2009 թ. թրաֆիկինգի զոհ է դարձել 60 մարդ 6 մայիսի 2010 - 17:00 AMT PanARMENIAN.Net - «2009 թ. Հայաստանում երկու դատական գործ է հարուցվել երկրի ներսում մանկական թրաֆիկինգի գործով: Դրանցից մեկը վերաբերում էր անչափահաս աղջկա սեռական շահագործմանը, իսկ երկրորդը`մուրացկանության պարտադրելուն», - մայիսի 6-ին տեղի ունեցած մամլո ասուլիսի ժամանակ հաղորդել է Թրաֆիկինգի դեմ պայքարի աջակցության կենտրոնի ԵԱՀԿ երևանյան գրասենյակի իրավաբան Դավիթ Թումասյանը: Նա ընդգծել է, որ հանցագործության մեջ մեղադրվողները դատապարտվել են 7 և 7.5 տարի ազատազրկման: Իսկ անցյալ տարի թրաֆիկինգի զոհ է դարձել 60 մարդ: «ԵԱՀԿ երևանյան գրասենյակը մասնակցում է թրաֆիկինգին վերաբերող բոլոր կլոր սեղաններին և քննարկումներին: ԵԱՀԿ թրաֆիկինգի դեմ պայքարի հանձնաժողովում մեր ներկայացուցիչն ունենք», - ընդգծել է ԵԱՀԿ երևանյան գրասենյակի ազգային ծրագրերի և ժողովրդավարացման ծրագրերի գծով պատասխանատու Օվսաննա Բաբայանը: Նա նաև նշել է, որ թրաֆիկինգի դեմ պայքարի գործում միջազգային կառույցների գործողություններն ավելի արդյունավետ են, և շատ պետություններ համագործակցում են նրանց հետ: Դավիթ Թումասյանը նշել է, որ թրաֆիկինգի համար առավել խոցելի շերտերը, հիմնականում, անապահով ընտանիքների կանայք և երեխաներն են, միայնակ մայրերն ու որբ երեխաները: Հաճախ թրաֆիկինգի են ենթարկվում նաև հատուկ դպրոցների աշակերտները: Սակայն վերջին տարիներին Հայաստանն արդեն պատրաստ է թրաֆիկինգի դեմ պայքար մղելու, ասել է Թումասյանը: Թրաֆիկինգի դեմ ամենահուսալի պաշտպանությունը տեղեկացվածությունն է և պատրաստվածությունը: Այդ պատճառով, որևէ երկիր աշխատելու համար մեկնելուց առաջ պետք է լինել շատ ուշադիր, քանի որ բանվորական շահագործման մակարդակը տարեց տարի ողջ աշխարհում ավելի ու ավելի աճում է, գտնում են փորձագետները: Թրաֆիկինգի դեմ պայքարում Հայաստանը համագործակցում է ԱՊՀ բոլոր երկրների հետ, իսկ 2009 թ. համագործակցության հուշագիր է ստորագրել ԱՄԷ-ի հետ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |