  Վասիլև․ ՀՀ անդամավճարը ՀԱՊԿ ընդհանուր բյուջե կազմում է 10% 26 հունիսի 2026 - 12:08 AMT PanARMENIAN.Net - Հայաստանի ներդրումը Հավաքական անվտանգության պայմանագրի կազմակերպության՝ ՀԱՊԿ, ընդհանուր բյուջեում կազմում է 10%։ Այդ մասին հայտարարել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։ Մեկնաբանելով անդամավճարների թեման՝ նա նշել է, որ «խոսքը տոկոսային հարաբերակցության մասին է», հայտնում է ՌԻԱ Նովոստին: Վասիլևը հիշեցրել է, որ Ռուսաստանը վճարում է կազմակերպության բյուջեի 50%-ը, իսկ «մյուսները վճարում են կազմակերպության բյուջեի 10%-ը»։ «Համապատասխանաբար, այն 10%-ը, որը պետք է վճարեր հայկական կողմը, արդեն երկու տարի է՝ չի վճարում», - հավելել է նա։ Հայաստանը 2024 թվականի հունվարի 1-ից սառեցրել է իր մասնակցությունը ՀԱՊԿ-ին։ Ավելի վաղ ՀԱՊԿ-ում ՌԴ մշտական ներկայացուցիչը հայտնել էր, որ Հայաստանի հետագա անդամակցության հարցը մանրամասն կքննարկվի կազմակերպության ղեկավարության կողմից։ Հունիսի 10-ին Ռուսաստանի արտաքին գործերի նախարար Սերգեյ Լավրովը հայտարարել էր, որ Հայաստանի կողմից անդամավճարների չվճարման պատճառով ՀԱՊԿ-ը կքննարկի կազմակերպության կանոնադրության այն հոդվածի կիրառման հնարավորությունը, որը կարգավորում է պարտավորությունները չկատարող անդամ պետությունների նկատմամբ իրականացվող գործողությունները։ Ապրիլի 23-ին Հայաստանի վարչապետ Նիկոլ Փաշինյանը հայտարարել էր, որ Հայաստանը չի նախատեսում ակտիվացնել իր մասնակցությունը ՀԱՊԿ-ին։ Ավելի վաղ Փաշինյանը նշել էր, որ Հայաստանը փաստացի կասեցրել է իր մասնակցությունը ՀԱՊԿ միջոցառումներին, «քանի որ իշխանությունները չեն կարող հասարակությանը բացատրել, թե ինչու կազմակերպությունը 2022 թվականի իրադարձություններին չի արձագանքել իր պարտավորություններին համապատասխան»։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
