Հունիսի 15-18-ը Լոս Անջելեսում ընթանում է E3 (Electronic Entertainment Expo). Համակարգչային խաղերի աշխարհի խոշորագույն ցուցահանդեսը: Որոշ ընկերություններ արդեն հասցրել են ներկայացնել նորույթները: Մյուսները դեռ պատրաստվում են: Այս տարվա կոնֆերանսը լի է անակնկալներով, գրեթե յուրաքանչյուր շնորհանդես անցնում է հանրության բուռն ծափահարությունների ներքո: Խաղային ինդուստրիայի համար բեկումնային պահ է, երբ շուկա են ներթափանցում նոր տեխնոլոգիաներ ու հնարավորություններ` խոսքը գնում է տարբեր ընկերությունների վիրտուալ իրականության սաղավարտների մասին:

Apple կորպորացիան փորձում է պահպանել ոճ թելադրողի տիտղոսը բարձր տեխնոլոգիաների ոլորտում, չնայած մյուս ընկերությունների ուժեղ մրցակցությանը: Մինչ մրցակիցները ձգտում են միանգամայն նոր ու հեղափոխական մի բան մշակել (գոնե` ձգտում են), «խնձորային» ընկերությունն օգտվում է իր կարգավիճակից և լուծում տալիս խնդիրներին` սովորելով սեփական սխալների վրա: Ընկերությունն իր առանցքային ծրագրային նորույթներն է ներկայացրել Apple WWDC մշակողների կոնֆերանսի ժամանակ, որն ավանդաբար վերածվեց պատկերավոր շոուի:

Բարձր տեխնոլոգիաների ոլորտի գլխավոր միջոցառումներից մեկը` Google I/O 2015 կոնֆերանսը բազմաշերտ էր ու լի անակնկալներով: 2015-ին Google-ը պարտվեց իր գլխավոր մրցակից Apple-ին բրենդի արժեքի համար պայքարում: Սակայն կոնֆերանսում ներկայացված նորույթները կոչված են լուծելու ոչ միայն այս խնդիրը: Կա այստեղ մի բան, որը կարելի է «ապագայի սաղմեր» համարել տեղեկատվական տեխնոլոգիաների համար:

Զարթուցիչի զանգն ամենահաճելի երևույթներին չես դասի: Շատ հաճախ, քունը չխախտելու և նրա վերջին «մնացորդները» վայելելու համար, մարդը զարթուցիչի սլաքները մի փոքր առաջ է տանում` ժամանակ շահելու միտումով, կամ ընդհանրապես անջատում է, ինչն արդեն հղի է վերադասի հետ խնդիրներով: Արդյունավետ արթնացման խնդիրը համամարդկային է, ուստի ամբողջ աշխարհի ինժեներները մշակում են խորամանկ տեխնոլոգիական լուծումներ:

Ցանկացած սկսնակ ընկերություն, հաշվարկելով իր մեկնարկային ֆինանսական հնարավորությունները, պետք է մի կլորիկ գումար առանձնացնի էլեկտրաէներգիայի սպառման համար: Կոմունալ ծառայություններ մատուցող կազմակերպությունները չեն սպասի, թե երբ է փոքր ընկերությունը շահույթ ստանալու, հակառակ նրան, որ ընկերությունները ստիպված են լինում օրերով միացած թողնել մի քանի համակարգիչ, գրասենյակում ձմռանը ջերմություն ապահովել, իսկ ամռանը` զովություն: Հանճարեղ ինժեներ և միլիարդատեր Իլոն Մասկը, որը ժամանակին նույնպես զրոյից է սկսել և հիանալի գիտի ցանկացած սթարթափի խնդիրների մասին, որոշեց ձեռք մեկնել փոքր ու միջին բիզնեսին` միաժամանակ ավելի լավը դարձնելով այս աշխարհը:

Աշխարհում մարդկանց հսկայական քանակի համար ինտերնետը դարձել է առօրյա կյանքի անբաժան մասը: Լինելով տեղեկատվության անսպառ աղբյուր, համացանցը վերածվել է բիզնեսի և տնտեսական զարգացման հիմնական հարթակի: Եթե նախկինում երկրի տնտեսական բարեկեցությունն ավելի շատ կախված էր հարևան երկրներից, ապա գլոբալ համացանցի հետագա ընդլայնումը ինչ-որ իմաստով ջնջում է այդ պայմանականություններն ու սահմանները` պահանջարկ ունեցող թվային արտադրանքն իր գնորդին կգտնի մոլորակի ցանկացած անկյունում: Դա հատկապես ակտուալ է Հայաստանի համար, որը գտնվում է տնտեսական շրջափակման մեջ հարևան Ադրբեջանի ու Թուրքիայի կողմից: Ուստի, մի կողմից տեղեկատվական տեխնոլոգիաների զարգացումը և նոր բարձրորակ կադրերի առկայությունը մեր երկրում, մյուս կողմից` համացանցի ծածկույթի ընդլայնումը, մեր տնտեսական բարգավաճման հիմնական պայմաններն են:

Տեխնոլոգիական հսկաները լիարժեք վիրտուալ իրականությունը ձգտում են ինտեգրել մեր աշխարհին: «Մատրիցան» այսօր արդեն այդքան ֆանտաստիկ ու անհասանելի չի թվում` տեխնոլոգիաների զարգացումն աստիճանաբար հասնում է անհրաժեշտ մակարդակի: Հայաստանն էլ այս հարցում կողմնակի դիտորդի դերում չէ: Մեր երկրում կան մարդիկ, որոնք ակտիվորեն զարգացնում են տեխնոլոգիաներն ու մշակում են սեփական տեսլականն այդ ոլորտում: Նրանք հիանալի հասկանում են, թե ինչ հեռանկարներ է բացում վիրտուալ իրականության տեխնոլոգիան ոչ միայն զվարճանքների, այլ մարդու գործունեության գրեթե բոլոր ոլորտներում: Մենք զրուցեցինք X-TECH ստուդիայի ղեկավար Արման Աթոյանի հետ, որն իր գործունեության մեջ ակտիվորեն կիրառում է այդ ոլորտի վերջին նվաճումները:

Ապրիլի 4-ին տեղի ունեցավ ArmNet Awards մրցանակների հանձնման պաշտոնական արարողությունը` ժյուրին ընտրել էր հայ և օտարերկրյա մշակողների լավագույն նախագծերը: «Նորարարություն» և «Դիզայն և կոմֆորտ» անվանակարգերում գլխավոր մրցանակները, ինչպես նաև լավագույն բջջային հավելվածի համար գրան- պրին բաժին ընկան առեղծվածային Shadowmatic անվանումը կրող բջջային խաղին: Մասնագետներն այսպես գնահատեցին Triada Studio-ի հեղինակների փոքր թիմի եռամյա բարդ ու մանրակրկիտ աշխատանքի արդյունքները, նաև վերականգնելով հավատը, որ մեր երկրում հնարավոր է համակարգչային խաղերի ոլորտում բարձրորակ արտադրանք ստեղծել:

2001 թվականի հուլիսի 26-ին Հայաստանում գործարկվեց Viasphere տեխնոպարկը, որը բացել է Viasphere International ամերիկյան ընկերությունը Երևանի «Տրանզիստոր» գործարանի բազայի վրա: Դեռ այն ժամանակ, բացմանը, Viasphere International ընկերության հիմնադիր Թոնի Մորոյանը հայտարարեց, որ համալիրն անհրաժեշտ ենթակառուցվածքներ կտրամադրի տեղեկատվական տեխնոլոգիաների ոլորտում ներգրավված սկսնակ ընկերություններին: Ընկերությունը տրամադրում է գրասենյակային տարածքներ, համակարգչային ցանցեր, մենեջմենթ, աջակցություն ապրանքը համաշխարհային շուկայում առաջ մղելու համար:

2012-ի ձեռքբերումների ու բացթողումների մասին խոսելիս չէինք կարող չանդրադառնալ մեր երկրի համար շատ կարևոր մի ոլորտի: Վերջին տարիներին հայաստանյան ՏՏ ոլորտը բոլորի ուշադրության կենտրոնում է: 2012-ին ՏՏ ոլորտն աչքի ընկավ միջոցառումների ու մրցույթների բազմազանությամբ, ինտերնետ հանրության ակտիվությամբ, իսկ ոլորտի մասնագետներն ասում են, որ մենք ընթանում ենք համաշխարհային միտումներին համաչափ: