«ԴԱԴԱՐԵՑՐԵՔ ԱԴՐԲԵՋԱՆՈՒՄ ԲՆԱԿՎՈՂ ԱԶԳԱՅԻՆ ՓՈՔՐԱՄԱՍՆՈՒԹՅՈՒՆՆԵՐԻ ՑԵՂԱՍՊԱՆՈՒԹՅՈՒՆԸ»

Այսպիսի պահանջով Եվրոպական Միությանն է դիմել Թալիշ-Մուղանական հանրապետության նախագահ Ալիքրամ Ղումմատովը:

Արդեն տասներորդ տարին է ադրբեջանական կալանավայրում է գտնվում թալիշյան ազգային-ազատագրական շարժման առաջնորդ, չճանաչված Թալիշ-Մուղանական հանրապետության առաջին նախագահ Ալիքրամ Ղումմատովը: Ադրբեջանի կողմից զավթած թալիշական հանրապետության հիմնադիրը ձերբակալվել է կեղծ գործով եւ դատապարտվել է ցմահ բանտարկության: Նա շարունակում է պայքարել իր ժողովրդի ինքնահաստատման իրավունքի համար: Չնայած առողջության վատթարացմանը եւ շարունակվող խոշտանգումներին, Ղումմատովը չի պատրաստվում հրաժարվել իր համոզմունքներից:
PanARMENIAN.Net - Մեկուկես ամիս հացադուլի մեջ գտնվելուց հետո Թալիշստանի ղեկավարը դիմել է Եվրամիության ղեկավարությանը եւ ադրբեջանական ժողովրդին հայտարարությամբ, որում պնդել է 1993թ.-ի օգոստոսին հայտարարված հանրապետության ինքնուրույնությունը ճանաչելու իր հաստատամտության մասին: Ինչպես նաեւ հասարակ ժողովրդին կոչ է արել դատապարտել պաշտոնական Բաքվի կողմից իրականացվող թալիշների եւ փոքր ազգերի ցեղասպանությունը: Փաստաթղթում կասկածի տակ է առնվում ադրբեջանական պետության լեգիտիմությունը:

Ալիքրամ Ղումմատովը հարց է առաջադրում. ինչու՞ եկվոր թուրքերը կարող են իրենց պետությունն ունենալ, իսկ մեկուկես միլիոնանոց թալիշ ժողովուրդը զրկված է նման իրավունքից: Քաղբանտարկյալը նշում է, որ «պատմականորեն այդ հողի վրա բնակվել են թալիշները, քրդերը, լեզգիները եւ այլ ժողովուրդներ, իսկ 20-րդ դարից այստեղ են տեղափոխվել թուրքալեզու ցեղերը», որոնք, զավթելով ուրիշների հողերը, իրենց ձեռքում են կենտրոնացրել ողջ իշխանությունը: Ղումմատովի խոսքերով, «այդ հողում բնակվող եւ նրա իրական տերերի` ոչթուրք ժողովուրդների ձուլման» քաղաքականություն է իրականացվում:

Մուղանական դաշտավայրի հիմնական էթնոսը մինչ այժմ էլ ադրբեջանականացման է ենթարկվում: «Ազգային-էթնիկական խտրականությունը, ոչթուրք ժողովրդների հանդեպ ճնշումները եւ նրանց ստիպողական ձուլումը, նրանց քաղաքացիական իրավունքների խախտումը Ադրբեջանում հասել է պաշտոնական, կառավարական քաղաքականության մակարդակի: Այս պայմաններում ոչթուրք ժողովուրդների ներկայացուցիչները ստիպված են թաքցնել իրենց ազգային պատկանելիությունը: Երկրում գերիշխող պանթուրքիզմը վերջնականապես բաժանել է ազգը: Ընդգծված եւ բաց լկտիությամբ ոտնահարվում են Ադրբեջանում բնակվող ոչթուրք ժողովուրդների բոլոր իրավունքները: Նման պայմաններում թալիշ ժողովուրդը ազգային-ազատագրական պայքարի է դուրս եկել»,- գրում է Ղումմատովը: «Եթե պետությունն այդքան բաց եւ լկտիորեն ոտնահարում է իր քաղաքացիների իրավունքները, զրկում է նրանց բիզնեսով, քաղաքականությամբ զբաղվելու իրավունքներից, ապա ինչու՞ մենք իրավունք չպետք է ունենանք պայքարելու նման պետության դեմ»-, հարց է բարձրացնում Թալիշստանի առաջնորդը:

Ազգային-ազատագրական շարժման առաջնորդների հանդեպ իրականացվող զանգվածային խոշտանգումներին անդրադառնալով` Ղումմատովը հավաստում է, որ «Թալիշ-Մուղանական հանրապետության ժամանակավոր պարտությունից ինը տարի անց էլ այդ երկրի նախագահին պահում են բանտում` դրա համար չունենալով ո'չ իրավական, եւ ո'չ էլ քաղաքական կամ բարոյական հիմքեր»: Իր հայտարարության վերջում Թալիշստանի առաջնորդը պահանջում է «դադարեցնել թալիշ ժողովորդի ձուլումը եւ ցեղասպանությունը»:

Բաքվում զայրույթի մեծ ալիք է բարձրացրել գրավված հանրապետության նախագահի համարձակ ելույթը: Պաշտոնական քարոզարշավը Ալիքրամ Ղումմատովի դիմումի մեջ տեղ գտած գնահատականներն օգտագործում է նոր արշավի համար: Նրանք որակազրկում են ադրբեջանական իրավապաշտպաններին, որոնք թալիշների առաջնորդին քաղբանտարկյալ են ճանաչել: Միեւնույն ժամանակ, հայտնի է, որ բոլոր քաղքակիրթ երկրներում Ղումմատովին համարում են խղճի բանտարկյալ: Եվրամիությունը մեկ անգամ չէ հանդես եկել այդ առիթով` պահանջելով անմիջապես եւ առանց պայմանների ազատել Թալիշ-Մուղանական հանրապետության ղեկավարին:

Ադրբեջանի հանդեպ Ղումմատովի առաջադրած մեղադրանքները նոր չեն: Հենց այդ հանցագործությունները առիթ դարձան հայերի, քրդերի եւ լեզգիների ազգային-ազատագրական պայքարի ալիքի բարձրացման համար: Լեռնային Ղարաբաղի հայերի անկախ պետականության ձեռք բերումը օգնում է Ադրբեջանի արմատական ժողովրուդներին պահպանել ոգին, որոնք պայքարում են ադրբեջանական գաղութականացման դեմ:
 Ամենաընթերցվողը բաժնում
Դեպի արդիականացված արտաքին քաղաքականություն
ՀՀԿ-ն «աղքատացել է», ՔՊ-ն՝ «հարստացել»
Հայաստանի բազմաթիվ կառույցներ մնացել են առանց ղեկավարի
 Ուշադրության կենտրոնում
Հրաչյա Հակոբյան. Վանեցյանի պաշտոնանկության պատճառը հեղաշրջման փորձն էր

Հրաչյա Հակոբյան. Վանեցյանի պաշտոնանկության պատճառը հեղաշրջման փորձն էր Հակոբյանի խոսքով՝ վարչապետի ընտանիքի անդամների մասին կեղծ ինֆորմացիա է տարածվել

 Բաժնի այլ նյութերը
Իշխանությունից դուրս Ով ինչպիսի աղմուկով հեռացավ և ինչու
2018-ի անսպասելի լուրերը Դրանք 1 տարի կոմայում եղած հային արթնանալուց հետո նորից կոմայի մեջ կգցեին
«Ես քու կլասիկ ցավը տանեմ, չպայթեցնես» Ինչպես էր համացանցը կատակում մեծ բանավեճի ընթացքում