  2012-ին Հայաստանի տնտեսությանն Արմագեդոն չի սպասվումԱյնուամենայնիվ, հայ ժողովրդի կենսապայմանները չեն բարելավվում, այլ վատանում են՝ չնայած 2012-ի բյուջեով նախատեսված սոցվճարումների և կենսաթոշակների բաձրացմանը Տնտեսագետների մտավախությունները, կապված համաշխարհային ճգնաժամի երկրորդ ալիքի հայտնվելու հետ, ավելի են շատանում: Եվրոպայում վրա հասած ճգնաժամը, անկասկած, շատ լուրջ է, և դրա հաղթահարման համար բացարձակ լուծումներ չկան: 2012-ն այնքան էլ բարենպաստ տարի չի լինի համաշխարհային տնտեսության զարգացման համար: Մտավախություններ կան Իտալիայի, Պորտուգալիայի և մի քանի այլ եվրոպական երկրների համար, որոնց սպառնում է Հունաստանի դեֆոլտի ճակատագիրը: Քաղաքական գործիչներն այս իրավիճակից դուրս գալու ուղիների որոնման մեջ են, սակայն համաշխարհային զարգացումներն անկանխատեսելի են, իսկ շուկաները՝ զգայուն:  5 նոյեմբերի 2011PanARMENIAN.Net - Համաշխարհային միտումների այս ֆոնին փոքր Հայաստանին Արմագեդոն չի սպասվում: Շատ փորձագետների գնահատմամբ, մեզ հասնող հիմնական ազդակները գալիս են Ռուսաստանից, որտեղ տնտեսական աճը 2012-ին նախատեսված է 4 տոկոսի մակարդակում, ավելին, հաջորդ տարի սպասվում է փոխանցումների ավելացում նախաճգնաժամյա շրջանի մակարդակում: «Այդ պատճառով Հայաստանում գալիք տարում լուրջ ցնցումներ չեն լինի, իսկ եթե ֆինանսական հոսքերի միտումները շարունակվեն, ապա Հայաստան մտնող փոխանցումների ծավալները 2012-ին կհասնեն նախաճգնաժամային շրջանին»,- ասել է Հայաստանի Կենտրոնական բանկի նախկին նախագահ Բագրատ Ասատրյանը։ Դրա հետ կապված՝ նա դրական է գնահատել այն, որ 2012-ին Հայաստանում ապահովվելու է տնտեսական աճ 4,2 տոկոսի մակարդակում։ «Լավ է, որ մենք աճում ենք, բայց ինձ անհանգստացնում է՝ իսկապես այդ տեմպերը բավարար են»,- ասել է փորձագետը և հավելել, որ աճ ապահովվելու է արդյունաբերության ոլորտում, ինչպես նաև 2-2,5 տոկոս աճ՝ շինարարության ոլորտում։ Անդրադառնալով ժողովրդի բարեկեցությանը՝ Բագրատ Ասատրյանն ասել է, որ հաշվի առնելով համաշխարհային շուկաներում պարենային ապրանքների գների աճը՝ երկրի բնակչությունը զգալիորեն վատ է ապրելու։ Այդ առումով նա հավելել է, որ դա վերաբերվում է նաև պետական ծառայողներին, որոնց համար կառավարության կողմից նախատեսված սոցիալական փաթեթը պլանավորված քայլ է լինելու։ «Եթե մենք չվճարենք պաշտոնյաներին, ապա չենք կարող նրանցից արդյունավետ աշխատանք ակնկալել»,- ասել է նա։ Վերակառուցման և զարգացման եվրոպական բանկի փոխնախագահ Յան Ֆիշերը կոչ է արել «ժամանակից շուտ խուճապի չմատնվել և սև սցենարներ չկազմել», այլ ավելի լավ է զգույշ լինել ֆիսքալային քաղաքականության իրագործման հետ: Հայկական տնտեսության համեմատական առավելությունների շարքում նա նշել է «առողջ» բանկային համակարգը, որին հաջողվել է դիմակայել արտաքին ազդեցություններին: Վիկտորիա Արարատյան / PanARMENIAN News  Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար    Ուշադրության կենտրոնում Բաժնի այլ նյութերըԱԹՍ-ով ջրված այգու բերքը  Ինչ առավելություններ ունի խելացի գյուղատնտեսությունըԴատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակԶսպելով բարկությունն ու գնաճը Պատերազմն ու մեր դատարկվող գրպանը |  Այլ հոդվածներ Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
