  Առաջիկա տարիներին Հայաստանը մտադիր է ընդգրկվել բիզնեսի վարման գրավչության տեսակետից աշխարհի լավագույն 20 երկրների ցանկումԱրտասահմանյան ներդրումները Հայաստան ներգրավելու ամենամեծ խնդիրը երկրի շրջափակումն է Այս շաբաթ Հայաստանում քննարկել են ներդրումային միջավայրի բարելավման հարցեր, մասնավորապես, ուղիղ արտասահմանյան ներդրումների ավելացումը: Նշվել է, որ Հայաստանում արձանագրվել է լուրջ հաջողություն արտասահմանյան ներդրումների ներգրավման ոլորտում. երկրում գործում է շուրջ 3700 ձեռնարկություն օտարերկրյա կապիտալով: Ընթացիկ տարվա առաջին կիսամյակի տվյալներով, Հայաստանի տնտեսության մեջ ուղղակի արտասահմանյան ներդրումների ծավալն աճել է 4տոկոսով, ընդ որում, ուղղակի ներդրումների ընդհանուր ծավալը երկրում հաշվետու շրջանում կրճատվել է 8 տոկոսով: Ուղղակի ներդրումները Հայաստանում 2009թ. կազմել են 732,1 մլն դոլար, իսկ 2008թ.՝ 1,1 մլրդ դոլար: Խոշորագույն օտարերկրյա ներդրողներն են 2009թ. ՌԴ-ն՝ 384,8 մլն դոլար, Ֆրանսիան՝ 197,4 մլն դոլար և Արգենտինան՝ 48,2 մլն դոլար:  4 դեկտեմբերի 2010PanARMENIAN.Net - Ըստ ՀՀ կառավարության բիզնեսի և ներդրումային միջավայրի բարելավման մասին ծրագրի դրույթների, երկիրը պետք է ընդգրկվի բիզնեսի վարման (Doing Business) գրավչության տեսակետից աշխարհի լավագույն 20 երկրների ցանկում: Ներդրումներին գրավելու համար հարկավոր է բարձրացնել երկրի մրցունակության ցուցանիշները: Բացի այդ, հարկավոր է վարել բիզնես-էթիկայի չափանիշների ներդրման քաղաքականություն: Օտարերկրյա ներդրումներ կարող են ստանալ այն կազմակերպությունները, որոնք աշխատում են աշխարհում ճանաչված կորպորատիվ կանոններով: Հայաստանը ներքին ռեսուրսների մոբիլիզացման և ներդրումների արդյունավետության բարձրացման խնդիր ունի: Ուղղակի օտարերկրյա ներդրումները կարող են խթան հանդիսանալ ներքին ռեսուրսների մոբիլիզացման համար: Հայաստանի շրջափակումը խանգարում է արտասահմանյան ներդրումների ներգրավմանը: Ներդրումների ներգրավման գործընթացը պետք է ավելի դինամիկ լինի: Հայաստանը պետք է բարելավի ներդրումային միջավայրը, արտասահմանյան ներդրողներին տրամադրի հարկային և ֆինանսական առավելություններ: Արտասահմանյան ներդրողներին ներգրավելու համար անհրաժեշտ է ստեղծել բրենդինգ: Օրինակ, Սինգապուրը մարդկանց մոտ ասոցացվում է բարձր տեխնոլոգիաների հետ: Հայաստանը նույնպես պետք է հասնի նրան, որպեսզի երկիրը մարդկանց մոտ ինչ-որ ապրանքանիշի ասոցիացիա առաջացնի: Հայաստանում արտասահմանյան ներդրումների ներգրավման գերակա ոլորտներն են թեթև արդյունաբերությունը և վերականգնվող էներգետիկան: Ճգնաժամից հետո Հայաստանում այնպիսի իրավիճակ է ստեղծվել, որ երկրում առկա են ավելի շատ թերություններ, քան առավելություններ ներդրումների ընդգրկման ոլորտում: Առաջին հերթին, Հայաստանում պետք է ապահովել մակրոտնտեսական կայունություն, նվազեցնել կոռուպցիան և բյուրոկրատիան: Արտասահմանյան ներդրողը պետք է իրեն Հայաստանում պաշտպանված զգա, և միայն այդ դեպքում կարելի է հասնել որոշակի արդյունքների: Վիկտորիա Արարատյան / PanARMENIAN News  Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար    Ուշադրության կենտրոնում Բաժնի այլ նյութերըԱԹՍ-ով ջրված այգու բերքը  Ինչ առավելություններ ունի խելացի գյուղատնտեսությունըԴատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակԶսպելով բարկությունն ու գնաճը Պատերազմն ու մեր դատարկվող գրպանը |  Այլ հոդվածներ Վերջին լուրեր Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր»ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ |
