ԱՄԵՐԻԿԱՑԻՆԵՐԸ ԵՐԵՎԱՆՈՒՄ «ԳՈՒՆԱՎՈՐ ՀԵՂԱՓՈԽՈՒԹՅՈՒՆ» ՉԵՆ ՊԼԱՆԱՎՈՐՈՒՄԿարծես թե Հայաստանը ներառված չէ այն երկրների ցանկում, որոնց իշխանությունները չեն բավարարում Վաժինգթոնին: Մոտ ժամանակներս ԱՄՆ-ի Կոնգրեսը կքննարկի սենատորներ Ջոն Մաքքեյնիի եւ Ջոզեֆ Լիբերմանի առաջարկած օրինագիծը, որը ենթադրում է աջակցություն ցուցաբերել Արեւելյան Եվրոպայի եւ Ասիայի զարգացող երկրների ժողովրդավարական շարժումներին: Փաստաթուղթն անվանվում է «Ժողովրդավարության առաջխաղացման Ակտ»: Քաղաքական մեկնաբանների կարծիքով, դրա ընդունումը կնպաստի արտահանել «թավշյա հեղափոխությունները» Ուկրաինայից եւ Վրաստանից դեպի ԱՊՀ այլ երկրներ: Եթե օրենսդիրները հավանության արժանացնեն Մաքքեյնիի եւ Լիբերմանի նախաձեռնությունը, ապա հայկական ընդդիմադիրների հաստատակամությունն էլ ավելի կավելանա: 5 մարտի 2005 PanARMENIAN.Net - Ռուսաստանում այս օրինագիծը գնահատել են որպես ԱՄՆ վարչակարգի կողմից տրված այլ պետությունների ներքին գործերին միջամտելու թույլտվություն: Փաստաթղթի հեղինակները չեն թաքցնում, որ իրենց նախաձեռնության գլխավոր նպատակը Միացյալ Նահանգների քաղաքական շահերի պաշտպանությունն է, եւ ոչ թե` այն երկրների բնակիչների քաղաքացիական իրավունքները, որոնց Վաշինգթոնը համարում է ոչ ժողովրդավար: «Ժողովրդավարության եւ ազատության աջակցությունն անբաժանելի են ԱՄՆ ազգային անվտանգության հարցից»,- հայտարարել է Ջոն Մաքքեյնին: «Եթե Նյու Յորքի, Վաշինգթոնի եւ կամ Կալիֆորնիայի անվտանգությունը թեկուզ եւ մասնակիորեն կախված է Էլ-Ռիյադի, Բաղդատի կամ Կիպրոսի ազատությունից, ապա մենք պետք է նպաստենք այնտեղ ժողովրդավարության կայացմանը եւ հասարակության բարգավաճմանը»: Իսկ որպես օրինակ այն երկրների, որտեղ ամերիկացիներին հաջողվել է հասնել այդ «բարգավաճմանը», նա բերում է Վրաստանը, Ուկրաինան, Իրաքը եւ Պաղեստինյան ինքնավարությունը: «Ժողովրդավարության առաջխաղացման Ակտը» ենթադրում է 300 միլիոն դոլարի հատկացում «արտասահմանում ժողովրդավարության աջակցության» համար: Նախատեսվում է Վաշինգթոնում ստեղծել հատուկ կառույցներ, որոնք պետք է համակարգեն «ժողովրդավարության հովանավորությունը» զարգացող երկրներում: Միացյալ Նահանգների պահանջներին բավարարող վարչակարգերի իշխանույթան գալուն նպաստող գերատեսչությունը կոչվելու է «ժողովրդավարական շարժումների եւ ժողովրդավարության անցումային շրջանի Վարչություն»: Այն ստեղծվելու է պետական դեպարտամենտի հիմքի վրա: Տեղական մասնաճյուղերը նախատեսվում է ստեղծել այն բոլոր երկրների ամերիկյան դեսպանատներում, որոնց ամերիկացիները համարում են ոչ այնքան էլ ժողովրդավարական: Մինչ այժմ այդ դերը տեղերում իրականացնում էին ԱՄՆ Ժողովրդավարական Ազգային Ինստիտուտի գրասենյակները: Երեւանում եւս կա նման գրասենյակ, որի աշխատակիցներն ակտիվորեն աշխատում են առավել «առաջատար» ընդդիմադիր կուսակցությունների հետ: Ամենայն հավանականությամբ, Վաշինգթոնից նոր մասնագետների ժամանումից հետո կվերանայվի ընդդիմադիրներին «ուսանելու» մարտավարությունը: Հնարավոր է, Լիբերմանի եւ Մաքքեյնիի նոր նախաձեռնության հաշվարկով էլ հենց «Արդարություն» ընդդիմադիր դաշինքի առաջնորդ Ստեփան Դեմիրճյանը հինգշաբթի օրն իր մամլո ասուլիսում նշեց, թե պատրաստ է արդյունավետորեն համագործակցել ԱՄՆ-ի Ժողովրդավարական Ազգային ինստիտուտի հետ: Գուցե սա յուրօրինակ ազդակ է այն մասին, որ «Արդարությունը» ի վիճակի է արդարացնել ամերիկացիների սպասումները: Վերջիվերջո, 300 միլիոնը քիչ գումար չէ, եւ նոււյնիսկ դրա մեկ հարյուրականն էլ բավական կլինի «թավշյա հեղափոխության» իրականացմանը, որի անհրաժեշտության մասին այդքան շատ խոսում են հայ ընդդիմադիրները: Սակայն, ոչ մի հիմք չկա ենթադրելու, թե Հայաստանն այն երկրների շարքում է, որոնց «ժողովրդավար դարձնելը» Միացյալ Նահանգների առաջնային խնդիրներից է: Օրինագծի հեղինակները պարզաբանում են, թե կոնկրետ որ երկրերում են նրանք ցանկանում «ժողովրդավարություն հաստատել»: Սենատում իր ելույթում Ժոզեֆ Լիբերմանը միայն նշել է, որ աշխարհում կա առնվազն 45 երկիր, որոնք պետք է ժողովդավարություն սովորեն Արեւմուտքից: Ամենայն հավանականությամբ, խոսքը գնում է «Ֆրիդոմ Հաուզ» միջազգային իրավապաշտպան կազմակերպության կազմած ցուցակի մասին: Սակայն այդ ցուցակում Հայաստանը չի հիշատակվում: ԱՊՀ երկրներից այստեղ ներառված են միայն Ռուսաստանը, Բելոռուսիան, Ղազախստանը, Ուզբեկստանը եւ Թուրքմենստանը: Որտեղ է առաջիկա տարիներին Միացյալ Նահանգները մտադիր «թավշյա հեղափոխություն» հրահրել հարցի պատասխանը, հնարավոր է, պետք է փնտրել Ջորջ Բուշի եւ ուկրաինական հեղափոխականների առաջնորդ Վլադիսլավ Կասկիվի զրույցի բովանդակության մեջ: «Ժամանակն է» համաուկրաինական հասարակական կազմակերպության ղեկավարը, որն իշխանության բերեց Վիկտոր Յուշչենկոյին, ԱՄՆ-ի նախագահի հետ զրույցի ավարտին հայտնել է, որ Սպիտակ տան ղեկավարը հավանության է արժանացրել էքսպերտային կենտրոնի ստեղծումը, որը պետք է զբաղվի ժողովրդավարական շարժումների աջակցությանը հարեւան երկրներում` Ռուսաստանում, Բելոռուսիայում, Մոլդովայում եւ Ադրբեջանում: Հայաստանը նա չի նշել: Հատկանշական է, որ Բրատիսլավիայում Բուշի եւ Կասկիվի հանդիպումից անմիջապես հետո «Ժամանակն է» կազմակերպությունը նամակներ է ուղարկել ԱՊՀ մի քանի երկրների ղեկավարներին, որոնց մեջ նախազգուշացրել է «նարնջագույն հեղափոխությունների» գալիքի մասին: Ալիեւի ապարատում այդ նամակը խուճապ է առաջացրել: Ադրբեջանում անմիջապես Կասկիվին նոն գրատա անձ են հայտարարել: Միաժամանակ, Հայաստանի նախագահն անհանգստանալու բան չունի: Կիեւից նա ոչ մի նամակ չի ստացել: Արտյոմ Երկանյան Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Ալիև․ ԵՄ 3 երկիր սառը պատերազմ է հայտարարել Ադրբեջանի դեմ Նա քննադատել է ԵՄ–ին, գովել Հունգարիային Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |