Թուրքիան կանգնած է անդունդի եզրին, որից կարող է եւ դուրս չգալՍԴ-ում լսումների փաստը ցույց է տալիս Թուրքիայի աշխարհիկ ուժերի հզորությունը, որոնք մինչ այժմ սովորաբար հենվում էին զինվորականների աջակցության վրա Թուրքիան հերթական անգամ կանգնած է ցնցումների առջեւ: «Էրգենեկոնի» անդամների ձերբակալություններին եւ ՍԴ-ում իշխող Ազատության ու զարգացման կուսակցությունն արգելելու մասին լսումներին հավելվեցին պայթյունները Ստամբուլում: ԱԶԿ-ի համար իրավիճակը սպառնալից է դառնում, եթե հաշվի առնենք այն, որ ահաբեկչական գործողությունները կարող են կրկնվել: Օրերս վարչապետ Ռեջեփ Էրդողանը հայտարարել է, որ չի բացառում վաղաժամկետ խորհրդարանական ընտրությունների հնարավորությունը, այսինքն անուղղակիորեն խոստովանեց, որ ՍԴ-ն կարող է արգելել կուսակցությունը: 29 հուլիսի 2008 PanARMENIAN.Net - Թուրքիայի գլխավոր դատախազ Աբդուրահման Յալչինկայը պնդում է, որ ԱԶԿ-ի 70 անդամներին, այդ թվում նախագահ Աբդուլլահ Գյուլին եւ վարչապետ Ռեջեփ Թաիփ Էրդողանին հինգ տարով արգելեն զբաղվել քաղաքական գործունեությամբ: Ի դեպ, այս պատմությունը արդի Թուրքիայի համար նոր չէ` միշտ, երբ բանակը նկատել է Աթաթուրքի սկզբունքներից նահանջելու եւ զարգացման իսլամական ճանապարհով գնալու փորձեր, ՍԴ-ն նման որոշումներ է կայացրել: Սկսվեց դա 70-ականներին Ազգային բարօրության կուսակցության հիմնադրումից, որը ղեկավարում էր կառավարության ապագա նախագահ Նեհմեջին Էրբաքանը: Նրանից դուրս եկավ Բարգավաճ կուսակցությունը, իսկ որոշ ժամանակ անց նաեւ Առաքինության կուսակցությունը: ԱԶԿ-ի բոլոր նախորդները բացասաբար էին վերաբերվում Արեւմուտքին եւ դատարաններն արգելում էին դրանք` սակայն այդ կուսակցություններից ոչ մեկն այն ժամանակ իշխող չէր: Սակայն, հավանաբար, այս դեպքն շատ ավելի լուրջ է: Բանը նույնիսկ Աթաթուրքի պատգամները չեն, այլ այն, որ ԱԶԿ-ն լրջորեն կարող է ի չիք դարձնել զինվորականների ազդեցությունը երկրում: Իսկ Թուրքիայի Գլխավոր շտաբը դա թույլ չի տա: Ճիշտ է, դեռեւս հայտնի չէ, թե ինչով կվերջանա դատարանի նիստը, թեեւ թուրքական մամուլում արդեն խոսվում է Գյուլի եւ Էրդողանի գաղտնի հանդիպումների մասին: Հավանաբար, կուսակցության առաջնորդները ցանկանում են վարքագիծ մշակել բոլոր դեպքերի համար: Առաջին օրը ՍԴ-ի փակ լսումները տեւեցին 12 ժամ: Որոշում կայացնելու համար պահանջնվում է առնվազն 7 ձայն: 11 դատավորներից կազմված կոլեգիան պետք է քննի 10 հայտադիմում: Ըստ կանոնակարգի, լսումներ կլինեն ամեն օր մինչ դատավճռի կայացումը: Տեղի դիտորդները գտնում են, որ դա կլինի օգոստոսի 1-ից ոչ շուտ: Ըստ դատարանի փոխնախագահի, կոլեգիան կաշխատի լսումներն ավարտել «որքան հնարավոր է շուտ»: Ինչպես գրում է Daily Telegraf-ը, Թուրքիայում հնչած պայթյունները հերթական անգամ հիշեցրեցին այդ երկրի անկայունության մաիսն: «Մի կողմից Թուրքիան արեւմտյան տիպի աշխարհիկ երկիր է եւ ապագա Մերձավոր Արեւելքի նախատիպն է կարծես: Այդ երկիրը ԵՄ-ի անդամակցության թեկնածու է, եւ եթե դա տեղի ունենա, այն կամուրջ կծառայի Եվրոպայի եւ իսլամական աշխարհի միջեւ: Եվ իհարկե այն փաստը, որ Թուրքիան ՆԱՏՕ-ի անդամ է, դարձնում է նրան Արեւմուտքի անփոխարինելի դաշնակիցը շատ անկայուն տարածաշրջանում: Սակայն Թուրքիայում իշխող կուսակցությունը որոշ մտավախություններ է առաջացնում: Վերջերս կառավարությունը փորձում էր ամուսնական անհավատարմությունը հայտարարել քրեորեն պատժելի արարք, իսկ այն փաստը, որ վարչապետի կինը հիջաբ է կրում, նույնպես մտահոգում է նրանց, ով համարում է, որ Մուստաֆա Քեմալ Աթաթուրքի սահմանադրությունը կարող է սպառնալիքի տակ հայտնվել: Հենց այդ լսումների փաստն արդեն ցույց է տալիս Թուրքիայի աշխարհիկ ուժերի հզորությունը, որոնք մինչ այժմ սովորաբար հենվում էին զինվորականների աջակցության վրա: Սակայն ավելի լավ է նման հարցերը դատարանում լուծել, ոչ թե գեներալների օգնությամբ»,-գտնում է Daily Telegraf-ը: Financial Times թերթն իր խմբագրականում նույն թեմայով գրում է, որ քաղաքական ճգնաժամը միայն խորացավ Ստամբուլում ռումբերի պայթյունից հետո: «Խաղասեղանին է դրված Թուրքիայի ապագան եւ նրա արդիականացումը: Իշխող կուսակցությունն արգելելու մասին որոշումը, իսկ քաղաքականությամբ զբաղվելու արգելքը երկրի նախագահ Աբդուլլահ Գյուլի, վարչապետ Էրդողանի եւ մի շարք այլ պաշտոնյաների համար կնշանակի հեղաշրջում, կազմակերպված դատավորների կողմից: Դա, իր հերթին, քաոս կառաջացնի, որը ետ կմղի Թուրքիայի զարգացումը: Աշխարհիկորեն տրամադրված բանակի, բյուրոկրատական ապարատի եւ դատական համակարգի վերնախավը սպառնալիք է զգում իր համար հաջող նեոիսլամիստական կուսակցության կողմից, որը էական աջակցություն ունի ընտրողների շրջանում: Դատավորներն ու գեներալները պետք է հիշեն, թե որքան առաջ գնաց Թուրքիան վերջին տարիներին եւ պետք է ուշադիր հաշվի առնեն բոլոր ռիսկերը, կապված իշխող կուսակցությունն արգելելու նրանց փորձերի հետ: Այդ արգելքը կարող է քաոս առաջացնել, եւ ավելին, կարող է հանգեցնել նրան, որ Թուրքկան անդունդը կգլորվի, որից արդեն չի կարողանա դուրս պրծնել»,-գրում է թերթը: Հավանաբար, հարկ է նշել, որ Թուրքիան հիմնականում այնուամենայնիվ իսլամական երկիր է եւ Աթաթուրքի կողմից արգելված շարիաթի օրենքները նախկինի պես գործում են թուրքական գյուղերում: Պատահական չէ, որ ԱԶԿ-ն անցյալ տարվա ընտրություններում հավաքեց ձայների 47 տոկոսը: Եթե վաղաժամ ընտրություններ լինեն, ապա ցանկացած իսլամիստական կուսակցություն, ինչ անվանում էլ ունենա, կարող է հավաքել ընտրողների ձայների կեսից ավելին: Եվ այն ժամանակ զինվորականներին արդեն ոչ մի Սահմանադրական դատարան չի օգնի: Օլի Ռենը, ԵՄ-ի ընդլայնման գծով հանձնակատարը, մտահոգություն է հայտնել իշխող կուսակցությունը արգելելու փորձերով եւ ակնարկել է, որ դա կարող է բարդացնել հայտնի ընդունումն Անկարայից: Նրանում, ինչ այժմ կատարվում է Թուրքիայում, նա տեսնում է պայքար «ավտորիտար սեկուլյարիստների» եւ «ժողովրդավարական մահմեդականների» միջեւ: Բրյուսելը գտնում է, որ նման որոշումներ, ինչպիսին է այս կամ այն քաղաքական կուսակցության արգելումը, պետք է ընդունվեն խորհրդարանում, այլ ոչ թե դատարանում: Մյուս կողմից, շատ եվրոպացի դիտորդներ բոլորովին այլ կարծիքի են: Նրանց կարծիքով, երկիրն, որն ըստ էության, Եվրոպայի մի մասն է եւ ձգտում է ԵՄ-ին, ոչ մի իրավունք չունի կրոնական բաղադիրչ ունենալու պետության կառավարման մեջ: Նրանցից շատերը մտավախություն ունեն, որ կրոնի դերի բարձրացման դեպքում Թուրքիան կարճ ժամկետում կվերածվի երկրորդ Աֆղանստանի կամ Իրաքի: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |