  Պատմություն պատմելու կարողությունը. Հայտնի են Ամերիկայի ռեժիսորների գիլդիայի մրցանակի դափնեկիրները«Օսկարի» իսկական փորձը համարվում է հենց այս մրցանակաբաշխությունը, ոչ թե «Ոսկե գլոբուսը» Փետրվարի 7-ին Ամերիկայի ռեժիսորների գիլդիան հրապարակել է 2015-ին լիամետրաժ կինոյում և հեռուստատեսությունում ականավոր ռեժիսորական նվաճումների համար սահմանված սեփական մրցանակի դափնեկիրների ցանկը: «Օսկարի» իսկական փորձը համարվում է հենց այս մրցանակաբաշխությունը, ոչ թե «Ոսկե գլոբուսը»: Չէ որ վերջին շրջանում Հոլիվուդի ռեժիսորների ընկերակցությունը մեծ հեղինակություն է սկսել վայելել, իսկ կինոակադեմիկոսներն առաջնորդվում են կինոյի գլխավոր մասնագիտության ներկայացուցիչների որոշումներով:  8 փետրվարի 2016PanARMENIAN.Net - Գիլդիան բաժանել է կլոր շրջանակի մեջ առնված «ոսկե արծիվներին», իսկ PanARMENIAN.Net ը ներկայացնում է հաղթողներին: Լիամետրաժ ֆիլմի լավագույն ռեժիսոր Ալեխանդրո Գոնսալես Ինյարիտու` «Վերապրածը» «Օսկարի» համար մրցավազքի ֆավորիտներից մեկը հաստատուն քայլերով մոտենում է հաղթանակին: Բարդագույն լանդշաֆտի նկարահանումներ առանց արհեստական լուսավորության, համապատասխան բնապատկերի տանջալից որոնումներ, նկարահանող խմբի ցասում ու հուսահատություն: Մեքսիկացի Ինյարիտուն այդ մարդկանցից ստացել է առավելագույնը: Նրան ոգեշնչել է մեծն Տարկովսկին, կարողանալով հետաքրքիր պատմություն ներկայացնել առանց որևէ դրամատուրգիական հենքի: Դեբյուտանտ ռեժիսորի լավագույն գործ Ալեքս Գարլենդ` «Մեքենայից» Ռեժիսոր դառնալուց առաջ Գարլենդը սցենարներ էր գրում: Տաղանդավոր բրիտանացին այնպիսի հիանալի գործերի հեղինակ է, ինչպիսիք են «28 օր անց»-ը և «Դժոխք»-ը: Ժամանակակից լավագույն ռեժիսորներից մեկի` Դեննի Բոյլի հետ սերտ համագործակցությունը թույլ է տվել Գարլենդին իրականացնել իր վաղեմի երազանքն ու նկարահանել մարդկութայն ոչ միանշանակ ապագայի մասին սեփական ֆիլմը մեծ տեխնոլոգիական թռիչքի լույսի ներքո: Դրամատիկ սերիալի ռեժիսորի լավագույն գործ Դևիդ Նանտեր` «Գահերի խաղը» Փոքր էկրանի իսկական վետերան Նանտերը հայտնի է «Գահերի խաղը» սերիալի առանցքային էպիզոդների և մի քանի այլ հեռուստատեսային նախագծերի ստեղծմամբ: Նա դարձավ ամենաարյունալի էպիզոդներից մեկի` The Rains of Castamere (ավելի հայտնի է, որպես «Արյունալի հարսանիք»), ինչպես նաև սերիալի 5-րդ սեզոնի վերջին էպիզոդի բեմադրիչ, որից հետո միլիոնավոր երկրպագուներ նզովում էին հեղինակներին: Կատակերգական սերիալի ռեժիսորի լավագույն աշխատանք Քրիս Էդիսոն` «Փոխնախագահը» Ժամանակակից ամենածիծաղելի սերիալը, որն արդեն 4 սեզոն ունի, այդպիսին է դարձել մի շարք տաղանդավոր բեմադրիչների շնորհիվ: Երիտասարդ ռեիսոր Քրիս Էդիսոնը, Գիլդիայի մրցանակից հետո «բարձրագույն լիգա» անցնելու բոլոր շանսերն ունի, ինչը նրան իրավունք է տալիս ստեղծելու այլ սերիալների պիլոտային էպիզոդներ, կամ նույնիսկ սեփական հեռուստաարտադրանք մշակել: Հեռուստաֆիլմի կամ մինի-սերիալի ռեժիսորի լավագույն գործ Դի Ռիզ` «Բլյուզում միայն Բեսսին է» Կենսագրական դրամա, որը հիմնված է բլյուզ ոճի լեգենդար կատարող Բեսսի Սմիթի պատմության վրա, որի կարիերան գագաթնակետին հասավ XX դարի 20-30-ականներին: Հեռուստաֆիլմի ռեժիսոր Դի Ռիզն անձամբ է բեմադրել բոլոր էպիզոդները` ստիպելով հայտնի դերասանուհի Քուին Լատիֆային կատարել իր կարիերայի ամենաարտահայտիչ դերերից մեկը: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով    Ուշադրության կենտրոնում Բաժնի այլ նյութերըՌոբոտներ Դալին ու Մալին, դասական արվեստն ու ամսագիրը թերթելու հաճույքը  Dalma Garden Mall-ի ծրագրերն ու շոփինգի մշակույթըԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքովՍկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը |  Այլ հոդվածներ Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
