Վրաստանը եւս չի ցանկանում, որ հայ-թուրքական սահմանը բացվիՀայ-թուրքական հարաբերությունների ակտիվացմանն որոշ չափով մասնակից է նաեւ Վրաստանը` եթե չլիներ օգոստոսյան պատերազմը, չէր լինի Կովկասի կայունության պլտաֆորմը, Թուրքիայի ամրապնդումը տարածաշրջանային տերության դիրքերում եւ շատ այլ բաներ: Հայ-թուրքական սահմանի բացման հակառակորդների թիվն ավելացել է: Այն, որ Բաքվում են անհանգստացած հայ-թուրքական սահմանի բացման հեռանկարով, հասկանալի է: Նրանց միացան նաեւ վրացիները, ինչը եւս կարելի է բացատրել: Չէ որ այդ դեպքում Վրաստանը զրկվում է, առաջին հերթին Երեւանի հանդեպ ճնշման լծակներից, իսկ երկրորդը` դրամական միջոցներից: Շատ մեծ միջոցներից, որոնք Վրաստանը ստանում է բեռների տարանցման համար, որոնք առաքվում են Հայաստան, կամ Հայաստանից: 5 ապրիլի 2009 PanARMENIAN.Net - Հայ-թուրքական սահմանի հնարավոր բացումը կանդրադառնա Վրաստանի վրա, քանի որ մինչ օրս առեւտրային ճանապարհը Հայաստանի եւ Թուրքիայի միջեւ անցնում էր հենց Վրաստանի տարածքով: Այդ մասին հայտարարել էր Վրաստանի առեւտրա-արդյունաբերական պալատի նախագահ Ջեմալ Ինաիշվիլին: «Երեւույթն ինքնին դրական է, երկու երկրները նորմալ հարաբերություններ են հաստատում, սակայն, ուղղակի առեւտրային հարաբերությունների վերականգնումն այդ երկու երկրների միջեւ որոշակի տնտեսական կորուստների պատճառ կդառնա մեր երկրի համար»,-ասել է Ինաիշվիլին: Նա նշել է, որ տեղի կունենա Հայաստանից դեպի Թուրքիա բեռնափոխադրումների հոսքի կրճատում, ինչպես նաեւ կկրճատվի Փոթի ու Բաթում նավահանգիստների ապրանքաշրջանառությունը: Վրաստանի առեւտրա-արդյունաբերական պալատի նախագահն իրավացի է` Հայաստանի համար շատ ավելի մատչելի կլինի բեռներն երկաթուղով ուղարկել Թուրքիայի տարածքով մինչեւ Սեւ ծովի նավահանգիստներ, օրինակ, մինչեւ Տրաբզոն: Մեծ փողերից կզրկվեն նաեւ վրացի սահմանապահները: Մի խոսքով, Վրաստանի համար հայ-թուրքական փակ սահմանը մեծ նշանակություն ունի: Չէ որ, եթե Ադրբեջանը կարող է ինչ-որ կերպ խաղալ «թրքական ժողովրդների եղբայրական զգացմունքների վրա», ապա Վրաստանն այդ «մխիթարությունից» զրկված է: Թեեւ, ինչ իմանաս, գուցե կարթնանա Թբիլիսիի համերաշխության զգացողությունը հարեւանների, օրինակ Բաքվի հետ, եւ նրանք կսկսեն հարցումներ անցկացնել բնակչության շրջանում այն մասին, թե ում է հարկավոր հայ-թուրքական սահմանի բացումը: Ճիշտ է, Վրաստանում կան նաեւ սթափ քաղաքական գործիչներ: Հայ-թուրքական սահմանի բացումն, անկասկած, կանդրադառնա Վրաստանի տնտեսության վրա եւ որոշակի դժվարություններ կառաջացնի: Սակայն այդ դժվարությունները ժամանակավոր են: Սահմանի բացումը խաղաղություն եւ կայունություն կբերի ողջ Կովկասին եւ կկարողանա փոխհատուցել այն վնասը, որը կունենա Վրաստանը սահմանի բացման դեպքում: Այդ մասին հայտարարել է Զարգացման եւ համագործակցության կենտրոնի նախագծերի ղեկավար, վրաց փորձագետ Պաատա Զաքարեիշվիլին: «Ես շատ ուրախ կլինեմ, եթե հայ-թուրքական սահմանը բացվի: Դա լուրջ ավանդ կլինի Կովկասում խաղաղության ու կայունության ապահովման գործում եւ համապատասխանաբար կընդլայնի տարածաշրջանի երկրների միջեւ տնտեսական համագործակցության հնարավորությունները: Ելնելով դրանից, Վրաստանի համար եւս շահավետ կլինի սահմանի բացումը»,-ընդգծել է փորձագետը: Վրաստանը ներկայումս բավականին ծանր վիճակում է` ընդդիմությունը որոշել է փորձել պաշտոնանկ անել Միխաիլ Սահակաշվիլուն, որը վերջնականապես կորցրեց վստահության եւ հարգանքի այն նշյուլներն, որոնք Արեւմուտքն ուներ իր հանդեպ: Եվ որքան էլ պնդի Վրաստանի ԱԳՆ-ն, որ կրկին «Արեւմուտքը մեզ կօգնի», նման բան վաղուց արդեն չկա: Կարելի է ասել, որ հայ-թուրքական հարաբերությունների ակտիվացմանը որոշ չափով մասնակից է նաեւ Վրաստանը` եթե չլիներ օգոստոսյան պատերազմը, չէր հայտնվի Կովկասի կայունության պլատֆորմը, Թուրքիայի ամրապնդումը տարածաշրջանային տերության դիրքերում եւ շատ այլ բաներ: Սակայն, ինչպես հայտնի է, պատմությունը «եթեներ» չի հանդուրժում եւ Թբիլիսին սկսել է ստանալ սեփական արկածախնդրության ու անհեռատեսության պտուղները: Ի դեպ, Վրաստանից կախվածության նվազումը կստիպի Հայաստանին վերանայել սեփական արտաքին քաղաքականության որոշ դրույթներ, մասնավորապես, վերաբերմունքը հայկական եկեղեցիների հանդեպ Վրաց ուղղափառ եկեղեցու անվերջանալի ոտնձգությունների հանդեպ: Ըստ Ժնեւի CIMERA կենտրոնի ներկայացուցիչ, փորձագետ Վիգեն Չետերյանի, հայ-թուրքական սահմանի բացումը չափազանց կարեւոր է Հայաստանի համար, քանի որ այսօր մեծ կախվածություն կա Վրաստանից: «Սահմանի բացումից ամենից շատ կշահի տնտեսությունը: Բեռնափոխադրումները Թուրքիայի տարածքով ավելի արագ են եւ էժան, քան Վրաստանի տարածքով: Իսկ դա կարեւոր է, առավել եւս Վրաստանում ստեծղված քաղաքական իրավիճակում: Ավելին, ես համոզված եմ, որ ազգային անվտանգության համար ավելի լավ է մեր կողքին ունենալ չեզոք Թուրքիա, քան թշնամի-Թուրքիա: Այնպես, որ Հայաստանի եւ Թուրքիայի միջեւ դիվանագիտական հարաբերությունների հաստատումը ավելի շատ դրական կողմեր ունի, քան բացասական»,-ասել է Վիգեն Չետերյանը: Ուղղակի հետաքրքիր է, թե ինչ կասի Սահակաշվիլին, երբ նրա սիրելի Արեւմուտքը հրամայի իրեն լռել ու չարտահայտել իր տեսակետն այս հարցում: Հավանաբար, նա կպարտավորեցնի իր պաշտոնյաներին գովաբանել Թուրքիան տարածաշրջանում վարած հեռատես ու խաղաղարար քաղաքականության համար: Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |