  Կինոաֆիշ. 5 ֆիլմ, որոնք կարելի է դիտել հունվարինՀունվարին համաշխարհային կինոն ուրվագծում է ամենահեղինակավոր կինոմրցանակի գլխավոր և ամենահեռանկարային թեկնածուներին Տարեսկզբին համաշխարհային կինոն սկսում է այսպես կոչված «օսկարային մրցավազքը»: Խոշոր բլոկբաստերների փոխարեն ստուդիաները ներկայացնում են իրենց գլխավոր հեղինակային նախագծերը` ձգտելով Ամերիկյան կինոակադեմիայի որքան հնարավոր է շատ ոսկե արձանիկներ ստանալ: Հեղինակավոր ռեժիսորների արտադրանքը հայտնվում է մեծ էկրակին` սա հիանալի ժամանակ է իսկական կինո դիտելու համար: Հենց հունվարին է համաշխարհային կինոն ուրվագծում ամենահեղինակավոր կինոմրցանակի գլխավոր և ամենահեռանկարային թեկնածուներին:  29 դեկտեմբերի 2015PanARMENIAN.Net - Ծանոթանալով ցանկին` PanARMENIAN.Net ը ներկայացնում է 5 նորույթ, որոնք հունվարին կցուցադրվեն Երևանի կինոթատրոններում: «Սթիվ Ջոբս» Կենսագրական դրամա, ԱՄՆ, 2015 թ. Ռեժիսոր` Դեննի Բոյլ Դերերում` Մայքլ Ֆասբենդեր, Սեթ Ռոգեն, Քեյթ Ուինսլեթ, Ջեֆ Դենիելս Պրեմիերան Երևանում հունվարի 1-ին Կինոգործիչները բազմիցս են անդրադարձել Apple ընկերության լեգենդար հիմնադրին: 2 տարի առաջ էկրան բարձրացավ բոլոր իմաստներով ձախողված Ջոշուա Մայքլ Շտերնի «Ջոբս. Գայթակղության կայսրություն» ֆիլմը Էշթոն Քաթչերի հետ գլխավոր դերում: Չնայած դերասանի և ՏՏ ոլորտի հսկայի արտաքին նմանությանը, ֆիլմը հաջողություն չունեցավ: Այդպիսի ֆիասկոյից հետո հոլիվուդյան բոսսերը որոշեցին, որ այդպիսի ականավոր մարդու կենսագրության էկրանավորումը պետք է ոչ պակաս հայտնի մարդիկ իրականացնեն: Նոր ֆիլմը հիմնված է Ուոլթեր Այզեկսոնի «Սթիվ Ջոբս» գրքի վրա, իսկ դրամատուրգիայի համար պատասխանատաու է հանճարեղ Ահարոն Սորկինը: Սակայն, գլխավորն այն է, որ ռեժիսորը բրիտանացի Դեննի Բոյլն է, որը կարող է վերածել «Apple-ի 3 նշանակալի շնորհանդեսների մասին» հասարակ պատմությունը կարող է վերածել սուր սյուժեով թրիլերի: «Վերապրածը» (օրիգ անվանումը` The Revenant) Վեսթերն, թրիլեր, ԱՄՆ, 2015 թ. Ռեժիսոր` Ալեխանդրո Գոնսալես Ինյարիտու Դերերում` Լեոնարդո դի Կապրիո, Թոմ Հարդի, Ուիլլ Փոուլթեր, Դոնալ Գլիսոն, Լուկաս Հաաս Պրեմիերան Երևանում հունվարի 7-ին «Օսկարի» նախորդ տարվա հաղթող, մեքսիկացի Ալեխանդրո Գոնսալես Ինյարիտուն («Բըրդմեն») որոշել է կանգ չառնել ձեռք բերածի վրա և շարունակել զարմացնել կինոդիտողին: Ֆիլմը, որի դիտումից հետո քննադատներից շատերը երկար սպասված ու վաստակած «Օսկար» են կանխատեսում գլխավոր դերակատար Լեոնարդո դի Կապրիոյին, կարող է միաժամանակ հիացնել ու ապշեցնել իր անթաքույց դաժանությամբ ու նատուրալիստական բնույթով: Կինոյի արվեստների և գիտությունների ակադեմիայի անվանակարգերի կոմիտեի անդամների համար ֆիլմի առաջին ցուցադրության ժամանակ դահլիճից լսվում էին ակամա հառաչանքներ ու բացականչություններ, իսկ որոշ քննադատներ լքեցին շենքը` կինոնկարը համարելով չափազանց արյունալի ու դաժան: Սակայն անզիջումային կինոյի իսկական երկրպագուներին ֆիլմն անկասկած դուր կգա` անհավանական գեղեցիկ բնապատկերներ, օպերատոր Էմանուել Լյուբեցկու վիրտուոզ աշխատանքը և ռեժիսորական բարդ լուծումները ոչ ոքի անտարբեր չեն թողնի: «Զազրելի ութնյակը» (օրիգ. անվանումը` The Hateful Eight) Վեսթերն, ԱՄՆ, 2015 թ. Ռեժիսոր` Քվենթին Տարանտինո Դերերում` Սեմյուել Լ. Ջեքսոն, Կուրտ Ռասսել, Ջենիֆեր Ջեյսոն Լի, Ուոլթոն Հոգգինս, Դեմիան Բիշիր, Թիմ Ռոթ, Մայքլ Մեդսեն, Բրյուս Դերն: Պրեմիերան Երևանում հունվարի 14-ին Քվենտին Տարանտինոյի 8-րդ ֆիլմի ճակատագիրը դյուրին չէր` 2013-ին դերասաններից մեկի գործակալի մեղքով տեղի ունեցավ սցենարի արտահոսք, իսկ մի քանի օր հետո կինոնկարը դարձավ ցանցահենության զոհ` ժապավենի պրոմոպատճենը հայտնվեց համացանցում և առաջին 24 ժամում ներբեռնվեց ավելի քան կես միլիոն անգամ: Սակայն, չնայած բոլոր այդ խնդիրներին, ռեժիսորը վստահ է, որ իր նոր ֆիլմը հաջողություն կունենա: Եվ դրա համար կան բոլոր հիմքերը: Պատմության կամերային կառուցվածքը, որի մեծ մասը ծավալվում է մի փոքր տարածքում, հիշեցնում է լավ բեմադրված թատերական պիես: Դիպուկ խոսքը, հիանալի դերասանական խաղը, սյուժեի անսպասելի շրջադարձերը և խորը ինտրիգը թույլ չեն տա ձանձրանալ հանդիսատեսին կինոնկարի ամբողջ ընթացքում, որը բավականին տևական է: Մի՞թե սա չէ իսկական վարպետությունը: «Քրիդ. Ռոքքիի ժառանգությունը» (օրիգ. անվանումը` Creed) Սպորտային դրամա, ԱՄՆ, 2015 թ. Ռեժիսոր` Ռայան Քուգլեր Դերերում` Մայքլ Բ.Ջորդան, Սիլվեսթր Ստալոնե, Թեսսա Թոմփսոն, Ֆիլիսիա Ռաշադ, Թոնի Բելյու: Պրեմիերան Երևանում հունվարի 14-ին Լեգենդար բռնցքամարտիկ Ռոքքի Բալբոայի մասին պատմող ֆիլմաշարի 7-րդ ֆիլմը որոշվեց վերածել յուրօրինակ սփին-օֆի: Կինոնկարի գլխավոր հերոսը ամենևին Ռոքքին չէ, այլ Ադոնիս Ջոնսոնը` ծանր քաշային կարգում բռնցքամարտի աշխարհի նախկին չեմպիոն, ռինգում մահացած Ապոլլո Քրիդի որդին: Վերջին շրջանում սպորտային դրամայի ժանրը զիջել է դիրքերը: Նույնիսկ այնպիսի միջակ կինոնկարները, ինչպես օրինակ «Ձախլիկը» դրաման, կարող են հիացմունքի արժանանալ այդ ժանրի արժանի ֆիլմերի գրեթե ամբողջական բացակայության ֆոնին: Դատելով քննադատների և հանդիսատեսի ջերմ ընդունելությունից` «Քրիդը» կարող է լրացնել այդ պակասը, քանի որ այստեղ կա և մի քանի սերունդների մեծ հերոս, և լավ ռեժիսորական աշխատանք, և համոզիչ, անձնական դրամա: «Դանիացի աղջիկը» (օրիգ. անվանումը` The Danish Girl) Դրամա, կենսագրություն, ԱՄՆ, Մեծ Բրիտանիա, 2015 թ. Ռեժիսոր` Թոմ Հուփեր Դերերում` Էդդի Ռեդմեյն, Ալիսիա Վիքանդեր, Մաթիաս Շոնարթս, Բեն Ուիշոու, Էմբեր Հերդ: Պրեմիերան Երևանում հունվարի 28-ին Եթե ինչ-որ մեկը կարող է խլել «Օսկարը» Դի Կապրիոյից, ապա դա Էդդի Ռեդմեյնն է: Թեև նախորդ մրցանակաբաշխությունը բրիտանացուն ոսկե արձանիկ բերեց Սթիվեն Հոքինգի դերի համար, նա միանգամայն կարող է կրկնել այդ հաջողությունը: «Դանիացի աղջիկը» պատմում է սեռի փոփոխման վիրահատությանն առաջինը ենթարկված մարդու պատմությունը: Քննադատները նշում են Ռեդմեյնի համոզիչ կերպարանափոխումը, որը ֆիլմի կեսում ներկայանում է որպես տղամարդ, իսկ հետո կին է դառնում: Թեև, մյուս կողմից, Դի Կապրիոն շանս ունի, չէ որ Ռեդմեյնը կարող է «Օսկար» ստանալ »Կնոջ լավագույն դերակատարման» անվանակարգում: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով    Ուշադրության կենտրոնում Բաժնի այլ նյութերըՌոբոտներ Դալին ու Մալին, դասական արվեստն ու ամսագիրը թերթելու հաճույքը  Dalma Garden Mall-ի ծրագրերն ու շոփինգի մշակույթըԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքովՍկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը |  Այլ հոդվածներ Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
