  Բաքուն համակարգված կերպով ոչնչացնում է Ադրբեջանի բնիկ ժողովուրդներին  12 մայիսի 2012 - 16:37 AMTPanARMENIAN.Net - Մայիսի 8-10 Լեռնային Ղարաբաղում տեղի ունեցավ «Կովկասա-Կասպիական տարածաշրջանի բնիկ ժողովուրդները» միջազգային գիտաժողովի կազմկոմիտեի ընդլայնված հանդիպումը: Կազմկոմիտեի մեջ Հայաստանի ներկայացուցիչների հետ մեկտեղ մտնում են նաև գիտնականներ ու հասարակական գործիչներ Ադրբեջանից, Վրաստանից, Իրանից, Թուրքիայից, եվրոպական երկրներից, ԱՄՆ-ից և Ռուսաստանի Դաշնությունից։ Ինչպես PanARMENIAN.Net ին է հաղորդել թալիշյան պատվիրակության անդամ Մորթզա Քասեմպուվը, գիտաժողովի նպատակն է միջազգային հանրության ուշադրությունը դարձնել Կասպիական տարածաշրջանում ապրող բնիկ ժողովուրդների իրավունքների վրա: «Մեր հայրենիքն Իրանն է, և այնտեղ մենք օգտվում ենք մեր` բնիկ ժողովրդի բոլոր իրավունքներից: Բայց, ինչպես դուք գիտեք, պաշտոնական Բաքվի քաղաքականությունն ուղղված է այն բանին, որպեսզի թալիշները, ինչպես նաև լեզգինները, ավարցիները, ուդինները և այլ ժողովուրդներ անհետանան Ադրբեջանի քարտեզից: Թալիշ ժողովուրդն արդեն քանի տասնամյակ է «ադրբեջանական» են դարձրել: Մեզ տեղահանել են մեր պատմական հողերից. դա Լենքորանն է, Ասթարան, Մասալլին, Լերիկը, Գերանբոյը: Եթե Ադրբեջանն ուզում է, որպեսզի տարածաշրջանում խաղաղություն լինի, նա պետք է ճանաչի բոլոր ժողովուրդներին, որոնք բնակվում են իր տարածքում, այլ ոչ նրանց «ադրբեջանցի» կոչի»,- նշել է Քասեմպուվը: Նա ընդգծել է նաև, որ թալիշներն ու այլ ազգությունները, ի տարբերություն տիտղոսակիր ազգի, այլևս ադրբեջանական բանակ չեն զորակոչվում: Թալիշյան ակտիվիստի խոսքով` ադրբեջանական բանակի 80%-ը փոքր ժողովուրդների ներկայացուցիչներ են: «Ադրբեջանում չկան թալիշյան դպրոցներ, արգելքի տակ է լեզուն և մշակույթը, «Թոլիշի սադո» շարժման ակտիվիստների հանդեպ ճնշում է գործադրվում»,- ընդգծել է նա: 1993թ. հունիսին Ադրբեջանի կազմում հռչակվեց Թալիշ-Մուղանյան ինքնավար հանրապետությունը, որը նույն տարվա օգոստոսին դադարեցրեց իր գոյությունը: «Կովկասա-Կասպիական տարածաշրջանի բնիկ ժողովուրդները» միջազգային գիտաժողովը տեղի կունենա 2012թ. հոկտեմբերի 5-7 Երևանում:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Հանրայինն արգենտինացիների հետ համատեղ սերիալ կնկարահանի  Արգենտինայի հաղորդակցությունների պետական մարմնի հետ համագործակցության պայմանագիր է կնքվելՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նաՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |
