Կիպրոսի թուրքական մասի հայկական եկեղեցում 50 տարում առաջին անգամ պատարագ է մատուցվել13 մայիսի 2014 - 10:47 AMT PanARMENIAN.Net - Վերջին 50 տարում առաջին անգամ Կիպրոսի Սբ Մարիամ եկեղեցում արքեպիսկոպոս Վարուժան Հերհելյանը կիրակնօրյա պատարագ է մատուցել: Եկեղեցին գտնվում է Նիկոսիայի հյուսիսային մասում, որը գրավել են թուրքական զորքերը, գրում է Asbarez-ը Gibrahayer Magazine-ի վրա հղումով: Պատարագի ժամանակ ընթերցվել է Կիպրոսի խորհրդարանի պատգամավոր Վարդգես Մահտեսյանի ուղերձը: Եկեղեցին գտնվում է Նիկոսիայի գրավյալ տարածքում, որը միջազգային հանրությունը ճանաչում է որպես Կիպրոսի մաս: Սբ Մարիամ եկեղեցին ապաստան դարձավ շատ հայերի համար Ցեղասպանության տարիներին, 1915-1923 թթ.: 2014 թվականի մարտին եկեղեցուց ու վանքից բաղկացած համալիրը վերականգնվեց: Բացմանը մարտի 17-ին ելույթ ունեցավ Կիպրոսում ԱՄՆ դեսպան Ջոն Քենիգը: Ըստ նրա, համալիրի բացմանը ներկա էին կղզու բոլոր համայնքների ներկայացուցիչները՝ հայեր, հույներ, թուրքեր: Նա նշեց նաև, որ բոլոր համայնքները մասնակցել են վանական համալիրի վերականգնմանը: «Պատմական ժառանգության պահպանումը այլ ազգերի հանդեպ հարգանքի ամենակարևոր դրսևորումն է»,-ասել է Քենիգը: Սբ Աստվածածին վանական համալիրը կառուցվել է VIII դարում: Այն գործել է մինչև 1963 թվականը, սակայն Կիպրոսում հակամարտության սկսվելուց ու թուրքերի կողմից հյուսիսային մասի գրավումից հետո հայ բնակչությունը ստիպված եղավ հեռանալ Կիպրոսի հունական մասը: Վանական համալիրը վերականգնվել է ՄԱԿ Զարգացման ծրագրի ու ԱՄՆ Միջազգային զարգացման գործակալության աջակցությամբ: Վերականգնողական աշխատանքները տևել են 2006-2013 թթ.: Երկար ժամանակ վերականգնումը հարցականի տակ էր: 2012 թվականին ՄԱԿ Զարգացման ծրագիրն ու ԱՄՆ Միջազգային զարգացման գործակալությունը (USAID) հայտարարեցին համալիրի վերականգնման համար անցկացված թենդերի ապօրինի լինելու մասին, քանի որ այն անցկացրել էր թուրքական կողմը խախտումներով: Ըստ այդ թենդերի, վերականգնումից հետո, հայկական վանական համալիրը, որը գտնվում է Հյուսիսային Կիպրոսի տարածքում, կպատկաներ Թուրքիայի Միջին Արևելքի ինստիտուտին: Ինստիտուտն էլ իր հերթին մտադիր էր եկեղեցին վերածել Արևելքի մշակույթի ու թրքագիտության կենտրոնի: Հյուսիսային Կիպրոսի թուրքական իշխանությունների այս որոշումից հետո ՄԱԿ Զարգացման ծրագիրն ու ԱՄՆ Միջազգային զարգացման գործակալությունը (USAID) մտադիր էին չեղյալ համարել միջոցների տրամադրման վերաբերյալ որոշումը: Մինչդեռ, ըստ վանական համալիրի վերականգնման ծրագրի, եկեղեցին պետք է հանձնվեր Կիպրոսի հայ համայնքին, ինչը թուրքական կողմը բացառում էր: 1981 թվականին Նիկոսիայի հունական մասում հայերը նոր եկեղեցի կառուցեցին: Այն անվանակոչվեց կղզու հյուսիսային մասում մնացած միջնադարի եկեղեցու պատվին՝ Սբ Աստվածածին: Նոր եկեղեցին կառուցվեց Կիպրոսի Հանրապետության կառավարության, Եկեղեցիների համաշխարհային խորհրդի, մի շարք եվրոպական եկեղեցիների աջակցությամբ ու մասնավոր նվիրատվություններով: Ըստ ՄԱԿ տվյալների, Կիպրոսում շուրջ 3 հազար հայ է բնակվում: Հիմնականում նրանք Ցեղասպանությունից փրկված հայերի ժառանգներն են: Կիպրոսի հայերը, ըստ բուն կիպրոսցիների, մեծ ավանդ են ունեցել և ունեն երկրի պատմամշակութային զարգացման մեջ: Հյուսիսային Կիպրոսի Թուրքական հանրապետությունը Թուրքիայից բացի ՄԱԿ անդամ ոչ մի երկիր չի ճանաչել: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |