Վանում զարդերով թաղված կնոջ գերեզման են գտել

Վանում զարդերով թաղված կնոջ գերեզման են գտել

PanARMENIAN.Net - Թուրքիայի Վան նահանգի Չավուշթեփե (Հայկաբերդ) ամրոցի շրջանում՝ մոտ 2750 տարվա գերեզմանաքաղաքում, հայտնաբերվել է զարդերով թաղված ազնվական ուրարտացի կնոջ կմախք։

Daily Sabah պարբերականի փոխանցմամբ՝ գիտնականները փորձելու են պարզել կնոջ տարիքը և մահվան պատճառը։ Հնագիտական թիմը ղեկավարող պրոֆեսոր Ռաֆեթ Չավուշօղլուի խոսքով՝ կինը կարող է լինել 20-25 տարեկան, Ուրարտուի ազնվական դասից և ենթադրաբար թաղվել է առօրյա զարդերով։

Հնագետներն այս տարածքում պեղումներ են անում 2017 թվականից։ Այստեղ հայտնաբերվել է մոտ 2750 տարվա գերեզմանաքաղաք, որտեղ, ըստ ենթադրությունների, թաղվել են ուրարտացի ազնվականներ։

Ուրարտուն՝ Վանի թագավորությունը պետություն է եղել Հայկական լեռնաշխարհում՝ մ.թ.ա. 9-6-րդ դարերում։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---