Մարտի 29-ին ՀՀ էկոնոմիկայի նախարարության համաժողովների դահլիճում վարչապետ Տիգրան Սարգսյանի նախագահությամբ տեղի է ունեցել խորհրդակցություն արդյունաբերության ոլորտի ներկայացուցիչների հետ: Միջոցառմանը հրավիրված էին մասնակցելու ավելի քան 100 արդյունաբերական ընկերությունների ներկայացուցիչներ: Խորհրդակցության ընթացքում ներկայացվեցին Հայաստանի արդյունաբերության զարգացման խնդիրներ ու հեռանկարները: Քննարկումներն անցան ընդլայնված կազմով, հետո շարունակվեցին ավելի նեղ շրջանակում, որտեղ վարչապետին ներկայացվեցին նոր գործարար ծրագրերը:

Ժամանակակից տնտեսական բառարանում կա «սև ռիելթոր» հասկացությունը, որը որպես կանոն միայնակ է աշխատում և չունի համապատասխան արտոնագիր, նա առաջարկում է գույքի առքուվաճառքի կամ վարձակալության միջնորդային գործունեություն և հաճախ չի կարող երաշխավորել իր պարտավորությունների կատարումը: Այնպես որ, նման «սև ռիելթորների» քանակը Հայաստանում բավականին կշատանա, եթե կառավարությունը չհրաժարվի ՀՀ «Արտոնագրային վճարների մասին» օրենքում նախատեսվող փոփոխություններից:

Ամանորյա տոների նախաշեմին Հայաստանի սպառողական շուկայում արդեն մեկնարկել է գների մրցավազքը: Այս ընթացքում սննդամթերքի հիմնական տեսակների գները կարող են աճել 20 տոկոսով: Վերջին տարիներին Հայաստանում սովորական է դարձել, որ որքան տոները մոտենում են, այնքան սննդամթերքի գինն ավելանում է, և ընթացիկ տարին այդ առումով բացառություն չի լինի:

Երևանում առաջին անգամ տեղի է ունեցել միջազգային համաժողով «Ունիվերսալ արժեքները և մշակութային բազմազանությունը 21-րդ դարում. զբոսաշրջության ավանդը» թեմայով Համաշխարհային զբոսաշրջային կազմակերպության (UNWTO) գլխավոր քարտուղար Թալեբ Ռիֆաիի մասնակցությամբ, ով նշել է, որ այս համաժողովը թույլ կտա պատշաճ մակարդակով ներկայացնել Հայաստանը միջազգային հանրությանը, հյուրերն անմիջականորեն կմասնակցեն լիագումար նիստերին, կծանոթանան երկրի հետ: Նա ընդգծել է, որ Հայաստանում համաժողով անցկացնելու ընտրությունը պայմանավորված է նրանով, որ երկիրը հարուստ է մշակութային և հոգևոր ժառանգությամբ, ուստի լավ «թեկնածու» է, որպեսզի հենց այստեղ անցկացվի զբոսաշրջային համաժողովը:Ռիֆային Հայաստան է այցելում արդեն երկրորդ անգամ և մտադիր է հաջորդ ամառ այստեղ բերել իր ընտանիքը, քանի որ բարձր է գնահատում Հայաստանի հարստությունները և նրա ժողովրդի բարյացակամությունը: Նա նաև հույս է հայտնել, որ Հայաստանում կան բոլոր հնարավորությունները զբոսաշրջային ոլորտի զարգացման համար, սակայն այստեղ անհրաժեշտ է ջանքեր գործադրել, մասնավորապես, համաշխարհային ասպարեզում առաջ շարժվելու ուղղությամբ, և այստեղ կանցկացվեն քննարկումներ Հայաստանի էկոնոմիկայի նախարարության հետ:

Չնայած որ 7 ամիսների արդյունքում, ըստ պաշտոնական վիճակագրական տվյալների, Հայաստանն ապահովել է «տպավորիչ» մակրոտնտեսական ցուցանիշներ, այնուամենայնիվ, դեռևս մտավախություն կա, որ համաշխարհային սպառողական գների ակնկալվող բարձրացումը կարող է բարձրացնել երկրում գնաճային ճնշումը:

ՀՀ ԿԲ ֆինանսական մոնիթորինգի կենտրոնը արդեն բազմաթիվ տարիներ ակտիվ կերպով աշխատում է այնպիսի միջազգային կառույցների հետ, ինչպիսիք են Եվրոպայի խորհրդի ՄԱՆԻՎԱԼ հանձնաժողովը և ֆինանսական հետաքննության ստորաբաժանումների Էգմոնտ խումբը, որոնց անդամ է հանդիսանում բանկը` ներկայացնելով համապատասխան զեկույցներ: Ինքը ՀՀ ԿԲ ֆինանսական մոնիտորինգի կենտրոնի ղեկավար Դանիել Ազատյանը հպարտությամբ հայտարարել է, որ Հայաստանը երբեք Եվրոպայի խորհրդում չի դիտարկվել փողերի լվացման առումով ռիսկային երկրների ցուցակում, ի տարբերություն Ադրբեջանի և Ուկրաինայի: Ավելին, Հայաստանի բանկային համակարգի համար միշտ էլ թանկ է եղել իր ֆինանսական կայունությունը և բավականին խիստ նորմատիվները, ինչպես նաև իր արտասահմանյան գործընկերների հետ հարաբերությունները, որոնք կարող են ազդել ոչ միայն բանկային համակարգի վրա, այլ նաև առհասարակա երկրի վարկանիշի: «Միջազգային հանրության կողմից երբևէ պաշտոնական հայտարարություն չի հնչեցվել այն մասին, որ Հայաստանը ռիսկային եկիր է` փողերի լվացման տեսանկյունից»,-ընդգծել է նա:

Աշխարհն ուշադիր հետևում է եվրոյի գոտում տիրող իրավիճակին և անհամբեր սպասում է Բրյուսելի գագաթաժողովի արդյունքներին, որն անցնում է հունիսի 28-29-ը: Համաշխարհային տնտեսությունը լիկվիդայնության ճգնաժամ է ապրում, սակայն իրավիճակի վատթարացումը ոչ միայն Հունաստանին է սպառնում, շատ ավելի կարևոր է, թե ինչ վիճակ կլինի ԵՄ առավել խոշոր երկրներում՝ Իսպանիայում ու Իտալիայում, վերջինը տարածքով ԵՄ թվով երրորդ երկիրն է: Ըստ փորձագետների, ԵՄ տնտեսությունն այժմ ավելի վատ վիճակում է, և կարող է տարին փակել ՀՆԱ բացասական ցուցանիշով, այն դեպքում, երբ ԱՄՆ տնտեսությունը, որտեղ աճում են անշարժ գույքի գները, ՀՆԱ 2,5 տոկոս աճ կարող է արձանագրել: Այնուամենայնիվ, տնտեսական աճի առաջատարը շարունակում է մնալ Չինաստանը:

Այս շաբաթ տեղի է ունեցել Հայաստանի գործող կառավարության վերջին նիստը, որի արդյունքում 4 նախարարներ հրաժարական են տվել, իսկ կառավարությունը լուծարվել է: Հրաժարական տված բոլոր նախարարները ԲՀԿ անդամներ են, ինչը իր հերթին կապված է կուսակցության` նոր կոալիցիայի մեջ չմտնելու որոշման հետ: Հրաժարական են տվել քաղաքաշինության նախարար Վարդան Վարդանյանը, աշխատանքի և սոցիալական հարցերի նախարար Արթուր Գրիգորյանը, առողջապահության նախարար Հարություն Քուշքյանը, սպորտի և երիտասարդությա նախարար Արթուր Պետրոսյանը:

Հայաստանի նախագահ Սերժ Սարգսյանն ընդունել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Յուկիա Ամանոյին:

Սկսած 2012-ից Հայաստանում նկատվում է բենզինի գների բարձրացում համաշխարհային շուկաներում դրանց փուլային աճի ֆոնի վրա: Մասնավորապես, բենզինի համաշխարհային գները հասել են մեկ բարելի համար 100-120 դոլարի: Սակայն, եթե դիտարկել այդ միտումները Հայաստանում բենզինի գնի աճի հետ համեմատած, ապա առկա է անհամապատասխանություն, և այստեղ շահում է ներկրողը: