Ռուս քաղաքագետ. Հայկական ռազմական մեքենան զգալիորեն ավելի մարտունակ է երևում 4 ապրիլի 2016 - 14:24 AMT PanARMENIAN.Net - Ռուս քաղաքագետ Արկադի Դուբնովը «Դոժդ» հեռուստաալիքին տված հարցազրույցում մեկնաբանել է ղարաբաղյան հակամարտության գոտում տեղի ունեցող մարտերը` հայկական ռազմական մեքենան որակելով որպես ավելի մարտունակ: Ըստ փորձագետի, Ադրբեջանն այս իրավիճակում պարտված կողմ է, «ինչը շատ լուրջ պարտություն է ժողովրդի մտածելակերպի առումով, շատ բարդ է երկար ապրել այդ պարտության պայմաններում»: «Սակայն, մյուս կողմից, դրանից շատ լավ օգտվում է Ադրբեջանի ղեկավարությունը` հայրենասիրության ալիքի վրա համախմբելով ժողովրդին նախագահի շուրջ, իսկ նրանց, ով համաձայն չէ առաջնորդի հետ, նախապես կարելի է ժողովրդի թշնամիների շարքը դասել, նույնիսկ եթե նրանք ուղղակի քաղաքական ընդդիմադիրներ են»,-ասել է Դուբնովը: Ընդ որում, քաղաքագետն այն, ինչ տեղի է ունենում չի համարում լայնածավալ պատերազմ և չի կարծում, որ հակամարտությունը կհասնի այդ փուլին: Ըստ նրա, Բաքվին լայնածավալ պատերազմ պետք չէ, չնայած ադրբեջանական բանակի վերազինման համար ծախսված միլիարդավոր դոլարներին, այդ թվում ՌԴ օգնությամբ: Պատճառն այն է, որ պատերազմի փորձը կողմերի միջև ցույց է տալիս, որ հայկական ռազմական մեքենան զգալիորեն ավելի մարտունակ է, չնայած Ադրբեջանի գերազանցությանը ռազմատեխնիկական տեսակետից, ասել է փորձագետը: «Այժմ մենք հիանալի հասկանում ենք, որ այդ գործողությունը սկսել է ադրբեջանական կողմը: Բաքվում դա չեն էլ թաքցնում»,-մասնավորապես ասել է նա: Դուբրովը համարում է, որ Ադրբեջանի ագրեսիան նպատակ ունի ստիպել Հայաստանին և նրանց, ով համարվում է նրա դաշնակիցը, գնալ խաղաղ կարգավորման այնպիսի պայմանների, որոնք շահավետ կլինեն Բաքվին: Ապրիլի լույս 2-ի գիշերից ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 6 անօդաչու թռչող սարք (ԱԹՍ), 20 տանկ, 5 զրահամեքենա 1 ՏՕՍ ծանր հրանետային համակարգ: Ադրբեջանն ընդունել է 15 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 2 ԱԹՍ: Հայկական կողմից զոհվել է 18 զինծառայող, մոտ 37-ը վիրավոր է: Հայկական կողմը նաև կորցրել է մեկ տանկ: Բացի առաջնագծում ընթացող մարտերից, հակառակորդը հրթիռահրետանային հարվածներ է հասցրել խաղաղ բնակավայրերին: Մարտունիում դպրոցի հրետակոծման հետևանքով զոհվել է 12-ամյա երեխա, 3 տարեց մարդ դաժանաբար սպանվել է Թալիշ գյուղում: Եվս 6 քացաքացիական, որոնցից երկուսը երեխա էին, վիրավորվել են: Ընթերցեք նաև. ՌԴ Պետդումայի խոսնակ. Խաղաղության հաստատման ճանապարհը երկխոսությունն է Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |