Սենատոր Բոքսերը Հայոց ցեղասպանության 99-ամյակի կապակցությամբ հայտարարություն է արել

Սենատոր Բոքսերը Հայոց ցեղասպանության 99-ամյակի կապակցությամբ հայտարարություն է արել

PanARMENIAN.Net - «Հայոց ցեղասպանության 100-ամյա տարելիցի մոտենալուն զուգահեռ ես կշարունակեմ աշխատանքնս՝ ուղղված այս սարսափելի ոճրագործության ամբողջական ճանաչմանը, որպեսզի Հայոց ցեղասպանությունն երբեք չմոռացվի ու էլ երբեք չկրկնվի», -հայտարարել է Կալիֆորնիայից ընտրված սենատոր Բարբարա Բոքսերը՝ հավելելով, որ կշարունակի թուրքական կառավարությանն ուղղված կոչը՝ ճանաչել մարդկայնության դեմ այս սարսափելի ոճիրը:

«Ես միանում եմ իմ գործընկերների մեծ մասին Սենատի արտաքին գործերի կոմիտեում, որոնք հավանություն տվեցին Հայոց ցեղասպանության մասին բանաձևին (S.Res.410), և հպարտանում եմ, որ բանաձևի աջակիցներից մեկն եմ», -ասվում է Բարբարա Բոքսերի պաշտոնական կայքում հրապարակված հայտարարության մեջ: Նա հիշեցրել է, որ բանաձևը կոչ է անում ԱՄՆ նախագահին, որպեսզի ԱՄՆ արտաքին քաղաքականությունն արտահայտի մարդու իրավունքների հետ կապված խնդիրների, մարդկայնության դեմ հանցագործությունների, էթնիկ զտումների ու Հայոց ցեղասպանության պատշաճ ընկալումը:

Ապրիլի 10-ին վերջին գրեթե 25 տարում առաջին անգամ ԱՄՆ Սենատի արտաքին գործերի կոմիտեն ընդունեց Հայոց ցեղասպանության մասին S.Res.410 բանաձևը՝ կոչ անելով Սենատին միանալ դրան և հասնել նրան, որ ԱՄՆ արտաքին քաղաքականությունն արտացոլի Սենատի դիրքորոշումը: Բանաձևում նշվում է նաև, որ Հայոց ցեղասպանությունը մինչև օրսմնում է անպատիժ: Կողմ է քվեարկել 12 սենատոր, դեմ՝ 5-ը:

Բանաձևում մասնավորապես ասվում է.«1. Անհրաժեշտ է հիշել ու նշել Հայոց ցեղասպանության տարելիցը 2014 թ. ապրիլի 24-ին: 2. Նախագահը պետք է պայքարի արդար, կառուցողական, կայուն ու ամուր հայ-թուրքական հարաբերությունների հաստատման համար, որոնք ներառում են Թուրքիայի կողմից Հայոց ցեղասպանության ամբողջական ճանաչումը: 3. Նախագահը պետք է ապահովի, որպեսզի ԱՄՆ ներկայիս արտաքին քաղաքականությունը հիմնված լինի մարդու իրավունքների պաշտպանության և մարդկայնության դեմ հանցագործությունների, էթնիկ զտումների ու ցեղասպանության, մասնավորապես Հայոց ցեղասպանության հարցում, ընդունված ընկալումների վրա»:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---