Եվրոպայի պարտքային բեռի հետևանքները և ԱՄՆ տնտեսության համեստ վերականգնումը Հայաստանին դեռ շփոթության չեն մատնելՎիճակագրական տվյալները վկայում են այն մասին, որ Հայաստանում իրավիճակը դեռևս կայուն է, իսկ 2012-ի փետրվարին ՀՀ սպառողական շուկայում արձանագրվել է 0,9 տոկոսանոց գնանկում Չնայած խոշորագույն համաշխարհային տնտեսություններից՝ ԱՄՆ-ից և Եվրոպայից եկող անմխիթար ազդանշաններին, Հայաստանում մակրոտնտեսական իրավիճակը դեռևս կայուն է: Մասնավորապես, ԱՄՆ դաշնային պահեստային ծառայության (ԴՊԾ) ղեկավար Բեն Բերնանկեի զեկույցում ասվում է, որ ամերիկյան տնտեսությունը պատմական համատեքստում վերականգնվում է անհավասար և համեստ տեմպերով: Նրա խոսքով, աշխարհի խոշորագույն տնտեսության զարգացումը ներկայում կարելի է բնութագրել որպես ոչ միանշանակ մակրոտնտեսական տվյալների «տարբեր ուղղվածության ազդակների» պատճառով: Այսպես, աշխատաշուկան հեռու է մնում նորմալ իրավիճակից՝ չնայած գործազրկության զգալի կրճատմանը: Այսպես, երկար ժամանակ 9 տոկոս մակարդակում մնացող ցուցանիշը հունվարին կազմել է 8,3 տոկոս: 4 մարտի 2012 PanARMENIAN.Net - ԱՄՆ Դաշնային պահեստային ծառայությունը չի ակնկալում երկրում գործազրկության մակարդակի հետագա նվազեցում: Նա կրկին հաստատել է մինչև 2014-ի վերջ 0-0,25 տոկոս ռեկորդային ցածր բազային տոկոսադրույքը պահպանելու մտադրությունը: Մտավախություն է առաջացնում Գերմանիայի ԿԲ ղեկավար Յենս Վայդմանի նամակը ԵԿԲ նախագահ Մարիո Դրագային, որում նշվում է, որ Եվրոպական կենտրոնական բանկի ֆինանսական քաղաքականությունը և պարտքային ճգնաժամը հաղթահարելուն ուղղված միջոցները բարձրացնում են ռիսկերը Եվրոպայի խոշորագույն տնտեսության՝ Գերմանիայի համար, որը տարածաշրջանում ամենամեծ վարկատու պետությունն է: Վայդմանի կարծիքով, ԵԿԲ-ը մեղմ պայմաններով չափազանց շատ իրացվելիություն է ներարկում եվրահամակարգի մեջ: Այդ պատճառով առաջարկում է վերադառնալ գրավների ավելի խիստ կանոններին, որոնք ԵԿԲ-ը վերցնում է բանկերից վարկերի փոխարեն, և խստացնել փոխառություն տալու կանոններն ազգային կարգավորիչների կողմից, որոնք պետք է համաձայնեցվեն համաեվրոպական կարգավորիչի կառավարիչների խորհրդիհ ետ: Նման քայլը, Վայդմանի կարծիքով, կօգնի նվազեցնել տնտեսական ռիսկերը ԵԿԲ համար այն դեպքում, եթե կազմակերպություններից մեկը չկարողանա պատասխան տալ իր պարտքերի համար: Պետք է նշել, որ Վայդմանի մտավախությանն աջակցել է ԵԿԲ կառավարիչների խորհրդի նախկին անդամ Լորենցո Բինի Սմագին, ով կարծում է, որ բանկերը կարող են վարժվել էժան վարկերին, ինչը կնվազեցնի «սեփական ոտքերին կանգնելու» նրանց կարողությունը, երբ եվրագոտու պարտքային ճգնաժամը կհաղթահարվի: Standard Chartered գլխավոր տնօրեն Փիթեր Սենդսը կարծում է, որ վարկային կազմակերպությունների խթանման ԵԿԲ ներկա քաղաքականությունը հիմք է ստեղծում ապագայում ևս մեկ ճգնաժամի համար: «Ոչ ոք չի մտածում երկարաժամկետ հետևանքների մասին: Ինչ կլինի, եթե երեք տարի անց բանկերն անվճարունակ լինեն և նրանց պարտքերը հարկ լինի վերակազմավորել: Հայտնի չէ, թե ինչպիսին կլինի այս իրավիճակից ելքը»,- ասել է նա: Այսպիսով, որոշ փորձագետներ «դանդաղ ազդեցության ռումբ» են տեսնում քաղաքականության մեջ, որն այսօր վարում է Եվրոպան, և այստեղ զարգացող Հայաստանը պետք է մտածի, թե որ ճգնաժամաի մեջ մտնի՝ երկրորդի կամ միանգամից երրորդի: Այնուամենայնիվ, վիճակագրական տվյալները վկայում են այն մասին, որ Հայաստանում իրավիճակը դեռևս կայուն է, իսկ 2012-ի փետրվարին հանրապետության սպառողական շուկայում արձանագրվել է 0,9 տոկոսանոց գնանկում: Վիկտորիա Արարատյան / PanARMENIAN News Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար Բաժնի այլ նյութերը ԱԹՍ-ով ջրված այգու բերքը Ինչ առավելություններ ունի խելացի գյուղատնտեսությունը Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ Զսպելով բարկությունն ու գնաճը Պատերազմն ու մեր դատարկվող գրպանը | Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը Մանկապարտեզներում երկարօրյա ծառայությունը կգործի անգամ 1 երեխայի համար Մանկապարտեզներում կան նաև կրթական լրացուցիչ վճարովի ծառայություններ Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը Համազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում |