում: Թուրքիայում Ֆրանսիայի դեսպան Լորեն Բիլին հայտնել է այն մասին, որ օդային և ծովային տարածքից օգտվելու թույլտվության հարցումները մերժվել են, ուստի Ֆրանսիայի իշխանություններն այլևս չեն դիմում թույլտվություն ստանալու համար և օգտվում են այլընտրանքային ճանապարհներից: Այդ մասին Բիլին հայտնել է CNN Turk հեռուստաալիքին: Դեսպանը նշել է, որ առաջինը մերժվել է ֆրանսիական ռազմական ինքնաթիռի հարցումը, որը Թուրքիայի օդային տարածքից օգտվելու թույլտվություն է խնդրել Ֆրանսիայից Աֆղանստան ճանապարհին: Վերջերս երկու ֆրանսիական ռազմանավերի նույն կերպ չի թույլատրվել մուտք գործել Թուրքիայի տարածքային ջրերը: Ֆրանսիական բանակի դեմ թուրքական կողմի ձեռնարկած միջոցները մաս են կազմում այն պատժամիջոցների, որոնք Թուրքիան ներմուծել է Ֆրանսիայի դեմ վերջինիս Սենատի կողմից «Հայոց ցեղասպանության» ժխտումը քրեականացնող օրինագծի ընդունումից հետո: Չնայած, որ այդ օրինագծի ընդունման դեմ Սահմանադրական դատարան դիմելու համար հավաքվել էր ֆրանսիական սենատորների և խորհրդարանականների ստորագրությունների անհրաժեշտ քանակը, Բիլին հայտնել է, որ այդ գործընթացը հեշտ չէ: «Անկարայում այնպիսի մթնոլորտ է տիրում, որ իմ` Ֆրանսիա վերադառնալու անհրաժեշտություն է առաջացել»,- նշել է դեսպանը: Նա նշել է նաև, որ Թուրքիայի արձագանքը օրինագծի ընդունմանը «առաջ է բերել բազմաթիվ ֆրանսիացիների զարմանքը, բայց չի ազդել երկրում Թուրքիայի իմիջի վրա»: Նրա խոսքով` Ֆրանսիան մեծապես կարևորում է Թուրքիայի հետ հարաբերությունները: Ֆրանսիան պետք է հանգիստ լինի: Օրենքը Թուրքիայի դեմ չէ ուղղված: Նրա խոսքով` Ֆրանսիայում բնակվող հայերի թիվը տասնապատիկ գերազանցում է հայերի թիվը Թուրքիայում. «Նրանք ֆրանսիական պատմության մի մասն են»: Դեսպանն ընդգծել է, որ հասկանում է պատմության հարցերի բարդությունն ու զգայունությունը, սակայն բոլոր կապերի խզումը, նրա կարծիքով, լավագույն գաղափարը չէ: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Ինչպես հաղորդել են Ելիսեյան դաշտերից, նախագահն օրինագիծը կստորագրի 14 օրվա ընթացքում: Թուրքիան շատ ցավագին ընդունեց այդ օրինագծին Սենատի հավանություն տալը` հայտարարելով Ֆրանսիայի հետ քաղաքական, ռազմական և տնտեսական համագործակցության սառեցման մասին: Որոշ ֆրանսիական սենատորներ Սահմանադրական խորհուրդ են դիմել օրինագիծը ոչ սահմանադրական ճանաչելու նպատակով: Ֆրանսիայի նախագահ Նիկոլյա Սարկոզին խոստացել է Հայոց ցեղասպանության ժխտումը քրեականացնող նոր օրինագիծ դնել շրջանառության մեջ, եթե Սահմանադրական դատարանը ոչ սահմանադրական ճանաչի հունվարի 23-ին Սենատի կողմից ընդունված օրինագիծը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Փաշինյան․ Արդեն 10 օր է՝ Բաղանիս-Ոսկեպար հատվածում ՀՀ սահմանապահ զորքերն են ծառայում «Հիմա ուսումնասիրում են տեղանքը, որպեսզի արդեն այդտեղ մշտական ծառայություն իրականացնեն»,–ասել է նա ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը Կիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն Իջևանում ԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է |