Ըստ կենտրոնական բանկի տվյալների՝ 2011-ին Հայաստանում իրականացվել է 10 միլիոն դոլարի էլեկտրոնային առևտուր, ինչև կարող է 2 տարում 10 անգամ աճել էլդաշտի օրենսդրության առկայության, էլառևտրի մի շարք համակարգերի ներդրման դեպքում։

Եթե օրինակ կորցրել եք ձեր դրամապանակը կամ այն գողացել են, բանկը ժամանակավոր կարգելափակի ձեր քարտը մինչև նորը ստանաք։ Տվյալ դեպքում ֆինանսական ոչ մի կորուստ չեք ունենա։ Սա քարտային համակարգի օգտակար լինելու ամենահասարակ օրինակն է։ Իսկ եթե ավելի լայն դիտարկենք, այն հնարավորություն է տալիս յուրաքանչյուրին կատարելու առևտուր ոչ միայն սովորական խանութներից, այլև արտասահմանյան օնլայն խանութներից։ Ինչպե՞ս և ո՞ր կայքերից գնումներ կատարել։ Օնլայն առևտրի այս հարցերն ուսումնասիրել է PanARMENIAN.Net-ի թղթակիցը։

Հայաստանում գերակա ճյուղ համարվող տեղեկատվական տեխնոլոգիաների (ՏՏ) ոլորտը 2011-ին աչքի ընկավ բազում իրադարձություններով՝ սկսած ՏՏ կոնֆերանսներից և ցուցահանդեսներից մինչև ՏՏ նորարար գաղափարների մրցույթներ։

Արդեն մեկ տարի է, ինչ Երևանում «մոդայիկ» են դարձել 3D ֆիլմերը։ Հաճախակի կարելի է հանդիպել կինոսրահներ, որոնք առաջարկում են 5-ից 10 րոպե տևողությամբ 5D, 7D և անգամ 9D տեխնոլոգիայով կարճամետրաժ ֆիլմերի դիտում։ Սակայն այս եռաչափ նորաձևությունը ողջ աշխարհի նորագույն միտումն է։ Գրեթե բոլոր արկածային և տրիլեր ֆիլմերը և անիմացիոն մուլտերը թողարվում են միայն 3D տեխնոլոգիայով: Դե իսկ Երևանում 3D ֆիլմեր ցուցադրում է «Մոսկվա կինոթատրոնը»։ Բազմիցս լսած կլինեք կամ միգուցե ինքներդ զգացել եք, որ ձեր աչքերը հոգնում են 3D դիտելիս կամ գլխացավ եք զգում կամ էլ երկար չեք կարողանում ակնոցը ձեր աչքերին պահել։ Ինչո՞վ է սա պայմանավորված. ակնոցների որակի՞ց է, մաքրությունի՞ց, թե ձեր աչքերի՞ց։ Այս հարցերի պատասխանները ճշտել է PanARMENIAN.Net-ի թղթակիցը։

Սովորաբար Հայաստանից Արցախ մեկնողները զարմանում են` Արցախը ռոումի՞նգ է, ինչո՞ւ, որքա՞ն են սակագները։ Հայաստանի բոլոր երեք բջջային օպերատորների դեպքում էլ գործում է Արցախի ռոումինգ ծառայությունը։ Եթե Արցախում գտնվող անձը ցանկանում է զանգահարել Հայաստան, ապա պետք է վճարի ՎիվաՍել-ՄՏՍ-ի բաժանորդ լինելու դեպքում րոպեն 140 դրամ, Orange Armenia-ի դեպքում` 165 դրամ, իսկ ԱրմենՏելի դեպքում` 170 դրամ։

2011-ի մարտի 28ին Վրաստանի տարածքում Մցխեթայի շրջանում Հայաստան եկող ինտերնետ մալուխները կտրվել էին։ Ինչպես հետագայում հայտնեցին, 75 ամյա վրացի տատիկը պղինձ փնտրելու նպատակով հողը փորելիս վնասել էր մալուխը։ Կնոջը բերման ենթարկեցին և հարուցեցին քրեական գործ։ Սա այս տարի Հայաստան եկող ինտերնետային մալուխների վթարներից ամենախոշորն էր, որին հաջորդեց ևս մի դեպք, այս անգամ Հայաստանի տարածքում։ Այս երկու վթարների արդյունքում Հայաստանի մեծ մասը զրկվել էր ինտերնետից։

Աշխատանքային հայտարարություններ տարածող կայքերի քանակը Հայաստանում վերջին մի քանի տարիներին ավելացել է և շարունակում է ավելանալ։ Թե որքանով են օգտակար և հարմարավետ այս կայքերը թե՛ աշխատանք փնտրողի, թե՛ գործատուի համար, պարզել է PanARMENIAN.Net-ի թղթակիցը։

Հայաստանում աճում է էլեկտրոնային մարքեթինգի ծառայություններ առաջարկող ընկերությունների թիվը: Էլեկտրոնային մարքեթինգը կոմերցիոն նյութերի էլ.փոստ առաքում է թիրախային լսարանին: Սակայն, ընդհանուր առմամբ այդ ոլորտը երկրում դեռ զարգացած չէ և հաճախ նման տիպի հաղորդագրությունները հասցեատերերի, կամ mail-սերվերների կողմից (ինչն ավելի վատ է) ընկալվում են որպես սպամ: PanARMENIAN.Net-ի թղթակիցը փորձել է պարզել, թե իրականում ինչ վիճակում է գտնվում էլեկտրոնային մարքեթինգը Հայաստանում և ինչ է հարկավոր անել այդ ոլորտի զարգացման համար:

Սմարթֆոնները հայտնվեցին հայկական շուկայում երկու տարի առաջ և գործնականում գրեթե անմիջապես տարածում ստացան Հայաստանի բնակչության շրջանում: Օրինակ, ըստ 2010-ի արդյունքների «Օրանժը» վաճառել է շուրջ 550 iPhone սմարթֆոն, իսկ ՎիվաՍել-ՄՏՍ-ը՝ մոտ 1000 սմարթֆոն: «Օրանժի» վաճառքի գծով խորհրդատու Լաուրա Մկրտչյանը PanARMENIAN.Net-ի թղթակցին տեղեկացրեց, որ ամենից շատ վաճառվում են iPhone հեռախոսները. «Մեկ ամսվա ընթացքում մեր սպասարկման կենտրոնում վաճառում ենք 2 blackberry, 12 HTC և15 iPhone: Հատկապես iPhone 4-ի համար վերջին երեք ամսում հերթեր են գոյացել»: Ըստ Լաուրա Մկրտչյանի iPhone ցանկանում են գնել միայն բրենդի համար, իսկ HTC և Blackberry սմարթֆոնները նախընտրում են գործարարները:

2010թ. Հայաստանի տեղեկատվական տեխնոլոգիաների ոլորտում գրանցվել է 15 տոկոս աճ նախորդ տարվա համեմատ, ընդ որում ՏՏ մասնաբաժինը Հայաստանի ՀՆԱ-ում կազմել է 1.7 տոկոս: Այդ մասին PanARMENIAN.Net ի թղթակցին են հայտնել ՀՀ էկոնոմիկայի մամլո ծառայությունում: Միևնույն ժամանակ, շրջանառությունը ՏՏ ոլորտում կազմել է 150 մլն դրամ, ինչը 15,3 տոկոսով ավելի է նախորդ տարվա նույն ցուցանիշի համեմատ (129,9 մլն դոլար): Հայաստանում ՏՏ ոլորտում զբաղվածների թիվը, ըստ պաշտոնական տվյալների, կազմում է շուրջ 5 հազար մարդ, այդ ոլորտում գործում է 197 ընկերություն: Մինչդեռ, ՏՏ ոլորտի զարգացմանը 2011թ. հատկացվել է նույնքան, որքան 2010թ.՝ 80 մլն դրամ: 2009-ին այդ ոլորտին կառավարությունը հատկացրել է 200 մլն դրամ: