Հեղափոխական հայտարարության համար Ուորլիքին Ադրբեջանում հավանաբար «նզովքի» ենթարկեն24 մարտի 2014 - 16:34 AMT PanARMENIAN.Net - Հավանաբար, առաջիկայում Ադրբեջանի ցասումը կթափվի ԵԱՀԿ ՄԽ ամերիկացի համանախագահ Ջեյմս Ուորլիքի գլխին Twitter-ի միկրոբլոգում արված գրառման համար: «Ինձ այսօր ուղղեցին՝ դա հակամարտություն է Լեռնային Ղարաբաղի ու Ադրբեջանի միջև: Մենք խաղաղ գոյակցություն ենք ցանկանում ղարաբաղյան հակամարտության բոլոր կողմերի համար», գրել է ամերիկացի համանախագահը: Այդպիսով, Ուորլիքն իր գրառումով Ղարաբաղը ճանաչեց հակամարտության կողմ, ինչին այդքան երկար ցանկանում էր հասնել հայկական կողմը: Ինչպես հայտնի է, դիվանագետները երբեք չեն գործում առանց «վերևների» հավանության: Դեռևս վաղ է ենթադրություններ անել այդ գրառման պատճառների ու հետևանքների մասին, սակայն փաստը մնում է փաստ: Ուորլիքը դարձավ ԵԱՀԿ ՄԽ առաջին գործող համանախագահը, որը հանդես եկավ նման հայտարարությամբ: Հայկական կողմը չի դադարում կրկնել, որ Ղարաբաղը հակամարտության կողմ է ու պետք է վերադառնա բանակցությունների սեղանի մոտ, որտեղից «հեռացվեց» Բաքվի ապակառուցողական դիրքորոշման պատճառով: Հակամարտությունը հենց Լեռնային Ղարաբաղի ու Ադրբեջանի միջև է, իսկ Հայաստանն, ինչպես և ասվել է ի սկզբանե, Լեռնային Ղարաբաղի անվտանգության երաշխավորն է: Հարկ է նշել նաև, որ 1994 թվականի մայիսի 12-ի Հրադադարի մասին համաձայնագիրը ստորագրել են երեք կողմերը՝ Ղարաբաղը, Հայաստանն ու Ադրբեջանը, ընդ որում ադրբեջանական կողմը շտապեց առաջինը ստորագրել այն: 1994 թվականի մայիսի 5-ին ԱՊՀ Միջխորհրդարանական վեհաժողովի, Ղրղզստանի Հանրապետության, ՌԴ Դաշնային ժողովի և ԱԳՆ նախաձեռնությամբ տեղի ունեցավ հանդիպում, որի արդյունքում Ադրբեջանի միլի մեջլիսի , Հայաստանի Գերագույն խորհրդի և Լեռնային Ղարաբաղի ներկայացուցիչները ստորագրեցին Բիշքեկի արձանագրությունը 1994 թվականի մայիսի լույս 9-ի գիշերը կրակը դադարեցնելու կոչով: Մայիսի 9-ին Լեռնային Ղարաբաղում Ռուսաստանի նախագահի լիազոր ներկայացուցիչ Վլադիմիր Կազիմիրովը նախապատրաստեց Համաձայնագիրն անժամկետ հրադադարի մասին, որը նույն օրը Բաքվում Ադրբեջանի անունից ստորագրեց պաշտպանության նախարար Մամեդրաֆի Մամեդովը 1994 թվականի մայիսի 10-ին Համաձայնագիրը Երևանում Հայաստանից ստորագրեց ՀՀ պաշտպանության նախարար Սերժ Սարգսյանը, իսկ մայիսի 11-ին՝ Լեռնային Ղարաբաղի բանակի հրամանատար Սամվել Բաբայանը: Համաձայնագիրն ուժի մեջ մտավ 1994 թվականի մայիսի 12-ի 12:00-ին: Վերադառնալով Ուորլիքին: Բաքվում արդեն բազմիցս են նրան մեղադրել «հայամետ դիրքորոշման» համար նրա մի շարք անաչառ հայտարարությունների համար: Տարօրինակ է, որ այս անգամ, ղարաբաղա-ադրբեջանական հակամարտության մասին նրա գրառումից 15 ժամ անց, ադրբեջանական կողմը լռում է, չարձագանքելով ոչ ԶԼՄ-ների մակարդակով, ոչ էլ ավելի բարձր մակարդակով: Հավանաբար, «մարսում» են կամ չեն հավատում աչքերին: Այնուամենայնիվ, չի բացառվում, որ մի քանի ժամից կամ օրից Ուորլիքի հասցեին կտեղա վրդովմունքի տարափը, ընդհուպ մինչև համանախագահի պաշտոնից նրան զրկելու պահանջը: Բայց, ինչպես արդեն ասվել է, հաշվի առնելով, որ դիվանագետներն իրենց յուրաքանչյուր քայլը համաձայնեցնում են «վերադասի հետ», կարելի է ակնկալել, որ նույնիսկ փոփոխության դեպքում ԱՄՆ կողմից առավել անաչառ մոտեցումը Ղարաբաղի հարցում կպահպանվի: Մարինա Անանիկյան / PanARMENIAN.Net Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |