Արցախի երիտասարդության կոչը. Մեր հաղթական երթն անկասելի է14 փետրվարի 2013 - 12:52 AMT PanARMENIAN.Net - Արցախի երիտասարդությունը հանդես է եկել կոչով ղարաբաղյան շարժման 25-րդ տարեդարձի կապակցությամբ: Կոչում մասնավորապես ասվում է. «Պատմության համար 25 տարին ակնթարթ է: Առավել ևս` հայ պատմության համար: Սակայն, վերջին 25 տարին արցախահայության և ողջ հայության համար հոգևոր վերելքի, ազգային ինքնությունը վերահաստատելու, պատմության մարտահրավերները դիմագրավելու, ռազմադաշտում տարած հաղթանակի ջահը նոր սերնդին փոխանցելու քառորդ դար էր: 1988 թվականի փետրվարի 20-ին, արտահայտելով ժողովրդի կամքը, ԼՂԻՄ մարզխորհրդի 20-րդ գումարման արտահերթ նստաշրջանը ընդունեց պատմական որոշում, որով ազդարարվեց իր ճակատագիրը տնօրինելու` արցախահայության վճռականությունը: 1991թ. դեկտեմբերի 10-ի հանրաքվեով Արցախի ժողովուրդը իրացրեց ինքնորոշման իր ճանաչված իրավունքը, հաստատելով Լեռնային Ղարաբաղի Հանրապետությունը որպես ազատ, անկախ, ժողովրդավարական պետություն: Մենք, որպես ժողովրդի կամարտահայտությամբ հռչակված Արցախի Հանրապետության քաղաքացիներ, հայտարարում ենք. Արցախի ժողովրդի ինքնորոշումն անբեկանելի է: Ինքնիշխան պետություն կերտելու և մեր պետության ճակատագիրը տնօրինելու մեր իրավունքն այլընտրանք չունի: Մենք` Արցախի Հանրապետության երիտասարդ քաղաքացիներս, ունենք անհրաժեշտ և բավարար ներուժ` մեզ ավանդված ազգային ու համամարդկային արժեքները պահպանելու և պաշտպանելու, անկախության ձեռքբերումները բազմապատկելու համար: Մեր հաղթական երթն անկասելի է, մեր պետականության զորացման ուղին` անշեղ»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |