Վիրահայերը խնդրում են Վրաստանի իշխանություններին ճանաչել Հայոց ցեղասպանությունը23 ապրիլի 2012 - 12:24 AMT PanARMENIAN.Net - Վրաստանում գործող հայկական կազմակերպությունները դիմել են Վրաստանի նախագահին, Վրաստանի խորհրդարանի նախագահին, Թբիլիսիի Քաղաքային խորհուրդի նախագահին և վրացական խորհրդարանի պատգամավորներին` կոչ անելով «ճանաչել 1915-1923թթ իրականացված Հայոց ցեղասպանությունը և դատապարտել այն իրականացնողներին»: Ինչպես ասվում է դիմումում, «1915-23թթ Օսմանյան Կայսրությունում պետական մակարադակում ծրագրվել և իրականացվել է հայ ազգաբնակչության` տարհանում և ոչնչացում: Այս տարի նշվում է այդ ողբերգական իրադարձությունների 97-րդ տարելիցը»: «Դիմում ենք մեր երկրի կառավարությանը, որը դարերի ընթացքում, չնայած պատմական և քաղաքական իրադարձություններին, բազմիցս ապացուցել է արդարության և մարդկային արժեքներին իր հավատարմությունը: Կոչ ենք անում ձեզ փոխըմբռնումով և հարգանքով վերաբերել վիրահայերի` մեր երկրի կողմից Հայոց ցեղասպանության ճանաչման և այն ընդունելու արդար պահանջին»,-ասվում է դիմումում: Այդ իրադարձությունների 97-րդ տարելիցի կապակցությամբ Թբիլիսիում մի շարք միջոցառումներ կիրականացվեն: Մասնավորապես, ապրիլի 21-ին, ժ 18:00-ին տեղի կունենա դասական երաշտության և երիտասարդ երգահան Հովհաննես Համբարձումյանի ստեղծագործությունների երեկո: Ապրիլի 23-ին, ժամը 19:00-ին «Հիշողությունների երեկո» թատերականացված ներկայացում: Դերերում Թբիլիսիի Պետրոս Ադամյանի անվան հայկական պետական դրամատիկական թատրոնի դերասանները: Ապրիլի 24-ին, 10:30 Թբիլիսիի հայ գրողների և հասարակական գործիչների պանթեոնում Խաչքարի մոտ պսակադրության արարողություն: Ապրիլի 24-ին, ժ 11:00-ին Սուրբ պատարագ Սուրբ Էջմիածին եկեղեցում: Ապրիլի 24-ին, ժ 14:00-ին Թուրքիայի դեսպանատան առջև խաղաղ ցույց” 18:00-ին Դասական երաժշտության երեկո` Հայաստանից ժամանած երժիշտների կատարմամբ: Ապրիլի 26-ին, ժ 13:00-ին կներկայացվեն փաստաթղթեր, լուսանկարներ, կենցաղային պարագաներ և այլ նյութեր, որոնք պահպանվել են թիֆլիսահայերի ընտանիքներում, ում նախնիները եկել են Թբիլիսի 1915թ արյունալի դեպքերի ժամանակ: Տեղի կունենա նաև նկարչուհի Նինո Պիրցխալիշվիլիի «Հայ ժողովրդի Գողգոթա» ալբոմի շնորհանդեսը: Կազմակերպիչներն են Վրաստանի Հայ առաքելական ուղղափառ սուրբ եկեղեցում գործող« Հայարտուն» մշակութային կենտրոնի, Վիրահայերի համայնքի, Վիրահայերի Ազգային կոնգրեսի, Թբիլիսիի հայերի վեհաժողովի, Վրաստանի հայերի միության կողմից: Տեղեկատվությունը տրամադրել է Լևոն ԻսախանյանըPANreport համակարգի միջոցով Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |