Պարզվել է, որ ԲԹՋ նավթամուղը այնքան էլ լավ չի հսկվումԱյժմյան եւ ապագա ենթադրական պայթյունները կարող են հարվածել Nabucco նախագծին, թեեւ այն արդեն ձախողման եզրին է Բաքու-Թբիլիսի-Ջեյհան նավթամուղի հրդեհը դեռեւս հանգցված չէ եւ կարող է տեւել եւս մի քանի օր: Թուրքական կողմի հաղորդումների համաձայն վերանորոգման աշխատանքները կշարունակվեն մինչեւ օգոստոսի 14-ը: Փաստորեն կատարվում է այն, ինչի մասին բազմիցս ասվել էր. նավթամուղը վտանգավոր գոտով է անցնում եւ հնարավոր են ահաբեկչություններ: Նավթամուղի անվտանգությունը ապահովելու մասին Ադրբեջանի եւ Թուրքիայի բոլոր վստահեցումները կասկածի տակ են առնված: 7 օգոստոսի 2008 PanARMENIAN.Net - ԲԹՋ նավթամուղի պայթյունի պատասխանատվությունն իր վրա վերցրեց Քրդական աշխատավորական կուսակցությունը: Ներկա պահին նավթի արտահանման համար շահագործման է հանձնվել Բաքու-Սուպսա երթուղին: Ծրագրվում է ընդգրկել նաեւ երկաթուղային մատակարարումները: ԲԹՋ-ի նավթի գլխավոր մատակարարողը Ազերի-Չիրագ-Գյունեշլի (ԱՉԳ) հանքատեղին է, որտեղ օրական արտահանվում է ավելի քան 800 հազ. բարրել նավթ: Վթարը կարող է ստիպել BP Azerbaijan-ին շահագործման հանձնել Ջեյհանի բոլոր ճանապարհային այլընտրանքները` Բաքու-Նովոռոսիյսկ նավթամուղերը (հզորությունը` օրական 100 հազ. բարրել), Բաքու-Սուպսա (հզորությունը` օրական 135 հազ. բարրել), Բաքու-Բաթում (տերմինալի անցումային հնարավորությունը` օրական 300 հազ. բարրել) եւ Բաքու-Կուլեւի երկաթուղային մայրուղիները (անցումային հնարավորությունը` օրական 200 հազ. բարրել): Ստացվում է, որ նավթամուղն այնքան էլ անվտանգ չէ, որքան ցանկանում էր ներկայացնել ԱՄՆ-ն: Բայց այժմյան եւ ապագա ենթադրական պայթյունները կարող են հարվածել Nabucco նախագծին, թեեւ այն արդեն ձախողման եզրին է: Նախորդ ուրբաթ «Գազպրոմ»-ը թուրքմենական գազի մատակարարման նոր սխեմա ուրվագծող երկու խոշոր համաձայանագիր ստորագրեց Աշխաբադի հետ: Առաջին համաձայնագրում հանգամանորեն մշակված են այն պայմանների սկզբունքները, ըստ որոնց Ռուսաստանը Թուրքմենստանից գազ է գնելու մոտակա 20 տարիների ընթացքում: Երկրորդ համաձայնագիրը յուրահատուկ է նրանով, որ «Գազպրոմ»-ը թուրքմենական էներգետիկ նախագծերի համար տարածաշրջանային դոնոր է դառնում: Ըստ էության, երկու համաձայնագրերը ապահովում են Ռուսաստանի հսկողությունը թուրքմենական գազի մատակարարման նկատմամբ: Երկրորդ համաձայնությունը նախատեսում է, որ «Գազպրոմ»-ը պիտի ֆինանսավորի եւ կառուցի ճանապարհային ցանցեր եւ զարգացնի Թուրքմենստանի գազի հանքատեղիները: Փորձագետների գնահատմամբ, թուրքմենական նախագծերի ֆինանսավորման ծավալը կհասնի $4-6 միլիարդի: «Գազպրոմ»-ի ղեկավար Ալեքսեյ Միլլերը ասել է. «Մենք հասել ենք մի շարք համաձայնությունների, որոնց համաձայն «Գազպրոմ»-ը ֆինանսավորում եւ կառուցում է երկրի արեւելյան հատվածից դուրս եկող նոր խոշոր խողովակաշարեր, զարգացնում է գազի հանքատեղիները եւ ընդլայնում կասպիական խողովակաշարով անցումային հնարավորությունները` մինչեւ 30 միլիարդ խորանարդ մետր հասցնելով թուրքմենական սեկտորի հնարավորությունները: «Գազպրոմ»-ն այդ տարածաշրջանային նախագծերի ֆինանսավորումն անցկացնում է 0 տոկոս ձեւաչափով: Թուրքմենստանի մաքուր եկամուտը գնահատվում է 240-280 միլիոն, գրում է oil.ru-ն: Բացի այդ, Ռուսաստանում վերակսկսվել է հետաքրքրությունը «գազային կարտելի» գաղափարի նկատմամբ: ՌԴ նախագահ Դմիտրի Մեդվեդեւը այդ գաղափարն է վկայակոչել Վենեսուելայի նախագահ Ուգո Չավեսի ` Մոսկվա կատարած այցի ժամանակ: «Գազի արտահանողների նման ֆորումը կնպաստի այդ հարցի շուրջ հավասարակշռությանը ամբողջ աշխարհում: Այդտեղ կարող են ստացվել այնպիսի հարցերի պատասխաններ, ինչպիսիք են որտեղ եւ որքան գազ պետք է արտահանվի»,- գտնում է «Գազպրոմ»-ի ղեկավարը: Մինչ այժմ Մոսկվան բավական զգայուն էր նման կարտելի գաղափարի նկատմամբ եվրոպական ընդդիմության հանդեպ, բայց գազի բարձր գները մեղմում են ԵԽ-ի բացասական դիրքորոշումը: Թուրքմենստանի հետ համաձայնությունները առավել կոնսոլիդացրեցին ռուսական հսկողությունը կենտրոնասիական գազի արտահանման նկատմամբ: Այժմ «Գազպրոմ»-ը Ադրբեջանին նրա ողջ գազը եվրոպական գներով գնելու առաջարկ է արել (Մեդվեդեւը Բաքու էր այցելել հուլիսի 3-4-ին): Բաքուն կենդանի հետաքրքրությամբ ուսումնասիրում է աշխաբադյան համաձայնությունները: Ռուսաստանի նման քայլերի ընդհանուր իմաստը շատ լուրջ վերաբերմունքն է ԱՄՆ-ի եւ ԵԽ-ի` Nabucco նախագիծը կյանքի կոչելու քարոզչության նկատմամբ. այն պետք է Թուրքիայից անցներ Բուլղարիայի, Ռումինիայի եւ Հունգարիայի տարածքներով, հիմնված էր թուրքմենական գազ ունենալու հույսի վրա, այն նավաթատարի վրա, որը պետք է կապեր Թուրքմանստանն ու Ադրբեջանը Կասպից ծոցի հատակով: Այն պետք է կապեր խողովակատարերի համակարգերը, որոնք անցնելու էին Կովկասով արդեն գոյություն ունեցող երթուղիներով, այնպիսին, ինչպիսին Բաքու-Թբիլիսի-Ջեյհանն է: Սակայն առանց ելք ունենալու դեպի թուրքմենական գազ, Nabucco-ի կենսունակությունը կասկածի տակ է դրվում: Իսկ առանց Nabucco-ի ԱՄՆ-ի ողջ ռազմավարությունը` ուղղված ռուսական էներգակիրներից Եվրոպայի կախվածության նվազմանը, իմաստ չունի: Հետեւաբար, Վաշինգթոնը ընտրության առաջ հայտնվեց. կամ վերցնել այն, ինչ տալիս են, կամ ընդհանրապես ոչինչ չվերցնել: Աշխաբադում ուրբաթ օրը կայացած համաձայնությունների լույսի ներքո դա նշանակում է, որ այդ նախագծի իրականացումը ծայրահեղ կախվածության մեջ է գազի մատակարարումներից Միջին Արեւելքից. մասնավորապես` Իրանից: Թուրքիան հանգում է Եվրոպա իրանական գազի մատակարարման գաղափարին եւ առաջարկում է իր միջնորդությունը ԱՄՆ-Իրան դիմակայության հարցում: Մինչդեռ, Economist-ը գրում է. «Վերնախավի էգոիզմի» խնդիրը, թերեւս, կարելի է համարել առավել վտանգավոր, քանի որ Ադրբեջանում պետական բարձիթողության ծավալները անցնում են բոլոր սահմանները անգամ այնպիսի երկրների չափանիշներով, ինչպիսիք են Ռուսաստանը, Ուկրաինան եւ Ղազախստանը, կամ էլ հարեւան Վրաստանն ու Հայաստանը: Վերջին երկու տարիներին մի շարք խոշոր ձեռնարկություններ «հարձակումների են» ենթարկվել իշխանությունների կողմից «ՅՈՒԿՕՍ»-ի գործի ոճով: Azpetrol ընկերությունը, որը մասնագիտացած է նավթարտադրանքի վաճառքի վրա եւ հանդիսանում էր երկրի ամենաարդյունավետ ընկերություններից մեկը, պետական հարձակման ենթարկվեց 2005 թվականի խորհրդարանական ընտրությունների նախաշեմին, իսկ ընկերության գլխավոր բաժնետերերը հայտնվեցին բանտում: Դրանից հետո թուրքական էլեկտրաէներգետիկ Barmek ընկերությանը ստիպեցին դադարեցնել գործունեությունը Ադրբեջանում: Դրանք միայն ամենահայտնի օրինակներն են, որոնք վկայում են գործնական մթնոլորտի վատթարացման մասին: Միձազգային ԶԼՄ-ներում, օրինակ, չի հաղորդվել հետեւյալ փաստի մասին. 2006 թվականի երկրորդ կեսից սկսվել է ադրբեջանական գործարարների արտահոսքը Վրաստան ու Ղազախստան, որտեղ գործնական մթնոլորտը, նրանց կարծիքով, ավելի գրավիչ է»: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |