Բաքվի ինչի՞ն է պետք Ղարաբաղյան Մեծ պատի կառուցումը

Բաքվի ինչի՞ն է պետք Ղարաբաղյան Մեծ պատի կառուցումը

Պատի բարձրությունը, որի շինարարությունը սկսվել է 2011թ, կլինի 3 մետր: Շինարարության հիմնական գաղափարը սահմանամերձ գյուղերի պաշտպանությունն է

Վերջին մի քանի տարիների ընթացքում, եթե կարելի է այդպես արտահայտվել, մոդայիկ է դարձել հակամարտության մեջ գտնվող պետությունների միջև պատ կառուցելը: Իսրայելը պատ է կառուցել Եգիպտոսի հետ սահմանին, Կիպրոսի հույներն առանձնացել են Հյուսիսային Կիպրոսից, ԱՄՆ-ն պատրաստվում է պատնեշ կառուցել Մեքսիկայի հետ սահմանին: Այդ միտումից ետ չի մնում նաև Ադրբեջանը, որը պատրաստվում է ԼՂՀ և Ադրբեջանի միջև պատ կառուցել:

PanARMENIAN.Net - Պատի բարձրությունը, որի շինարարությունը սկսվել է 2011թ, կլինի 3 մետր: Շինարարության հիմնական գաղափարը սահմանամերձ գյուղերի պաշտպանությունն է: Ադրբեջանական ԶԼՄ-ները արդեն նշանավորել են «Ղարաբաղյան Մեծ պատի» շինարարությունը՝ ճիշտ է, ինչպես հարկն է չբացատրելով, թե ինչի համար է կառուցվում այն: Պատը կառուցվում է տարածքների վերականգնման և վերակառուցման ադրբեջանական գործակալությունը: Շինարարության նախնական արժեքը գնահատվում է 300 մլն եվրո: Չնշենք, թե տրամադրվող գումարի առյուծի բաժինն ուր է ուղղվելու, սակայն մի կարևոր հարց է ծագում, թե ինչու՞ է կառուցվում այդ պատը: Ադրբեջանցի դիտորդները կարծում են, որ պատի շինարարությունը հակասում է Ադրբեջանի ղեկավարության հայտարարություններին այն մասին, որ մտադիր են շուտափույթ կերպով «ազատագրել» Ղարաբաղը: Նրանք նաև պնդում են, որ հայ քաղաքական գործիչներն ու ԶԼՄ-ները պատի շինարարությունը ներկայացնում են որպես Ադրբեջանի՝ Ղարաբաղը կորցնելու մտքի հետ հաշտվելու դրսևորում: Տարօրինակ կլիներ, եթե Հայաստանում այլ կերպ մտածեին: Այնուամենայնիվ, պատի կառուցումը պետք է Ալիևին ինչպես ինքնահաստատվելու, այնպես էլ սեփական ժողովրդին ցույց տալու, որ հոգ է տանում վերջինիս մասին: Խոսքն այն բնակիչների մասին է, ովքեր ապրում են սահմանամերձ շրջաններում և «տառապում՝ անընդհատ գնվելով հրաձգության տակ»: Եթե այդ տրամադրությամբ շարժվել, ապա Հայաստանի համար ավելի նպատակահրմար կլիներ կառուցել այդ պատը. դիպուկահարների գործողություններից մահանում են հայեր, այլ ոչ թե ադրբեջանցիներ: Բնակչության անվտանգության տեսանկյունից, պատն, իհրակե, անհրաժեշտ է: Սակայն այն նաև անհրաժեշտ է դասալքության դեպքերը կանխելու համար: Մի խոսքով կառուցվում է Մեծ Չինական կամ Բեռլինյան պատի նման մի բան:

Ընդհանրապես, հարկ է նշել, որ Ալիևը «հսկայամոլություն» ունի. նա հսկայական պալատ է կառուցել Հեյդար Ալիևի հիմնադրամի համար, որն այրվել է, հսկայական աշտարակ է կառուցել, որն իր բարձրությամբ մրցակցում է BurjDubai-ի հետ: Ամենամեծ դրոշի մասին արդեն չենք էլ խոսում. այն այնքան հաճախ է ընկել և պատռվել, որ անգամ ադրբեջանական մամուլն է դադարել խոսել դրա մասին: Ամբողջ աշխարհում Հեյդար Ալիևի հուշարձանների մասին խոսելն էլ մի տեսակ անհարմար է: Եվ հիմա էլ պատը…

Սակայն եթե լրջորեն մոտենանք հարցին, ապա պատնեշը նախ և առաջ ամրաշինական բնույթի կառույց է, որտեղ կարող են հրակնատներ պատրաստվել դիպուկահարների համար, հակառակորդին հետևելու համար ռադարներ և միջոցներ տեղադրվել՝ այդ թվում ՀՀՊ միջոցներ: Թեև վերջինի խնդիրը դժվար իրականանալի է, սակայն, ով իմանա: Զարմանալի չէ, որ պատի շինարարության վերաբերյալ տեղեկատվությունը հայտնվել է հիմա, երբ «Ստեփանակերտ» օդանավակայանից թռիչքների մեկարկին ուղղված աշխատանքները մեծ թափով են ընթանում:

Խնդիրն այն չէ՝ կկառուցվի արդյոք պատը, թե ոչ: Աշնանն Ադրբեջանում նախագահական ընտրություններ են սպասվում, որոնց արդյունքում Ալիևը կհաղթի: Ամենայն հավանականությամբ, պատի մասին տեղեկությունները նախապես լավ հաշվարկված նախընտրական քարոզարշավի մեկնարկային քայլ է: Ալիևը կհաղթի ընտրություններում, սակայն այդ հարցում պետք է գոնե որոշակի փոփոխություն ներկայացնել Արևմուտքին: Պետք է այնպես անել, որպեսզի ընտրության արդյունքները լինեն 70-75 տոկոսի ընդունելի մակարդակում: Նմանատիպ քայլերը կօգնեն Ալիևին: Չեն կարող չօգնել, քանի որ խաղադրույքը չափազանց մեծ է: Եթե հանկարծ նա արժանանա նույն ճակատագրին, ինչ Միխայիլ Սահակաշվիլին, ապա նրա համար ավելի դժվար կլինի «գլուխն ազատել». Արևմուտքի համար Վրաստանն, այնուամենայնիվ, «ժողովրդավարության խարիսխ» էր, ինչը չի կարելի ասել Ալիևի մասին: Իսկ պատը…կաղմկեն և կմոռանան, քանի որ բացի Ադրբեջանի նախագահից այն ոչ մեկին պետք չէ:

Կարինե Տեր-Սահակյան
 Ամենաընթերցվողը բաժնում
Ծիծաղելի է, որ ադրբեջանական կողմը դեռ շարունակում է զարմանալ՝ Արցախ այցելած, այցելող կամ այցելել պատրաստվողներին իրոք չի հետաքրքրում Ադրբեջանի ԱԳՆ «սև ցուցակը»
Այս ուղղությամբ Արցախի ՊԲ հենակետի դեմ Ադրբեջանը դիվերսիոն գործողություն նախաձեռնեց անցած տարվա մայիսին՝ «Յաշմա» հատուկ ստորաբաժանման միջոցով
Մարդկության դեմ հանցագործություններից առավել հայտնի և լավ լուսաբանված են Հայոց ցեղասպանությունն ու Հոլոքոսթը, սակայն 20-21 դարերի պատմությունը հարուստ է նաև այլ երկրների խաղաղ բնակիչների ու ժողովրդների ոչնչացման օրինակներով
Հայաստանում գործող էլեկտրականության սակագները (6-67-8.77 ցենտ) շատ չեն տարբերվում ոչ այնքան հարուստ բալկանյան երկրների սակագներից, որտեղ բնակչության եկամուտներն ու տնտեսության զարգացման աստիճանը համեմատելի են ՀՀ ցուցանիշների հետ
 Ուշադրության կենտրոնում
Թուրք նախարարը պարզաբանում է Ցեղասպանության մասին իր հայտարարությունը. Պետք է առերեսվել անցյալին (թարմացված)

Թուրք նախարարը պարզաբանում է Ցեղասպանության մասին իր հայտարարությունը. Պետք է առերեսվել անցյալին (թարմացված) ԴԿ-ական նախարարներ Մուսլում Դողանը և Քոնջան իրենց հայտարարություններով և վարվելակերպով Թուրքիային միջազգային ասպարեզում բարդ իրավիճակի առջև կանգնեցնելու դեպքում` պաշտոնանկ կարվեն

 Բաժնի այլ նյութերը
Ինչպես 1913-ին ձախողվեց Կիլիկիայի հայերին զենքով օգնելու հույների փորձը Կիլիկիայի միջադեպը փաստում է՝ Ցեղասպանությունից առաջ հայերն անպատրաստ էին պաշտպանելու իրենց անվտանգությունը ֆիզիկական ոչնչացումից ու բռնագաղթից
Օրենքի ամբողջ խստությամբ. Ինչպես են «ծնվում» գողական աշխարհի մականունները Ինչ սկզբունքով են քրեական աշխարհում ընտրվում մականունները
Ինչպես 1916-ին գերմանական Ռայխստագում տապալվեց Ցեղասպանության մասին քննարկումը ArmenianGenocide100.org-ը ներկայացնում է ցեղասպանության վերաբերյալ քննարկում կազմակերպելու առաջին փորձը, որն արվեց դեռևս Կայզերական Գերմանիայում՝ Ցեղասպանության օրերին