  Ալիևը շրջադարձային է համարում Բաքվի 5 կետն ընդունելու Երևանի դիրքորոշումը 20 ապրիլի 2022 - 11:48 AMT PanARMENIAN.Net - Ադրբեջանի նախագահ Իլհամ Ալիևը շրջադարձային կետ է համարել երկու երկրի հարաբերությունների կարգավորման համար Բաքվի առաջ քաշած 5 սկզբունքն ընդունելի համարելու Երևանի դիրքորոշումը։ Այդ մասին նա ասել է Հարավային Կովկասում Եվրամիության հատուկ ներկայացուցիչ Տոյվո Կլաարի հետ հանդիպմանը, հայտնում է ՌԻԱ Նովոստին։ «Ընդհանուր առմամբ, դրական եմ համարում Բրյուսելում կայացած հանդիպման արդյունքները։ Ես ասել եմ այդ մասին հանրությանն ապրիլի 12-ին։ Հաջորդ օրը Հայաստանի վարչապետը նույնպես բաց խոսեց կարգավորման գործընթացի և Ադրբեջանի առաջարկած սկզբունքների ընդունելի լինելու մասին։ Դա իրոք ևս մեկ շրջադարձային պահ է գործընթացում։ Կարծում եմ, որ դրանք դրական մեկնաբանություններ են»,-ասել է Ալիևը։ Ըստ նրա, երկու կողմերի այս պաշտոնական հայտարարություններից հետո Բաքուն և Երևանը պետք է ապացուցեն իրենց մտադրությունների լրջությունը բանակցությունների սեղանի շուրջ։ Ալիևը ևս մեկ անգամ հաստատել է, որ իր երկիրը պատրաստ է սկսել աշխատանքը սահմանային հանձնաժողովների և խաղաղ պայմանագրի գծով աշխատանքային խմբերի ստեղծման ուղղությամբ։ «Կարևոր է, որ մենք շարունակենք այս առաջընթացը և որ երկու կողմերը պահպանեն համաձայնությունները»։ Ապրիլի 6-ին Բրյուսելում Փաշինյան-Ալիև հանդիպում է տեղի ունեցել Եվրոպական խորհրդի նախագահ Շառլ Միշելի մասնակցությամբ, ձեռք է բերվել պայմանավորվածություն` 2021թ. նոյեմբերի 26-ին Սոչիի համաձայնության համաձայն` մինչև ապրիլի վերջ ստեղծել Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով, որն օժտված կլինի նաև սահմանի երկայնքով անվտանգություն և կայունություն ապահովելու հարցերով զբաղվելու լիազորությամբ։ Հայաստանի վարչապետը և Ադրբեջանի նախագահն արտաքին գործերի նախարարներին հանձնարարել են մեկնարկել երկու երկրի միջև խաղաղության բանակցությունների նախապատրաստական աշխատանքները:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
