Ալեքսանդր Ցինկեր. Հանցագործին ներում շնորհելը փաստորեն հայի սպանության ինդուլգենցիա է 3 սեպտեմբերի 2012 - 12:18 AMT PanARMENIAN.Net - Բուդապեշտում հայ սպային սպանած Ռամիլ Սաֆարովին արտահանձնելու և ներում շնորհելու մասին նորությունը բոլորին շոկի մեջ է գցել: Անհասկանալի է, թե ինչպես կարող էր սառնարյուն մարդասպանն արդարացվել քաղաքակիրթ երկրում: Ինչպես հայտնել է PanARMENIAN.Net ին Ընտրական համակարգերի միջազգային կենտրոնի նախագահ, քաղաքագետ Ալեքսանդր Ցինկերը, Ադրբեջանի ղեկավարությունը փաստացի կերպով խրախուսում է ազգային հողի վրա կատարված սպանությունը: «Դա հիշեցնում է պաղեստինյան ղեկավարության գաղափարախոսությունը և քաղաքականությունը: Արաբ ահաբեկիչները, որոնք սպանում են Իսրայելի խաղաղ բնակիչներին, հետո Պաղեստինում դառնում են ազգային հերոսներ: Ոչ մի տարբերություն չեմ տեսնում»,- ասել է նա: Քաղաքագետը նաև նշել է, որ հանցագործին ներում շնորհելը շատ վտանգավոր նախադեպ է, դա փաստորեն հայի սպանության ինդուլգենցիա է: «Դա մի կողմից վախեցնում է, մյուս կողմից հարցեր առաջացնում` կարող են արդյոք այդ երկու երկրները, այսինքն Հայաստանը և Ադրբեջանը, հանգել են ինչ-որ խաղաղ քաղաքակիրթ համաձայնության: Զարմանք է հարուցում այն փաստը, որ առաջատար ռուսական ԶԼՄ-ները և քաղաքական գործիչները շրջանցել են այդ միջադեպը»: Ցինկերի կարծիքով, Հայաստանի նախագահ Սերժ Սարգսյանի կոշտ արձագանքը տեղին էր: «Բայց հիմա պետք է հանգիստ, առանց զգացմունքների բարձրացնել այդ հարցը եվրոպական կառույցներում: Հայաստանը` որպես Եվրոպայի խորհրդի և ԵԱՀԿ լիիրավ անդամ, իրավունք ունի պահանջել կատարվածի մանրամասն ուսումնասիրություն: Լիովին հավանական է, որ անհրաժեշտ է իրավաբանական ուղղումներ կատարել միջազգային իրավունքի մեջ ապագայում նման միջադեպերը բացառելու համար»: «Ներկա պայմաններում ԵԱՀԿ Մինսկի խմբի արդյունավետ աշխատանքը հարցականի տակ է մնում: Հայաստանը, չցանկանալով արգելակել Մինսկի խմբի աշխատանքը, երկար ժամանակ չի ճանաչել Լեռնային Ղարաբաղի անկախությունը: Բայց հիմա, հնարավոր է, եկել է դրա ժամանակը»,- ասել է քաղաքագետը: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |