Ադրբեջանցի ֆուտբոլիստը ներողություն է խնդրել Փաշինյանին դրած «լայքի» համար

Ադրբեջանցի ֆուտբոլիստը ներողություն է խնդրել Փաշինյանին դրած «լայքի» համար

PanARMENIAN.Net - Ադրբեջանի ֆուտբոլի երիտասարդական հավաքականի հարձակվող Ռենատ Դադաշովը պարզաբանում է տվել ՀՀ վարչապետ Նիկոլ Փաշինյանի լուսանկարին սոցցանցում հավանություն տալու վերաբերյալ՝ ներողություն խնդրելով իր «արարքի» համար:

Լուսանկարը Instagram-ում հրապարակել էր Գերմանիայում բնակվող հայազգի ռեփեր Լեվոն, հայտնում է Oxu.Az-ը azerisport.com-ի վրա հղումով: Ավելի ուշ Դադաշովը հեռացրել է «լայքը»:

«Ես սովորել եմ Լեվոյի հետ նույն դպրոցում՝ նա էր հրապարակել հայ քաղաքական գործչի լուսանկարը: Ես նույնիսկ չգիտեի, թե դա ով է: Ես նույնիսկ չհասկացա, թե դա ինչպես ստացվեց: Մեր դպրոցը բազմազգ էր՝ նույն դպրոցում սովորում էին գերմանացիներ, հայեր, ռուսներ: Մենք ընդհանուր ընկերներ ունեինք: Գերմանիայում մենք այլ կերպ ենք մեծացել՝ չբաժանվելով ըստ ազգությունների: Լուսանկարը հրապարակվել է մայիսին: Ես միայն այսօր եմ տեսել, որ «լայք» եմ դրել»,-ասել է ֆուտբոլիստը:

Նա հավելել է, որ դա պատահական է ստացվել: «Ես չպետք է դա անեի: Ինձ լավ է հայտնի այդ հակամարտության պատմությունը, ես ամեն ինչ շատ լավ հասկանում եմ»,-ասել է նա:

Անդրադառնալով այն հարցին, թե չի վախենում արդյոք, որ իր արարքը կազդի ազգային թիմում իր հեռանկարների վրա՝ Դադաշովն ասել է, որ շատ է ափսոսում պատահածի համար:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---