ՏՏ-ն ընդդեմ սուպերմարկետների. Ով է ավելի շռայլ հարկեր մուծում

ՏՏ-ն ընդդեմ սուպերմարկետների. Ով է ավելի շռայլ հարկեր մուծում

ՀՀ ֆինանսների նախարարությունն ամեն տարի հրապարակում է 1000 խոշոր հարկատուների ցանկը` դասավորելով դրանց հերթականությունն ըստ մուծած հարկերի ծավալի:

Ցանկը, սակայն, մի առանձնահատկություն ունի. ընկերությունների մուծումների զգալի մաս են անուղղակի հարկերը` ԱԱՀ-ն ու ակցիզը, մաքսատուրքը, տարատեսակ այլ տուրքեր: Դրանք, վերջին հաշվով, իրականում վճարում է գնորդը, քանի որ դրանք ներառվում են ապրանքի վերջնական գնի մեջ:

PanARMENIAN.Net - Բուն ընկերությունն իր և իր աշխատողների գրպանից վճարում է ուղղակի հարկերը` շահութահարկն ու աշխատողների եկամտահարկը: Երբ հարկատուների «ռեյթինգը» վերահաշվարկում է ըստ վճարած ուղղակի հարկերի ծավալների, պարզվում է, որ որոշ խոշոր հարկատուներ այդքան էլ «խոշոր» չեն, որքան կարող է թվալ առաջին հայացքից:

Մասնավորապես, 2015 թվականի արդյունքներով ցանկի 4-րդ հորիզոնականում է «Ալեքս Գրիգ» ընկերությունը, որին են պատկանում «Երևան Սիթի» սուպերմարկետների ցանցն ու որը մի շարք ապրանքատեսակների գծով գերիշխող կամ մենաշնորհային դիրք ունի: Ընկերությունն ընդամենը վճարել է 18,255 մլրդ դրամ հարկեր: Դրանցից առյուծի բաժինը, սակայն, կազմել են ԱԱՀ-ն, ակցիզային հարկը, մաքսատուրքը և այլ տուրքեր, որոնք ընկերությունը, փաստացի, ներառում է վաճառվող ապրանքի վերջնական գնի մեջ, վերցնում գնորդից ու փոխանցում պետությանը: Ուղղակի հարկերը (եկամտահարկ, շահութահարկ), կազմել են 1,281 մլրդ դրամ: Այդ ցուցանիշով ընկերությունը գտնվում է ընդամենը 34-րդ տեղում` պաշտոնական 4-րդի փոխարեն:

Նմանատիպ պատկեր է նաև այլ ցանցի`«Սաս գրուպի» դեպքում: Ընկերությունը մոտ 862 մլն դրամ հարկերով 136-րդ հորիզոնականում է ֆինանսների նախարարության ցանկում, սակայն ընդամենը 202-րդը` ուղղակի հարկերի ծավալով (195 մլն դրամ): «Կրպակն», ընդհակառակը, 333-րդ հորիզոնականից բարձրանում է 227-րդ հորիզոնական (ընդամենը հարկեր` 347,5 մլն դրամ, որից ուղղակի հարկեր`175,2 մլն դրամ): «Մաջիդ ալ Ֆութաիմ Հայփերմարկեթս»-ը, նույն ինքը` «Կարֆուր» սուպերմարկետը, 125-րդ հորիզոնականից բարձրանում է 78-րդ հորիզոնական (մոտ 949 մլն դրամ ընդամենը հարկեր, որոնցից ուղղակի հարկեր`մոտ 552 մլն):

Գումարային վերոնշյալ սուպերմարկետները վճարել են մոտ 2,204 մլրդ դրամ ուղիղ հարկեր:

Հազար խոշոր հարկատուների ցանկում առկա են մի քանի տասնյակ ՏՏ ոլորտի ընկերություններ, ներառյալ տեղական կազմակերպություններ ու արտասահմանյան ընկերությունների մասնաճյուղեր` «Synopsys»-ը, «Mentor Graphics»-ը, Oracle-ը, One Market Data,-ն, National Instruments-ը, VMWARE-ը, Picsart-ը, CQG-ն, Instigate-ն ու բազմաթիվ այլ ընկերություններ: Վճարած ուղղակի հարկերի մեծությամբ ամենախոշոր ՏՏ ընկերությունը «Synopsys»-ն է, որը վճարել է 1,537 մլրդ դրամ ուղղակի հարկեր` ավելի շատ, քան «Սաս գրուպն» ու «Ալեքս Գրիգն» իրար միասին: Միայն PAN-ի հաշված առաջին 21 ընկերությունները գումարային վճարել են 5,139 մլրդ դրամ ուղղակի հարկեր` գերազանցելով Հայաստանի խոշորագույն սուպերմարկետների ընդհանուր ցուցանիշը մոտ 3 մլրդ դրամով կամ գրեթե 2,5 անգամ: Հետևությունները թողնում ենք ընթերցողին և հայկական տնտեսության զարգացման համար պատասխանատու անձանց:

Կարդացեք նաև. Զինվել համբերությամբ, մերժել կարծրատիպերը. Ինչ մարտահրավերներ են ծառացած հայկական ստարտափերի առջև

Նիկոլայ Թորոսյան/PanARMENIAN.Net
 Ամենաընթերցվողը բաժնում
Վարորդները կլիցենզավորվեն, որոշները կհարկվեն
2019-ին ՀՀ ներմուծված ամենաթանկ էլեկտրամեքենաները
Որ գերատեսչությունն ինչքան գումար է վերադարձրել պետբյուջե
Օնլայն առևտուրը կազմակերպելու 7 տարբերակ
 Ուշադրության կենտրոնում
Մինչև 100 աշխատող ունեցող ընկերությունները դրամաշնորհ կստանան

Մինչև 100 աշխատող ունեցող ընկերությունները դրամաշնորհ կստանան Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը

 Բաժնի այլ նյութերը
14,000 մարդ՝ անգործ կամ պարապուրդում Խոշոր բիզնեսը՝ ապրիլյան կարանտինի օրերին
Սպանդանոցո՞ւմ, թե՝ բակում Հայաստանում մորթի հարցի քննարկման կարճ պատմությունը
ՀՀ ջերմոցներում արված ներդրումներն արդյունավետ են Տեղական արտադրանքի համար նոր շուկաներ են բացվում