Շվեյցարիայի հայ համայնքը մտադիր է հասնել նրան, որ Էգեմեն Բաղիշի դեմ գործ հարուցվի17 ապրիլի 2012 - 13:17 AMT PanARMENIAN.Net - Հայ համայնքը պահանջում է Շվեյցարիայի կառավարությունից այնուամենայնիվ քրեական գործ հարուցել Թուրքիայի ԵՄ գծով նախարար Էգեմեն Բաղիշի դեմ, որն իրեն թույլ է տվել հրապարակավ ժխտել Հայոց ցեղասպանությունը: Շվեյցարիա-Հայաստան խորհրդարանական բարեկամության խմբի քարտուղար Սարգիս Շահինյանը Վերաքննիչ դատարանում բողոքարկել է Գլխավոր դատախազության որոշումը՝ դատախազությունը հրաժարվել էր քրեական գործ հարուցել Բաղիշի դեմ նրա դիվանագիտական անձեռնմխելիության պատճառով, հայտնում է Nouvelles d'Armenie-ն: Մինչ այդ Բաղիշի դեմ քրեական գործ էր հարուցվել Շվեյցարիայի ՔՕ 261 հոդվածով՝ ռասիստական արտահայտություններ: Գործը հարուցվեց, երբ ընթացիկ տարվա հունվարի Դավոսի տնտեսական համաժողովում նախարարն իրեն թույլ տվեց ասել, թե Հայոց ցեղասպանություն «չի եղել»: Սակայն, ավելի ուշ քրեական գործը կարճվեց: «Շվեյցարիայի ԱԳՆ հետ բանակցություններից հետո դատախազությունն այն եզրակացության եկավ, որ Բաղիշի դեմ հարուցված քրեական գործը պետք է կարճվի, քանի որ, նա որպես նախարար դիվանագիտական անձեռնմխելիություն ունի Շվեյցարիայի տարածքում»,-ասվում է Շվեյցարիայի դատախազության հայտարարության մեջ: Իր հերթին Շվեյցարիա-Հայաստան ասոցիացիայի համանախագահ Անդրեաս Դրեյշեբները վրդովմունք հայտնեց Շվեյցարիայի իշխանությունների դիրքորոշման վերաբերյալ: «Թուրք նախարարը բացահայտ ու միտումնավոր կերպով խախտեց Շվեյցարիայի օրենքը՝ ռասիստական արտահայտություններ թույլ տալով: Իսկ մենք տնտեսական հարաբերությունները մարդու իրավունքներից վեր դասեցինք, ինչն ուղղակի վրդովեցուցիչ է»,-հայտարարել է նա՝ կասկած հայտնելով, որ դիվանագիտական անձեռնմխելիության կիրառումն իրավաչափ է, քանի որ Դավոսի տնտեսական համաժողովը մասնավոր միջոցառում է: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |