Ոչ միայն «Բայրակթարներ»Էլ ինչ է առաջարկում Թուրքիան «դրոնային դիվանագիտության» շրջանակում 2000-ականների սկզբին Թուրքիայի զինուժում հայրենական արտադրության ռազմատեխնիկան միայն 20 տոկոս էր կազմում: Այսօր արդեն՝ շուրջ 80 տոկոս: Երկու տասնամյակից էլ ավելի քիչ ժամանակ պահանջվեց, որ թուրքական ԱԹՍ-ները մրցակից դառնան աշխարհի ամենահզորներին: Տարածաշրջանում սառը կոնֆլիկտները թեժացնելու մենաշնորհը Թուրքիան վերցրել է իր վրա, extra ինքնավստահության հովանավորն էլ սեփական արտադրության ԱԹՍ-ներն են: 3 մարտի 2022 PanARMENIAN.Net - Թուրքական ԱԹՍ-ներից խոսելիս առաջին հերթին Baykar-ի Բայրաքթարն են հիշում: Արդեն պատմել ենք ԱԹՍ Բայրաքթարի, փեսա Բայրաքթարի և այն մասին, թե ինչպես սկսվեց թուրքական ինժեներական մտքի անօդաչու թռիչքը: Հիմա հասկանանք, թե Baykar-ից ու Բայրաքթարից բացի ի՞նչ անուններ են պտտվում թուրքական արտադրության ԱԹՍ-ների շուրջ: 2016-ի պետական հեղաշրջման ձախողված փորձից հետո Թուրքիայում տրամագծորեն փոխվեց ոչ միայն ներքին, այլև արտաքին քաղաքականությունը: Էրդողանի բառի բուն իմաստով հեռուն գնացող և տարածաշրջանի տարբեր կետեր հասնող ծրագրերի համար ռազմական հզոր ներուժը ամենակարևոր նախադրյալն էր: Թուրքիան այլևս չէր էլ թաքցնում իր ծավալապաշտական նկրտումները: Ի պատասխան չուշացան նաև արևմտյան քննադատություններն ու զենքի էմբարգոն: Սա լավ առիթ էր, որ Թուրքիան վերջնականապես որոշի՝ պետք է նվազեցնել կախվածությունը զենքի մշտական մատակարարներից և կենտրոնանալ սեփական արտադրության վրա: Հիմա Էրդողանը հայտարարում է, որ Թուրքիայի նպատակը մոտակա տարիներին աշխարհում մարտական ԱԹՍ-ների ամենամեծ արտադրողը դառնալն է: Այս փուլում խնդրահարույց է մի բան: Թուրքական անօդաչուների մասերը 100 տոկոսով թուրքական չեն: Սա նշանակում է, որ տարբեր փուլերում, քաղաքական տարբեր պատրվակներով ու պատճառներով գործակցությունը դադարեցնելու դեպքում Թուրքիան կարող է որևէ պահի փաստի առաջ կանգնել: Նման մի դեպք տեղի ունեցավ 44-օրյա պատերազմի ընթացքում, երբ Կանադայի կառավարությունը որոշեց Թուրքիային այլևս չտրամադրել Բայրաքթարի վրա կիրառվող CMX-15D դիտարկման եւ թիրախավորման համակարգերը: Սա Թուրքիային հիշեցրեց, որ ինքնաբավ ռազմական արդյունաբերությունը ոչ թե ճոխություն է, այլ անհրաժեշտություն:
Թուրքական դրոնների և այդ ոլորտում գրանցած մեծ քայլերի մասին պատկերացում ենք կազմում, երբ կարդում ենք, որ Թուրքիան փորձարկել է լազերային զենքով աշխարհում առաջին ԱԹՍ-ն կամ լսում, թե արդեն որերորդ երկիրն է գնում թուրքական անօդաչուները: Այս փուլում Թուրքիան հայրենական արտադրության շուրջ 130 տեսակի դրոններ ունի: Baykar-ից բացի ոլորտի հզոր խաղացող է պետական ֆինանսավորմամբ գործող Թուրքիայի օդատիեզերական արդյունաբերություն (TUSAŞ) ընկերությունը: TUSAŞ-ի ամենահաջողված արտադրաքներից մեկն ANKA ԱԹՍ-ների ընտանիքն է: Anka-A հետախուզական անօդաչուն առաջին փորձնական թռիչքն արել է դեռ 2010-ին: 2013-ին կնքված պայմանագրից հետո Թուրքիայի ռազմաօդային ուժերը սկսել են կիրառել ԱԹՍ-ն: 2014-ին ներկայացվել է Anka-B-ն, 2017-ին՝ Anka-S-ը, որը կիրառում են երկրի ռազմաօդային, ռազմածովային ուժերը, ազգային հետախուզության կազմակերպությունը: 80 միլիոն դոլարով 3 Anka-S էլ գնել է Թունիսը: 2020-ից TUSAŞ-ը սկսել է նաև Aksungur երկշարժիչ ԱԹՍ-ի սերիական արտադրությունը: TUSAŞ-ի հավակնոտ պլաններից մեկն էլ թուրքական ազգային կործանիչ ստեղծելն է: «Արտադրված է Թուրքիայում» պիտակը նաև Vestel ընկերության ԱԹՍ-ների վրա է: Առաջին՝ Efe mini ԱԹՍ-ն նախագծել է դեռ 2005-ին: Իսկ 2007-ին ընկերությունը նախաձեռնել է իր ամենահավակնոտ նախագծերից մեկը՝ ստեղծել Karayel ԱԹՍ-ն: Պատվիրատուն՝ Թուրքիայի զինված ուժերն էր: Քարայել հետախուզական ԱԹՍ-ի առաջին թռիչքն ուղիղ 7 տարի անց էր՝ 2014-ին: 2016-ին արդեն կիրառվում էր: Նախատիպը փորձարկվել է 2009-ին, բայց պատվիրատուի պահանջով փոփոխությունների է ենթարկվել: ԱԹՍ-ների սերիական արտադրություն նախաձեռնում են նաև համեմատաբար ավելի փոքր խաղացողները: 2015-ից անօդաչուների արտադրությամբ զբաղվող Lapis Havacılık ռազմարդյունաբերական ընկերությունն օրինակ, 2021-ին Անկարայում բացեց սերիական արտադրության իր գործարանը: Փոքր քայլերով, բայց մեծ ախորժակով առաջ շարժվող այս ընկերությունների գերնպատակը ԱԹՍ-ների բոլոր բաղադրիչները ևս Թուրքիայում արտադրելն է: Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Աբրահամյանն Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը Կիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համար Թաթոյան․ Հոգևորականները մարդկանց հետ են, քանի որ դա է բխում հոգևորականի էությունից Բագրատ Սրբազանն ասել է, որ սա ստի և ճշմարտության պայքար է, և ճշմարտությունը պետք է հաղթի |