Փոխնակ մայրությունը հակասական կարծիքներ է առաջացնում: Յուրաքանչյուրն իր համար է որոշում. լինե՞լ թե չլինել փոխնակ մայր, ընտրե՞լ արդյոք այդ ուղին ծնող դառնալու համար, եթե մյուս բոլոր հնարավորությունները սպառված են: Այսպես, թե այնպես այդ ճանապարհը բազում մարդկանց ճակատագրերի մաս է կազմում:

Պատվաստումների հակառակորդները հաճախ են սարսափելի դեպքեր պատմում այն երեխաների մասին, որոնց մոտ պատվաստումից հետո աուտիզմ է զարգացել: Իսկ ի՞նչ է այդ մասին ասում պաշտոնական գիտությունը: Ադյո՞ք ծնողներն իրոք մտահոգվելու տեղիք ունեն: PanARMENIAN.Net-ը մանրամասնում է՝ որն է այս վարկածի սկզբնաղբյուրը, ինչ է իրականում աուտիզմը, ինչու և երբ է այն զարգանում, և քանի երեխա Հայաստանում ամեն տարի չի պատվաստվում:

Վերջերս Հայաստանի կառավարությունը հանդես եկավ նախաձեռնությամբ, որով կարգելվի հակաբակտերիալ դեղամիջոցների ազատ վաճառքը: Հակաբիոտիկները կվաճառվեն միայն բժշկի դեղատոմսով: Սակայն, հանրության համար, որը սովոր է հակաբիոտիկներ ընդունել նույնիսկ մրսածության աննշան ախտանիշների դեպքում, այդպիսի որոշումը կարող է տարօրինակ թվալ: Իրականում, հաշվի առնելով ինչպես հակաբակտերիալ դեղամիջոցների առանձնահատկությունները, այնպեսլ էլ այն հիվանդությունների, որոնց դեմ դրանք պայքարում են, նման սահմանափակումը կարելի է միակ ճիշտ որոշումը համարել:

ԱՄՆ իշխանություններն օրերս պարտավորեցրել են հոմեոպատիկ «դեղամիջոցներ» արտադրողներին իրենց արտադրանքի վրա մակնշում կատարել՝ ընդգծելով, որ այդ «դեղամիջոցները» գիտական չեն, կլինիկական փորձարկումներ չեն անցնում, դրանց արդյունավետությունը հաստատված չէ, իսկ դրանք արտադրողներն առաջնորդվում են 18-րդ դարի տեսություններով։ Նախաձեռնությունն, իհարկե, կարող է դրական ազդեցություն ունենալ մարդկային առողջության հաշվին «արագ փողեր» աշխատողների դեմ պայքարում, սակայն իրականությունը մի փոքր ավելի տրիվիալ է․ իրենք, հոմեոպատների հիվանդները, ավելի շատ հակված են հավատալ սեփական «հեքիմների» ստեղծած «հրաշք թուրմերի» բուժիչ ազդեցությանը, քան ավանդական բժշկության հորդորներին։

ՀՀ-ում միասնական քննություններին մասնակցության հայտ ներկայացրած դիմորդների թիվը միայն նվազում է՝ 2009-ից սկսած, իսկ 2016-ի և նախորդ տարիների միասնական քննությունների միջին միավորների համեմատությունը ցույց է տալիս, որ քննությունների հիմնական մասով արդյունքներն անկում են գրանցում: Օրինակի համար՝ «Մաթեմատիկա» առարկայի քննության միջին միավորը 2007-ին բավականին բարձր ցուցանիշ է գրանցել՝ 14.9, այնուհետև 3 տարի անընդմեջ միայն իջել՝ 2011-ին հասնելով 6.1 ցուցանիշի: 2012-ին՝ արդեն 11.6 էր, 2015-ին՝ 11.8, իսկ 2016-ին՝ կրկին 11.6: Ռուսաց լեզվի իմացության հետ ամեն ինչ ավելի վատ է. քննության միջին միավորը 2008-ից 2015-ը միայն նվազել է՝ 16-ից հասնելով 10 միավորի: Իսկ 2016-ին՝ էլ ավելի է ընկել՝ 9.8: 2016-ին Ռուսաց լեզու է հանձնել ընդհամենը 652 դիմորդ, իսկ կտրվել է 216 դիմորդ՝ 33.1%-ը, առավելագույն միավորներ է ստացել միայն 10 հոգի՝ 1.5%: Համեմատության համար՝ 2016-ին «Անգլերեն» է հանձնել 4833 դիմորդ, որոնցից մինչև 7.25 միավոր է հավաքել 9.7%-ը՝ 467 հոգի, համեմատաբար մեծ թիվ են կազմել առավելագույն միավոր ստացած դիմորդները՝ 913 հոգի՝ 18.9%:

Կառավարության նոյեմբերի 10-ի նիստում առանց որևէ հիմնավոր պատճառաբանության հաստատվել է Դիլիջանի ուսումնական կենտրոնի՝ կառավարությանն առընթեր պետական գույքի կառավարման վարչությանը փոխանցելու որոշման նախագիծը։ Նշվում է, որ ներկայումս աննպատակահարմար է Պետական եկամուտների կոմիտեի կողմից Դիլիջանի ուսումնական կենտրոնի շահագործումը։

ՀՀ արդարադատության նախարարության քրեակատարողական վարչությունը PanARMENIAN.Net-ի հարցմանն ի պատասխան ներկայացրել է պաշտոնական տվյալներ՝ ՀՀ քրեակատարողական հիմնարկներում վերջին 10 տարվա ընթացքում ինքնասպանությունների դեպքերով: Ըստ վիճակագրության՝ ինքնասպանություն գործած անձանց թվում շատ են երիտասարդները, համեմատաբար կարճ ժամկետով ազատազրկման դատապարտվածները: Ըստ ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտարդական խմբի՝ քրեակատարողական հիմնարկներում սոցիալ-հոգեբանական աշխատանքները ոչ լիարժեք և թերի են կատարվում:

Ինչպե՞ս կարող է խմիչքի սովորական շիշն այնքան ոգեշնչել, որ ստեղծվեն արվեստի կատարյալ գործեր: PAN-ը պատմում է, թե ինչպես շվեդական համար առաջին օղին՝ Absolut-ը, իր գովազդային համարձակ քայլով դարձավ համաշխարհային գովազդային պատմության ամենամասսայական արշավի հեղինակն ու կարողացավ արվեստի վերածել օղու գովազդը:

Զարգացած ավիացիան ապահովում է արտաքին աշխարհի հետ երկրի անխափան փոխհաղորդակցության հնարավորությունը: Սակայն ավիացիայի կարևորությունը գնահատելիս պետք է հիշել, որ այն բացի հաղորդակցության ու կապի արդիական միջոց լինելուց, ունի նաև ռազմական ու ռազմավարական նշանակություն: ԽՍՀՄ փլուզումից և ՀՀ անկախացումից հետո հայկական ավիացիան զգալի հետընթաց ապրեց: Ոլորտի անկումը բերեց նրան, որ ավիացիայում ծառայող արհեստավարժ օդաչուներն ու տեխնիկական կազմը հիմնականում ցիրուցան եղավ, շատերը, աշխատանքից զրկվելով, մեկնեցին այլ երկրներում աշխատանք փնտրելու:

Աբովյան քաղաքում հոկտեմբերի 29-30-ին հաշմանդամություն ունեցող անձանց սեղանի թենիսի թիմային բաց առաջնություն էր՝ նվիրված հաշմանդամություն ունեցողների աջակցության «Ողջի» ՀԿ-ի 12-ամյակին (Սյունիքի մարզ): Մրցումներին 7 թիմ է մասնակցել Երևանից, ՀՀ 3 մարզից ու Արցախից: PAN-ը հետևել է մրցումներին, խոսել է մարզիկների հետ, իսկ PAN Photo-ն՝ լուսանկարել առաջնությունը: