Մարդասպան երեխաներ, նավթ ու ցեղասպանություն

Մարդասպան երեխաներ, նավթ ու ցեղասպանություն

Ինչ է կատարվում «Ավրորայի» հերոսի երկրում

Հարավային Սուդանի Նուբիական լեռներում աշխատող ամերիկացի բժիշկ Թոմ Քաթինան մայիսի 28-ին Երևանում արժանացավ «Ավրորա» մարդասիրական նախաձեռնության գլխավոր երկրորդ մրցանակին: Քաթինան Mother of Mercy հիվանդանոցի միակ բժիշկն է, որը սպասարկում է մոտ 750.000 մարդու:

PanARMENIAN.Net - PanARMENIAN.Net ը հակիրճ պատմում է, թե ինչ է կատարվում «Ավրորայի» հերոսի երկրում:

Աշխարհի ամենաերիտասարդ պետությունը ցեղասպանության եզրին է

Հարավային Սուդանն անկախություն ստացավ Սուդանից 2011 թվականի հուլիսի 9-ին՝ երկարատև պատերազմից հետո: 2013-ի դեկտեմբերից, երբ նախագահ Սալվա Քիիրը հայտարարեց հեղաշրջման տապալված փորձի մասին, երկրում քաղաքացիական պատերազմ սկսվեց: 2014-ի հունվարին կարճատև հրադադար կնքվեց. այն խախտվեց, երբ ընդդիմությունը հարձակվեց Մալաքալ քաղաքի վրա: Դրան հետևեց նոր հրադադար կնքելու մի քանի տապալված փորձ:

2016-ի դեկտեմբերին ՄԱԿ-ը հայտարարեց, որ Հարավային Սուդանը՝ աշխարհի ամենաերիտասարդ ճանաչված պետությունը, ցեղասպանության եզրին է:

ՄԱԿ Մարդու իրավունքների հանձնախումբը հայտարարեց, որ երկրում էթնիկ զտումներ են ընթանում: «Իրավիճակը մոտ է Ռուանդայի կրկնությանը (1994-ին Ռուանդայում հութու ցեղախումբը մոտ 1 մլն թութսի էր կոտորել մոտ մի ամսում՝ -խմբ.): Էթնիկ զտումներն արդեն մի երկրի տարբեր մասերում էին ընթանում. սով, բռնաբարություններ, գյուղերի հրկիզում: Մարդիկ էլ հայտարարեցին, որ պատրաստ են արյուն թափել հողի համար», - նշվում էր հայտարարությունում:

Նուեր ու դինկա ցեղերի ատելությունը

Երկրում բախումներ էին նուեր ու դինկա ցեղերի միջև: Դինկաները մոտ 3 մլն մարդ էին, նուերները՝ մոտ 1.7 մլն: Երկու բավականին նման ցեղերի միջև լարվածությունն առաջացել էր դեռ Սուդանի բրիտանական օկուպացիայի տարիներին՝ 19-րդ դարավերջին, 20-րդ դարասկզբին: Նուերներն անցել էին բրիտանացիների կողմը, դինկաները՝ ոչ:

20-րդ դարի առաջին կեսին երկրում կրոնական հողի վրա 2 քաղպատերազմ էր եղել՝ 17 ու 22 տարի տևողությամբ: Երկու ցեղերը ևս անմաս չմնացին դրանից՝ կոտորելով միմյանց:

Կոնֆլիկտի սրացումը

Հեղաշրջման փորձից հետո նախագահ Սալվա Քիիրը (ազգությամբ՝ նուեր) աշխատանքից ազատեց փոխնախագահ Ռիեք Մաչարային (ազգությամբ՝ դինկա) ու այլ դինկաներին՝ մեղադրելով նրանց դավադրությանը մասնակցելու հետ: Այսպես կոնֆլիկտը թեժ փուլ մտավ. ՄԱԿ 12.000-անոց զորախումբն ունակ չեղավ կանխելու բախումները:

Ջարդերին ակտիվորեն մասնակցում էին նաև երեխաները. տարբեր գնահատականներով, պատերազմում էր մոտ 12.000 երեխա:

Զոհերի հստակ թիվը հայտնի չէ

Սպանվածների հաշիվը հազարներով էր գնում, ու ստույգ թիվն անհայտ էր: 2016-ի մարտին International Crisis Group-ը հայտնեց 50.000 զահի մասին, իսկ տեղի պաշտոնյաներն ու բժիշկները՝ 300.000 զոհի մասին: Փախստական դարձավ ավելի քան 2.5 մլն մարդ: Երկրի բնակչությունը 2016-ին, ՄԱԿ գնահատականով, 12.4 մլն էր կազմում:

© Getty Images

Արտաքին ուժեր

Հարավային Սուդանում ազդեցության համար պայքարում էին ՌԴ-ն ու ԱՄՆ-ն: Երկրի հայտնաբերված նավթային պաշարներն ավելի քան 0.5 մլրդ տ էին կազմում: ԱՄՆ-ն անկախության հանրաքվեի ամենամեծ ջատագովներից էր ու դիտարկում էր երկիրը որպես հավանական գործընկեր: 2016-ից ԱՄՆ-ն փորձում է Հվ. Սուդան զենքի վաճառքի էմբարգոյի հասնել ՄԱԿ-ի Անվտանգության խորհրդում: ՌԴ-ն դեմ է այդ առաջարկին:

Հասմիկ Վանցյան / PanARMENIAN.Net
 Ամենաընթերցվողը բաժնում
Facebook-ի հիմնադրի գրադարանից
Ինչ դիտել շաբաթ-կիրակի
10 տեսանյութ, որ կլցնեն ձեր հանգստյան օրերը
Ադրբեջանի ԱԳՆ-ում ձերբակալություններ են
 Ուշադրության կենտրոնում
Moderna-ն ուզում է ԱՄՆ-ին պատվաստանյութի 2 դեղաչափը վաճառել $50-ից $60-ով

Moderna-ն ուզում է ԱՄՆ-ին պատվաստանյութի 2 դեղաչափը վաճառել $50-ից $60-ով Գինը վերջնական չէ, բանակցություններն ընթանում են։

 Բաժնի այլ նյութերը
«Տառականը» ընդդեմ երեք կնոջ Բելառուսում ընտրությունները կարող են ավարտվել հեղափոխությամբ կամ արյունով
Զրոյից միլիոնատեր ու հետ Ամերիկյան երազանքի հայկական տարբերակը
Ամենահարուստ մարդու գրադարանից 7 գիրք, որ առաջարկում է Ջեֆ Բեզոսը