Թուրքական լոբբին իր ծանր հրետանին է գործի դրել Հայոց ցեղասպանության մասին բանաձեւի դեմԱմերիկացի նախկին դիվանագետները կասկածի տակ են դնում մարդու իրավունքներն ու բարոյականությունը, այսինքն այն արժեքները, որոնց վրա հիմնված է իրենց երկիրը ԱՄՆ ութ պաշտոնաթող պետքարտուղաերի հայտարարությունը ԱՄՆ Կոնգրեսում ներկայացված Հայոց ցեղասպանությամ մասին 106-րդ բանաձեւի մասին վրդովմունք առաջացրեց ոչ միայն Սփյուռքում, այլեւ Հայաստանում: Թուրքիան, դատելով ամեն ինչից, նախավերջին շանսն է մնացել իր կողմը տեղափոխելու կշեռքի նժարը: Վերջինը կլինի ՌՕՈՒ կայանի փակումը Ինջիրլիկում, եւ գուցե գործողությունների իրագործում Իրաքում ամերիկյան բանակի դեմ: Ամենայն հավանականությամբ, հենց դրանից էլ վախենում են ԱՄՆ-ում: 2 հոկտեմբերի 2007 PanARMENIAN.Net - Հիշեցնենք, որ սեպտեմբերի 25-ին ԱՄՆ-ի պաշտոնաթող պետական քարտուղարներ` Մադլեն Օլբրայթը, Ջեյմս Բեյքերը, Ուորրեն Քրիսթոֆերը, Լորենս Իգլբերգերը, Ալեքսանդր Հեյգը, Հենրի Քիսսինջերը, Քոլին Փաուելը եւ Ջորջ Շուլցը դիմել են նամակով ԱՄՆ-ի Ներկայացուցիչների պալատի խոսնակ Նենսի Փելոսիին, որտեղ համոզում էին նրան չդնել քվեարկության Հայոց ցեղասպանության մասին 106-րդ բանաձեւը: Պետդեպարտամենտի նախկին ղեկավարները մտահոգություն են հայտնել այն մասին, որ «բանաձեւի ընդունումը կարող է վտանգի ենթարկել ԱՄՆ-ի ազգային շահերը տարածաշրջանում, ներառյալ Իրաքում եւ Աֆղանստանում տեղակայված զորքերը, եւ վնասել հայ-թուրքական հարաբերությունների կարգավորմանն ուղղված ջանքերին»: Ամերիկայի Հայ Դատի հանձնախմբի (ANCA) գործադիր տնօրեն Արամ Համբարյանի խոսքերով, ԱՄՆ վարչակազմը անբավարավածություն է զգում բարոյական ներուժում ցեղասպանությունների շարքը դադարեցնելու համար. Կամբոջայում, Ռուանդայում, Դարֆուրում: «Մեզ` ամերիկացիներիս, հատկապես անհագստացնում է այն փաստը, որ Կոնգրեսին ուղղված զգուշացման մեջ վախ կա Թուրքիայի նկատմամբ եւ օգտվում են մեր ազգային խղճից` ի շահ արտասահմանյան պետության»,- նշել է նա: Իր հերթին, Ամերիկայի Հայկական համագումարը (AAA) եւս անհամձայնություն է արտահայտում «դիվանագետների չմտածված նամակի» առնչությամբ` այն անվանելով անհետեւողական ամերիկյան արժեքների տեսանկյունից: «Որքան արդարացումներ է պետք մտածել ճմշարտությունը ճանաչելուց խուսափելու համար: Նախկին պետաքրտուղարները չկարողացան հաղթահարել Թուրքիայի մերժումը Հյուսիսային Իրաք ամերիկյան զորքերի համար միջանցք տրամադրելու հարցում, ինչը հանգեցրեց ամերիկյան զինվորների մահվան»,- ասվում է AAA-ի հայտարարության մեջ: Փաստորեն, նախկին դիվանագետները կասկածի տակ են դնում մարդու իրավունքներն ու բարոյականությունը, այսինքն այն արժեքները, որոնց վրա հիմնված է իրենց երկիրը: Սկզբունքորեն, ստացվում է այնպես, ինչպես եւ պետք է լիներ. բարոյականության մասին խոսքերն ու ազգային շահերը հազվադեպ են կողք կողքի լինում: Անմասն չի մնացել նաեւ պաշտոնական Երեւանը, քանի որ տվյալ հարցը շոշափում է ոչ միայն հայ-ամերիկյան կամ թուրք-ամերիկյան հարաբերությունների հարցը, այլեւ Հայաստանի անվտանգությունը: «Վրդովմունքով եմ ծանոթացել ԱՄՆ պետքրատուղարների նամակին` ուղղված ԱՄՆ Ներկայացուցիչների պալատի նախագահ Նենսի Փելոսիին, որով նրան կոչ են անում տապալել Հայոց ցեղասպանության մասին 106-րդ բանաձեւի հարցով քվերակությունը»,- ասվում է ՀՀ արտգործնախարար Վարդան Օսկանյանի հայտարարության մեջ: Նրա խոսքերով, իրոք ցավալի է, որ ութ փորձառու դիվանագետ տեղիք են տալիս Թուրքիայի մեքենայություններին: «Կարդացի նամակում այնպիսի պնդումներ, որ բանաձեւը կարող է վնաս հասցնել հայ-թուրքական հարաբերություններին: Ես ափսոսանքով պիտի նշեմ, որ որեւէ գործընթաց, որը կխթաներ Հայաստանի եւ Թուրքիայի միջեւ հարաբերությունների կարգավորումը, գոյություն չունի: Մտահոգություններ հայտնել գոյություն չունեցող գործընթացը վնասելու առումով` նվազագույնը շինծու կեցվածք է»,- ընդգծել է Օսկանյանը: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |