 ՀայտնիներըԲուրլեսկի արքան՝ Ֆրեդի Մերկուրի Սեպտեմբերի 5-ին Ֆրեդի Մերկուրին կդառնար 70 տարեկան, չնայած մինչև այս տարիքը հասնելու ցանկություն նա չուներ: Երաժիշտն ասում էր՝ «մինչև խոր ծերություն ապրելու հույս չունեմ: Ինձ դա բացարձակ չի մտահոգում: Բնավ ցանկություն չունեմ դառնալու 70 տարեկան»: Ֆրեդի Մերկուրին փարսական ծագում ուներ: Նա The Queen ռոք-խմբի վոկալիստն էր, որը այնպիսի հիթային երգերի հեղինակ է, ինչպիսիք են Seven Seas of Rhye-ը, Killer Queen-ը, Bohemian Rhapsody-ն, Somebody to Love-ը, We Are the Champions-ը, Crazy Little Thing Called Love-ը և այլ։ ֆրեդին համարվում է բոլոր ժամանակների լավագույն վոկալիստներից ու ամբողջ երաժշտական աշխարհի ամենամեծ կորուստներից մեկը։ Մերկուրին մահացավ 1991-ի նոյեմբերի 24-ին՝ բրոնխային թոքաբորբից, որն առաջացել էր ՁԻԱՀ-ից։ Ծննդյան 70-ամյակի առթիվ PanARMENIAN.Net-ը մի քանի հետաքրքիր փաստ է հավաքել Մերկուրիի մասին:  5 սեպտեմբերի 2016PanARMENIAN.Net - […] Ֆրեդի Մերկուրիի իսկական անունը Ֆարրուխ Բուլսարա է. «Ֆարրուխ» բառը թարգմանվում է որպես «հիասքանչ», «երջանիկ»: Պաշտոնապես Ֆրեդին անունը փոխել է 1970-ին: Երբ նրան դիմելիս ասում էին Ֆարրուխ, Մերկուրին հունից դուրս էր գալիս, նույնիսկ կռիվ անում: Ֆրեդի կեղծանունը Բուլսարան վերցրել էր մինչև Անգլիա տեղափոխվելը, իսկ Մերկուրի մականունը հայտնվեց արդեն Queen-ի առաջին ձայնագրությունների դուրս գալուց հետո: […] Ֆրեդին իրեն լավ դաշնակահար չէր համարում ու շատ էր անհանգստանում, երբ Bohemian Rhapsody-ի կատարման ժամանակ ստիպված էր բեմ դուրս գալ ու նստել երաժշտական գործիքի առջև: Նա մեծ հաճույքով դադարեց ստեղնաշարայինների վրա նվագել՝ այդ գործը վստահելով հրավիրված երաժշտի, ու ուշադրությունն ուղղեց բեմական շոուներին: […] Ֆրեդի Մերկուրին այնքան էր սիրում իր կատուներին, որ շրջագայությունների ժամանակ զանգահարում էր Լոնդոն՝ նրանց հետ խոսելու համար: Ֆրեդիի ընկերուհին՝ Մերի Օսթինը, երգչի խնդրանքով հեռախոսին էր մոտեցնում այս կամ այն կատվին: Նրա տանը միաժամանակ 10-ից ոչ պակաս կենդանի էր բնակվում: Երգիչը պոչավորներին նույնիսկ առանձին սոլո-ձայնասկավառակ է նվիրել՝ Mr Bad Guy-ը, իսկ իր սիրած կատվին The Queen-ի (Innuendo) վերջին ալբոմի Delilah երգը: […] Ինքը՝ Մերկուրին Queen-ի լավագույն ալբոմն է համարում 1980-ին թողարկված The Game-ը: Դրանում են ընդգրկված Play the Game ու Another One Bites the Dust-ը: […]Լոնդոնի Իլինգ քոլեջն ավարտելուց հետո Ֆրեդին գրաֆիկական դիզայների դիպլոմ ստացավ: The Queen-ի խորհրդանշանը, որը կազմված էր կենդանակերպի նշաններից, Մերկուրին ինքն է հնարել ու նկարել: […] Հայտարարությունը, թե Ֆրեդին ՁԻԱՀ-ով է վարակված, երգիչն արեց մահվանից մեկ օր առաջ: ՁԻԱՀ-ի դրական պատասխանի մասին Մերկուրին իմացել էր դրանից չորս տարի առաջ, 1987-ի գարնանը: […] Ֆրեդին ահավոր վախենում էր ինքնաթիռներից: Մի անգամ DC10 նստելուց հետո, որը Տոկիոյից ուղևորվում էր Նյու Յորք, Մերկուրին պարզեց, որ այդ մոդելը ոչ շատ վաղ անցյալում բազմաթիվ տեխնիկական խնդիրներ է ունեցել: Նա պահանջեց, որ իր իրերը դատարկեն ինքնաթիռից, դուրս եկավ ու գնեց այլ արտադրողի թռիչքի վերջին չվաճառված տոմսը: Նա ստիպված էր թռչել 14 ժամ ուշացումով, ու ոչ առաջին կարգով, ինչպես միշտ էր, այլ էկոնոմ-դասով: […] Մերկուրիի անձնական օգնականներն իրենց մոտ միշտ պետք է պարտադիր թուղթ ու գրիչ ունենային, եթե հանկարծ երաժիշտը պատահաբար ոգեշնչվեր: Life is Real երգի տեքստը, օրինակ, նա գրել էր Նյու Յորքից Լոնդոն թռիչքի ընթացքում:  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումիցՍյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |
