Վավերացման և ավտորիզացիայի (լիազորման) դասական համակարգերի գլխավոր թերությունն այն է, որ օգտագործելով ստեղնաշարը կամ սենսորային էկրանը, մարդն ակամայից ի ցույց է դնում շրջապատի մարդկանց իր ծածկագրի որոշ տարրերը: Բացի այդ, գոյություն ունեն տարբեր հաքերային արձանագրություններ, որոնք թույլ են տալիս բացահայտել ծածկագիրը ստեղների սեղմման հաջորդականության գրանցման միջոցով: Հայկական Improvis ստարտափը նպատակ էր դրել վերացնել այդ թերությունը` բացառելով մարդու և սարքի ֆիզիկական կոնտակտը, օգտվելով վերջին 2 տարիների գիտական առաջադեմ մշակումներից:

Հայաստանն ամենաարագ զարգացող երկրներից է տեղեկատվական տեխնոլոգիաների ոլորտում: Երկիրը համառորեն ներխուժում է մի նոր ոլորտ` փորձելով աշխարհին առաջարկել սեփական արտադրանքն ու լուծումները: Այսօր աշխարհում մեծ պահանջարկ են վայելում ոչ միայն ՏՏ ոլորտի պրոֆեսիոնալ մասնագետները, այլ նաև ստեղծագործական թիմերն ու մարդիկ, որոնք կարող են տարբեր խնդիրների հետաքրքիր լուծումներ առաջարկել: Այդ տեսակետից հայկական շուկան մեծ ներուժ ունի, Հայաստանում հիանալի աշխատում է հետևյալ մոդելը` հայկական թիմերը սեփական արտադրանք են ստեղծում և վաճառում արտերկրի ընկերություններին:

Սուր մրցակցությունն ու նոր մշակումների մեծ քանակը բարձր տեխնոլոգիաների ոլորտում անխուսափելիորեն նեղացնում են օրիգինալ գաղափարների հնարավոր շրջանակը: Դա ստիպում է հեղինակներին մշտապես հետազոտել շուկայի տարբեր հատվածները հայտնաբերելու համար «անմշակ» ոլորտներ կամ ծառայություններ, որտեղ առաջարկվող մակարդակը դեռ հեռու է իդեալականից: Հայկական ստարտափ ընկերությունն ուսումնասիրել է շուկայի այն հատվածը, որն առցանց ծառայություններ է առաջարկում սեփական տեսաբովանդակությունը ստեղծելու համար: Պարզվել է, որ բարձորակ վիդեոյի և լայնէկրան մոնիտորների դարաշրջանում ոչ մի հարթակ համապատասխան ծառայություններ ու բազմազանություն չի առաջարկում:

Հոկտեմբերի 6-ին ամերիկյան Microsoft ընկերությունը ներկայացրեց իր գլխավոր նորույթները Նյու Յորքում կայացած հատուկ կոնֆերանսի ժամանակ: Եվ քանի որ հիմնական մրցակիցները` Apple-ն ու Google-ը արդեն հասցրել են ցուցադրել սեփական նվաճումները, ապա Microsoft-ը հաստատեց նրանց հետ մրցելու պատրաստակամությունը նորարարական տեխնոլոգիաների բոլոր ոլորտներում: Ամերիկյան հսկայի առանցքային արտադրանքը վերաբերվում ոչ թե ծրագրային ապահովման ոլորտին, այլ նորագույն տեխնոլոգիական լուծումներին` դրանով Microsoft-ը կանխորոշում է հետագա զարգացման նոր ուղին:

Հայաստանյան ստարթափերի՝ սկսնակ ընկերությունների շուկայում առյուծի բաժինը կազմում են ինովացիոն տեխնոլոգիաների ոլորտում աշխատող թիմերը։ Ոլորտը ահռելի քայլերով զարգանում է ողջ աշխարհում, և մրցունակ արտադրանք ներկայացնելու համար առաջին հերթին անհրաժեշտ է նորարար մոտեցում․առաջարկել այն, ինչ յուրահատուկ է և, միաժամանակ, ֆունկցիոնալ։ Հետևաբար, ստարթափի հաջողության գրավականն առաջին հերթին լավ գաղափարն է, ապա՝ նպատակասլաց աշխատանքը։ 12 երիտասարդ մասնագետներից բաղկացած Teamable-ի թիմը կարողացել է հասնել թե առաջինին, և թե՝ երկրորդին՝ դառնալով Հայաստանյան ամենահաջողակ ստարթափերից մեկը, որի ծառայություններից օգտվում են համաշխարհային հսկաները։

Հոկտեմբերի 2-ին Երևանում մեկնարկել է Digitec Expo 11-րդ տեխնոլոգիական ցուցահանդեսը: 3 օր շարունակ մոտ 170 ընկերություններ Հայաստանից, Ռուսաստանից, Ուկրաինայից, Բելառուսից, Թայվանից, Չինաստանից, Իրանից և այլ երկրներից կցուցադրեն իրենց տեխնոլոգիական նորույթները, նորարարական մշակումները, նոր հավելվածները, տեխնիկան, ռոբոտներն ու համակարգչային խաղերը: Բարձր տեխնոլոգիաների և հեռահաղորդակցությունների ոլորտն ամենախոստումնալիցն է ու ակտիվ զարգացողը, այն ոչ միայն ինքն է զարգանում, այլ նաև խթան է հանդիսանում մյուս ոլորտների համար, որպես հարթակ ներկայանալով բարձր որակավորում ունեցող աշխատուժի համար: Եվ, ինչպես նշեցին կազմակերպիչները, ցուցահանդեսի օգնությամբ երեխաները կտեսնեն ապագան, երիտասարդները կկարողանան օգտվել տեխնոլոգիաներից, իսկ մեծերը վստահ կլինեն, որ իրենց ձեռք բերած տեխնոլոգիական առաջընթացը շարունակվում է և զարգանում:

Սան Ֆրանցիսկոյի Բիլ Գրեհեմի անվան դահլիճը սեպտեմբերի 9-ին լեփ-լեցուն էր․ամերիկյան Apple ընկերությունը ներկայացնում էր իր գլխավոր նորույթները։ Նոր սմարթֆոններ, ամեն ինչով հիասքանչ iPad Pro պլանշետ, Apple TV կցորդ․2015թ-ի «խնձորային բերքահավաքը» կարելի է համարել կայացած։ Ավանդաբար, չհավակնելով «հեղափոխական» ու արմատական փոփոխությունների իր տեխնոլոգիաներում, Apple-ն, այդուհանդերձ, կարողացավ զարմացնել ու ուրախացնել հարմարավետ նորամուծություններով։ Ի դեպ, շնորհանդեսին հատուկ ուշադրություն դարձվեց Shadowmatic խաղին՝ մշակված հայկական Triada Studio Games-ի կողմից, որն արդեն հասանելի է Apple TV-ում:

Սեպտեմբերի 4-ից 9-ը Բեռլինում անցկացվում է էլեկտրոնիկայի խոշորագույն՝ IFA-2015 ցուցահանդեսը։ IFA-ն (գերմ. Internationale Funkausstellung Berlin) կենցաղային էլեկտրոնիկայի ամենամյա միջազգային ցուցահանդես է, որը հայտնի է նաև որպես Բեռլինյան ռադիոշոու։ Սա Գերմանիայի հնագույն արդյունաբերական ցուցահանդեսներից մեկն է, ինչպես նաև՝ աշխարհի գլխավոր առևտրային շոուներից։ Հարթակը թույլ է տալիս մասնակիցներին լայն հանրությանը ներկայացնել նորագույն արտադրանքներ և մշակումներ։ Իր պատմության ընթացքում հենց այստեղ է ներկայացվել համաշխարհային նորարարությունների մեծ մասը։ Թվով 55-րդ ցուցահանդեսին թվային սարքավորումների խոշորագույն արտադրողները ներկայացրել են իրենց ամենահավակնոտ նախագծերը։

Ամերիկյան Google կորպորացիան ցնցեց ֆինանսական աշխարհը ընկերության վերակազմավորման մասին նորությամբ, որի արդյունքում հսկան կվերածվի ավելի խոշոր՝ Alphabet հոլդինգի դուստր ձեռնարկության: Փաստորեն, ըստ փորձագետների, այս վերակազմավորումը նշանակում է, որ Google-ը վերանվանվում է Alphabet-ի` կազմակերպչական կառուցվածքի և ստորաբաժանումների ենթակայության փոփոխությամբ: Ընդ որում Google-ի բոլոր բաժնետոմսերն ամբողջությամբ կկոնվերտացվեն Alphabet-ի բաժնետոմսերի՝ առանց որևիցե չափորոշիչի փոփոխության։

Որոնողական համակարգերն ամենահարմար գործիքն են հսկայական գլոբալ ցանցում կողմնորոշվելու համար: Ստանալով անհրաժեշտ տեղեկատվությունը հաշված վայրկյանների ընթացքում, մենք չենք մտածում տվյալների այն ծավալների մասին, որոնց հետ աշխատում են «խելացի ծրագրերը»` հայտնաբերելով անհրաժեշտը միլիոնավոր կայքերի մեջ: Ժամանակակից մարդու համար որոնողական համակարգերը վերածվել են տեղեկատվության հիմնական աղբյուրի, հակառակ դեպքում հնարավոր չէր լինի «շփվել» ցանցի հետ: Բացի այդ, մարդու համար բնազդի պես մի բան է դառնում կոնկրետ որոնողական համակարգից օգտվելը: