Բիզնեսին մինչև 500 մլն դրամ վարկերը կարող են սուբսիդավորվել, համաֆինանսավորվել կամ վերաֆինանսավորվել

Բիզնեսին մինչև 500 մլն դրամ վարկերը կարող են սուբսիդավորվել, համաֆինանսավորվել կամ վերաֆինանսավորվել

PanARMENIAN.Net - Կառավարությունն աջակցություն կտրամադրի գործող բոլոր իրավաբանական անձանց և անհատ ձեռնարկատերերին, որոնք գործում են վերջին 12 ամսվա ընթացքում՝ անկախ գործունեության ոլորտից՝ բացառությամբ բանկերի, վարկային, ֆինանսական կազմակերպությունների, խաղային բիզնեսի:

Էկոնոմիկայի նախարար Տիգրան Խաչատրյանի խոսքով՝ բարվոք վարկային պատմություն ունենալու պարագայում ՀՀ-ում գործող ընկերությունները կկարողանան վարկային միջոցներ ստանալ:

«Երբ ֆինանսական համակարգը որոշում է, որ այդ կազմակերպությունն իրենց ճիշտ գործընկերն է, գնահատում է այդ կազմակերպության կողմից առաջարկվող գործունեությունը որպես ընդունելի ռիսկերի դաշտում, ապա որոշում է ֆինանսավորման չափը, որն առավելագույնը կարող է լինել 500 մլն դրամ»,- ասել է Խաչատրյանը:

Վարկային միջոցները կարող են տրվել, որպեսզի ընկերությունն իր աշխատողներին աշխատավարձ վճարի (3 ամսվա համար և ոչ ավելի, քան 500,000 դրամը), կատարի հարկային պարտավորությունները, արտադրական հումք ձեռք բերերի, կոմունալ վճարումներ իրականացնի կամ սննդամթերք ներկրի:

Աջակցության երեք տարբերակ է մշակվել:

Կառավարությունը կարող է օժանդակել համաֆինանսավորման միջոցով: Եթե վարկային միջոցներն աշխատավարձ, հարկեր և տուրքեր վճարելու համար են, ապա գործադիրի համաֆինանսավորումը կարող է կազմել վարկի առավելագույն գումարի 50%-ը, հումքի ձեռքբերման նպատակով վերցված վարկը գործադիրը կարող է ֆինանսավորել առավելագույնը 40%-ով, սարքավորումների ձեռքբերման համար՝ 25%, կոմունալ վճարումների համար՝ 45%, սննդամթերքի ներկրման համար համաֆինանսվորումը կարող է կազմել 30%:

Երկրորդ դեպքում կառավարությունը կարող է սուբսիդավորել վարկի տոկոսները: Այս դեպքում ևս սուբսիդավորման չափը կախված է նպատակից, որով վարկավորվող կազմակերպությունը դիմել է վարկի համար: Սուբսիդավորման պարագայում հիմնական պայմանն այն է, որ վարկի կողմից տրամադրվող ռեսուրսների առավելագույն չափը դրամի դեպքում 12% է, արտարժույթի՝ 9%:

Աշխատավարձերի և հարկերի դեպքում կառավարությունը սուբսիդավորում է վարկն ամբողջությամբ, մյուս դեպքերում՝ մեծ մասը:

Աջակցության երրորդ դեպքը նպատակ ունի վերաֆինանսավորման միջոցով առևտրային կազմակերպության արտարժութային ռիսկը փոխանցել կազմակերպությանը:

Վարչապետ Փաշինյանի խոսքով՝ աջակցության այս տարբերակներն իրենց մեջ ներառում են տնտեսական, սոցիալական, պարենային անվտանգության բաղադրիչներ:

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Հայաստանում մարտի 26-ի առավոտվա դրությամբ կորոնավիրուսով վարակի դեպքերի թիվը հասել է 290-ի` նախորդ օրվա համեմատ ավելանալով 25-ով: Ապաքինվել է 18 անձ, փաստացի բուժվում է 272-ը։

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով:

Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից

 Ուշագրավ
ՌԴ-ում սահմանափակումների ռեժիմը չի ազդելու ՀՀ-ի վրա
Շուկայի վերահսկողության տեսչական մարմինն ուսումնասիրում է ալկոգելի շուկան՝ խախտումների մասին ահազանգերի հիմքով
Փաշինյանն ասել է, որ կորոնավիրուսից հետո ավելի ուժեղացած դուրս կգան այն երկրները, որոնք կհասցնեն ռազմավարական բնույթի որոշումներ կայացնել
«Պատրաստ ենք անբարենպաստ զարգացման դեպքում «հանգստացնել» ֆինանսական շուկան»,- ասել է նա